२ कोरिन्‍थी 2:9 - Sunuwar Bible

⁹ गे टीनीनी देय मटीनीनी, दे गो इन कली ङोंइती ङा चिठी सोइश्‍शो नङ।

२ कोरिन्‍थी 2:9 ပူးပေါင်းရင်းမြစ်များ

प्रस्‍थान 16:4

मिनु परमप्रभु यावेमी मोसा कली “नेनो, गो इन कली रेउ यिशो खोदेंशो पा सरीङ रे शोब्‍ले यिपाइक्‍नुङ। मिनु मुरपुकीम नाक्‍त किंत किंत गुप्‍चा माल्‍नीम। खेयप का गुप्‍मेनु, नाक्‍त का कली ला गुप्‍चा माल्‍नीमी। आं अरेशो लोव़ पाइबाक्‍मा कों, मपाइबाक्‍मा, गो मेको आन कली नाक्‍नुङ। प्रस्‍थान १६:१५; उत्‍पत्ती २२:१

२ कोरिन्‍थी 10:6

मिनु इन ख्रीस्‍त कली टिशो रिम्‍शो दुम्‍त हना, सु सुमी मटीमे, गो मेको आन कली सजाइ गेनीकी।

२ कोरिन्‍थी 2:3

गो ङोंइती मार मिम्‍शा ब्रेक्‍ताक्‍ङ देंशा हना, गो जाक्‍ङानु, सु मुरपुकीमी आं कली ग्‍येरपाइक्‍चा माल्‍नीमी, मेको रे पा आं थुं मखाइक्‍ल, दे ब्रेक्‍ताक्‍ङ। मारदे हना गो ग्‍येरसीङानु, गे नेल्‍ल ग्‍येरसीनीनी, दे थमा सुइक्‍नुङ।

२ कोरिन्‍थी 2:4

एको चिठी ब्रेक्‍तुनु, आं थुं खाइश्‍शा “दोपा अर्ती गेङमी? हुइश्‍शा रिम्‍शो दुम्‍नीमी कों? दोपा रिम्‍शो दुम्‍नीमी?” दे इन कली शुश मिम्‍शा, ङाक्‍थ्री दुम्‍ती। इन थुं खाइक्‍पाइक्‍चा कली ममाइ, इन कली दाक्‍तीके मोदेंशो दुम्‍त, दे मिम्‍तीन।

२ कोरिन्‍थी 2:8

मोपतीके मेको कली ब्रशा, दाक्‍तीन, दे इन कली पुंइनुङ।

२ कोरिन्‍थी 8:2

मेकोपुकी शुश श्‍येत जाम्‍तेक्‍म हना यो, ग्‍येरसीशो बाक्‍नीम। प्रुङग बाक्‍तेक्‍म हना यो, अरु आन कली योक्‍शा गेम्‍तेक्‍म।

२ कोरिन्‍थी 8:24

मोपतीके मेको सां इन बाक्‍तीके जाक्‍मानु, मेको आन कली दाक्‍शा, वारच पतीने। मेको आन कली मार माल्‍दा, मेको गेने, आन लोव़ नेनीने। आं देंशो पाइतीनी हना, गोमी इन पर्बम पशो लोव़ थमा दुम्‍ब। मिनु गो ग्‍येरसीनुङ। थमा सुइक्‍ब नेल्‍लेमी यो “कोरिन्‍थीपुकीमी रिम्‍शो पामे बाक्‍त” दे तुइक्‍नीम। २कोरिन्‍थी ७:१४

ब्‍यवस्‍था 13:3

गेपुकीमी मेको परमप्रभु यावे आ लोव़ पाइब, ङोमु शेंब, आन लोव़ काइ मनेनीन, मटिने। मारदे हना परमप्रभु यावे, इन परमप्रभुमी गे इन थुं नु सोक्‍त नेल्‍लेमी परमप्रभु यावे, इन परमप्रभु कली दाक्‍नीनी देय मदाक्‍नीनी, दे इन थुं नाक्‍शो बाक्‍ब।

ब्‍यवस्‍था 8:16

मिनु मेकोमी इन कली गोरशो रागीम मन्‍ना जचा गेप्‍तु। मेको इन किकी पिपी आन मतुइश्‍शो जचा थोव़क बाक्‍त। मारदे मोदेंशो पाप्‍तु देंशा हना, मेको नेल्‍ल इन कली ब्रेम्‍पाइक्‍चा, नाक्‍चा नु नोले रिम्‍शो पचा कली पाप्‍तु।

ब्‍यवस्‍था 8:2

मिनु परमप्रभु यावे, इन परमप्रभुमी इन कली ४० बर्स सम्‍म गोरशो रागीमी बाक्‍पाइक्‍तु। इन कली मारदे मोदेंशो पाप्‍तु देंशा हना, इन कली ब्रेम्‍पाइक्‍चा, इन थुं नाक्‍चा नु गे इन नेल्‍ल थुंमी आ शेंशो पाइनीनी देय मपाइनीनी, दे तुइक्‍चा कली इन कली मेको ४० बर्स सम्‍म मेकेर गाक्‍पाइक्‍तु। ब्‍यवस्‍था १३:४; उत्‍पत्ती २२:१; प्रस्‍थान १६:४; प्रस्‍थान २०:२०; न्‍यायाधीस २:२२

फिलिप्‍पी 2:12

आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७

फिलिप्‍पी 2:22

गेपुकीमी तिमोथी कली तुइक्‍नीनी। दोपा तौमी आ आफ नु गेय पाइबा, मोपा मेको गो नु परमप्रभु यावे आ ग्‍येरपाइक्‍ब लोव़ शेंथ गाक्‍त।

२ थिस्‍सलोनिकी 3:14

मिनु सु सुमी आंइ ब्रेक्‍शो लोव़ मटीमे, मेको आन कली तुइश्‍शा वोतीन। मिनु मेकोपुकी नु मबाक्‍कीन। मोदेंशो पशो तशा, मेको मुरपुकी मुने दोक्‍नीम।

फिलेमोन 1:21

गे आं लोव़ नेंशा टिशा, आं देंशो क्‍येङा यो शुश रिम्‍शो पाइनेवे, दे तुइश्‍शा, एको लोव़ ब्रेक्‍ताक्‍न।