२ कोरिन्‍थी 2:3 - Sunuwar Bible

³ गो ङोंइती मार मिम्‍शा ब्रेक्‍ताक्‍ङ देंशा हना, गो जाक्‍ङानु, सु मुरपुकीमी आं कली ग्‍येरपाइक्‍चा माल्‍नीमी, मेको रे पा आं थुं मखाइक्‍ल, दे ब्रेक्‍ताक्‍ङ। मारदे हना गो ग्‍येरसीङानु, गे नेल्‍ल ग्‍येरसीनीनी, दे थमा सुइक्‍नुङ।

२ कोरिन्‍थी 2:3 ပူးပေါင်းရင်းမြစ်များ

१ कोरिन्‍थी 4:21

गे मार पांइसीचा दाक्‍नीनी? कोक्‍केम हिंच कोंइशो खोदेंशो पा शेंदन्‍नी देय आं दाक्‍शो आल आन कली लेम्‍शो खोदेंशो ब्रोव़शो लोव़ पा शेंदन्‍नी? आमा मिम्‍शा देनीन। २कोरिन्‍थी १०:२

२ कोरिन्‍थी 1:15

मारदे हना गो मेको नेल्‍ल तुइक्‍ताक्‍ङ। गे शुश ग्‍येरसीशा बाक्‍कीन, दे ङोंइती इन बाक्‍तीके जाक्‍चा मिम्‍ताक्‍ङ।

२ कोरिन्‍थी 1:23

परमप्रभु यावे कली सांकछी वोइश्‍शा, इन कली थमा पा देंनुङ, गो इन कली हुइक्‍चा कली कोरिन्‍थ मजाक्‍ङ।

२ कोरिन्‍थी 12:11

गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। २कोरिन्‍थी ११:५

२ कोरिन्‍थी 12:21

गो लेश्‍शा जाक्‍ङानु, परमप्रभु यावेमी आं कली आइक्‍च सेल्‍बा कों, दे हिंनुङ। मिनु ङोंइती पाप पाइब नु परमप्रभु यावे गे मलेप्‍ब आन पर्बम सुर्ता पचा माल्‍नुङा कों? ङोंइती मेकोपुकीमी ग्रांग्रा दिचा ङा, तेल्‍लेम नु हेंथे गेय पाम्‍तेक्‍म। २कोरिन्‍थी १३:२

२ कोरिन्‍थी 13:10

गो इन नेक्‍था मबाक्‍ङानु, एको चिठी ब्रेक्‍नुङ। मिनु आं जाक्‍ची ना गो इन कली हुइश्‍शा, प्रभुमी आं कली गेशो अधिकार कोंइचा ममाल्‍ङल। मेको अधिकार सेल्‍चा कली गेशो बाक्‍त, प्रेत्‍चा कली ममाइ। २कोरिन्‍थी १०:११; २कोरिन्‍थी १०:८

२ कोरिन्‍थी 2:9

गे टीनीनी देय मटीनीनी, दे गो इन कली ङोंइती ङा चिठी सोइश्‍शो नङ।

२ कोरिन्‍थी 7:12

मुल देंचा लीशो लोव़ नेनीने, इन कली ङोंइती ब्रेक्‍शो चिठी मारदे ब्रेक्‍ताक्‍ङ देंशा हना, गेपुकी नु बाक्‍ब मरिम्‍शो पाइब नु मरिम्‍शो पचा पुंइसीब आस कली गारपाइक्‍चा लोव़ ला ममाइ। परमप्रभु यावेमी पावल कली अधिकार गेशो बाक्‍ब। मोपतीके आ देंशो टिचा माल्‍ब, दे रुप्‍शा, गेय कोंइदीने, दे ब्रेक्‍ताक्‍ङ।

२ कोरिन्‍थी 7:16

गो इन रिम्‍शो पशो तशा ग्‍येरसाक्‍यी। मिनु इन कली थमा सुइक्‍ता।

२ कोरिन्‍थी 7:6

तन्‍न परमप्रभु यावेमी आइक्‍च थुं पाइश्‍शो आन कली आन थुं बारपाइक्‍ब। मिनु तीतस जाक्‍शा आंइ थुं बारपाइक्‍तु। मिनु आंइ थुं बारत। २कोरिन्‍थी २:१३

२ कोरिन्‍थी 7:8

ङोंइती ङा चिठीमी इन थुं खाइक्‍पाइक्‍तन्‍नी, दे तुइक्‍ताक्‍ङ। मो हना यो मुल आं थुं मखाइक्‍ब। मारदे हना मेको इन थुं खाइश्‍शो शुश नाक्‍त मली, दे यो तुइक्‍ताक्‍ङ। २कोरिन्‍थी २:४

२ कोरिन्‍थी 8:22

मोपतीके मेको निक्‍शी नु आंइ लोक्‍ब का यो सोइक्‍नीकी। ङोंइती खेयप निक्‍शी सां सोइक्‍तकानु, मेको लोक्‍बमी रिम्‍शो गेय पा कोंइताक्‍व। मोपतीके मुल यो रिम्‍शो पाइब, दे तुइक्‍ताक्‍क। मेकोमी इन कली यो रिम्‍शो मिम्‍‍ब।

गलाती 5:10

गे आं शेंशो लोव़ थमा सुइक्‍चा मप्रोंइनीनी, दे प्रभु रे तुइक्‍ताक्‍ङ। सु सुमी इन कली दूली लोव़ शेंशा, इन थुं क्‍याल्‍पाइश्‍शा हिरदमे, मेको आन कली परमप्रभु यावेमी सजाइ गेब, दे यो तुइक्‍ताक्‍ङ। गलाती १:७

२ थिस्‍सलोनिकी 3:4

गोपुकीमी इन कली मार देंका, मेको पना पन बाक्‍शा, नोले यो पाइनीनी। प्रभुमी इन कली वारच पाइब, दे तुइक्‍नीकी। २कोरिन्‍थी ७:१६; गलाती ५:१०

फिलेमोन 1:21

गे आं लोव़ नेंशा टिशा, आं देंशो क्‍येङा यो शुश रिम्‍शो पाइनेवे, दे तुइश्‍शा, एको लोव़ ब्रेक्‍ताक्‍न।