२ कोरिन्‍थी 13:7 - Sunuwar Bible

⁷ गे मारेइ मरिम्‍शो मपन, दे गो परमप्रभु यावे कली पुंइनीकी। गो ग्राशो मुर खोदेंशो दुम्‍चा ममाइ, तन्‍न ठीक पाइब दुम्‍मीन। गो ठीक मपाइब खोदेंशो दुम्‍तक हना यो, गे रिम्‍शो पाइब दुम्‍नीकी।

२ कोरिन्‍थी 13:7 ပူးပေါင်းရင်းမြစ်များ

१ इतिहास 4:10

मिनु याबेसमी इस्राएली आन परमप्रभु कली “आं कली आसीक गेने। आं कली रू तेम्‍शा गेयीनी। गे गो नु बाक्‍कीन। आं कली श्‍येत रे ङोन वोइय्‍यीनी” दे पुना बाक्‍त। मिनु परमप्रभुमी मेको आ पुंइशो गेवा बाक्‍त।

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

यूहन्‍ना 17:15

मेको आन कली रागी रे प्रोनीन, दे इन कली मपुंइनुङ। तन्‍न मेको आन कली सैतान रे प्रोनीन, दे पुंइनुङ। मत्ती ६:१३; २थिस्‍सलोनिकी ३:३

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 12:17

इन कली मरिम्‍शो पाइब आन कली मरिम्‍शो मपने। मुर आन कली मार रिम्‍शो बाक्‍बा, मेको मिम्‍तीन। हितोपदेस २०:२२; १थिस्‍सलोनिकी ५:१५; २कोरिन्‍थी ८:२१

रोमी 13:13

नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८

रोमी 16:10

ख्रीस्‍त कली रिम्‍शो पा थमा सुइक्‍ब अपेल्‍लेस कली “रिम्‍शो बाक्‍को” दे माइक्‍चा। अरीस्‍तोबलस आ खिं ङा मुर नेल्‍ल आन कली यो “रिम्‍शो बाक्‍कीन” दे माइक्‍चा।

१ कोरिन्‍थी 11:19

एर ओंथ ब्रा‍शा बाक्‍चा चहिं दुम्‍चा माल्‍ब। मारदे हना लोव़ रुप्‍ब नु मरुप्‍बपुकी दिल्‍नीम। मत्ती १८:७; १यूहन्‍ना २:१९

२ कोरिन्‍थी 10:10

मारदे हना मेकोपुकीमी “मेको आ ब्रेक्‍शो चिठी ठेयब नु बोल्‍यो लोव़म ब्रीशो बाक्‍नीम। तन्‍न आंमान जाक्‍त हना, मारेइ पने मचाप्‍ब नु ब्‍वाक्‍स मजोक्‍ब बाक्‍ब” देंनीम।

२ कोरिन्‍थी 10:18

सुमी आंम कली शेंब सेल्‍बा, मेको कली मब्राइनीम। तन्‍न प्रभुमी शेंब सेल्‍शो कली ब्राइनीम। १कोरिन्‍थी ४:५

२ कोरिन्‍थी 13:6

गो आंइ शेंशोमी इन कली रिम्‍शो पाइतक, दे तुइक्‍नीकी। मिनु गे यो मोदेंशो मिम्‍नीनी, दे आस पाइनीकी।

२ कोरिन्‍थी 13:8

गोपुकीमी थमा लोव़ थमा पाइनीकी। दूली नु जोल लोव़ कली थमा देंने मचाप्‍नीकी।

२ कोरिन्‍थी 13:9

गो मारेइ पने मचाप्‍ब दुम्‍शो बाक्‍तक। तन्‍न इन कली बोल्‍यो दुम्‍शो तशा ग्‍येरनीकी। गो परमप्रभु यावे कली “कोरिन्‍थीपुकी रिम्‍शो दुम्‍मल” दे पुंइना पुंइन बाक्‍नीकी।

२ कोरिन्‍थी 6:4

तन्‍न परमप्रभु यावे आ गेय पाइब दुम्‍शा, आंइ गेय नेल्‍ल रिम्‍शो पाइनीकी। गो शुश फाल्‍नीकी, खेदा पतीकेमी, श्‍येत जतीकेमी, हिंतीकेमी,

२ कोरिन्‍थी 8:21

गो प्रभु आ ङोंइती रिम्‍शो पशो ला ममाइ। मुर नेल्‍ल आन ङोंइती यो रिम्‍शो पशा कोंइनीकी।

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।

१ थिस्‍सलोनिकी 5:23

थुं नाइक्‍पाइक्‍ब परमप्रभु यावेमी इन कली थम रिम्‍शो सेलल। इन सोक्‍त, थुं नु रां इं प्रभु येसु ख्रीस्‍त मयिम सम्‍म रिम्‍शो नु दोस मताइब दुम्‍शा बाक्‍मल।

१ तिमोथी 2:2

पिप नु सरकार ङा ठेयब अधिकार पाइश्‍शो मुर आन पर्बम यो मोदेंशो पुंइतीक लोव़ पचा माल्‍नय। मो पा गो रिम्‍शो, थुं नाइश्‍शा, इं गेयमी परमप्रभु यावे कली मिम्‍चा, दाक्‍चा नु नेल्‍ल गेयमी ठीक दुम्‍शा बाक्‍य।

२ तिमोथी 2:15

गे परमप्रभु यावे आ ङोंइती रिम्‍शो गेय पाइब दुम्‍चा कली बल पावो। थमा शेंतीके रिम्‍शो पा शेंचा कली काइ मुने पचा ममाल्‍नेवे। १तिमोथी ४:६; तीतस २:७-८

२ तिमोथी 4:18

प्रभुमी आं कली आ स्‍वर्ग ङा राज्‍य लचा, दे नेल्‍ल श्‍येत रे प्रोंइब। मेको कली गेना हना यो मान पय। आमेन।

याकूब 1:12

सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६