२ कोरिन्‍थी 12:21 - Sunuwar Bible

²¹ गो लेश्‍शा जाक्‍ङानु, परमप्रभु यावेमी आं कली आइक्‍च सेल्‍बा कों, दे हिंनुङ। मिनु ङोंइती पाप पाइब नु परमप्रभु यावे गे मलेप्‍ब आन पर्बम सुर्ता पचा माल्‍नुङा कों? ङोंइती मेकोपुकीमी ग्रांग्रा दिचा ङा, तेल्‍लेम नु हेंथे गेय पाम्‍तेक्‍म। २कोरिन्‍थी १३:२

२ कोरिन्‍थी 12:21 ပူးပေါင်းရင်းမြစ်များ

एज्रा 10:1

एज्रा परमप्रभु आ खिं आ ङोंइती गु बाप्‍शा, आन मरिम्‍शो पशो नेल्‍ल शोव़शा, ङाक्‍ना ङाक्‍न बाक्‍शो बाक्‍त। मिनु ठेयब हुल का इस्राएली वोंइश मुर, मीश मुर नु आलपुकी एज्रा आ एर ओंथ बुक्‍तेक्‍म। मिनु मेको यो शुश ङाक्‍तेक्‍म।

एज्रा 9:3

मिनु गो मेको लोव़ नेंशा आं फेक्‍शो वा खाक्‍ता। आं चां नु गल शोक्रे तुल्‍ता। मारेइ लोव़ पने मचाप्‍थु, सिक्‍सी पा बाक्‍ती।

भजन संग्रह 119:136

गो ङाक्‍नुङ। मारदे हना मुरपुकीमी इन अरेशो लोव़ मटीम।

प्रस्‍थान 32:31

मिनु मोसा परमप्रभु यावे आ बाक्‍तीक लशा मेको कली “मुरपुकीमी थमा पा ठेयब पाप पाम्‍तेक्‍म। आंम कली सुन के देवता सेल्‍तेक्‍म।

येरमीया 13:17

तन्‍न गेपुकीम मेको मनेंतीनी हना, गो इन ठेयब लेश्‍शो आ पतीके, गो आं थुंम सुइ आन मतुइक्‍चा ङा पा ङाक्‍नुङ। परमप्रभु यावे आ हुल ग्‍याइश्‍शा लाइक्‍चा पुंइसीतीके गो हुइ हुइ पा ङाक्‍नुङ। मिनु आं मिक्‍च रे प्रेक्‍कु दोक्‍ब। येरमीया ८:२३; येरमीया १४:१७; लूका १९:४१

येरमीया 9:1

परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

रोमी 13:13

नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८

रोमी 9:2

गो इं यहूदी लोक्‍ब आन कली तशा, आं थुं शुश खाइक्‍ती। मेको आन कली दो पङ, मार पङ देंशा आं थुं खुरसाक्‍यी।

१ कोरिन्‍थी 5:1

गे नु बाक्‍ब कामी हेंथे पाप्‍तु देंशो लोव़ नेंता। मोदेंशो पात्‍के अर्को रागी ङा मुर आन दातेमी यो मबाक्‍ब। मुर कामी आ आफ आ मीश वोंइसाक्‍व, देंशो लोव़ नेंता। लेवी १८:८

२ कोरिन्‍थी 10:6

मिनु इन ख्रीस्‍त कली टिशो रिम्‍शो दुम्‍त हना, सु सुमी मटीमे, गो मेको आन कली सजाइ गेनीकी।

२ कोरिन्‍थी 12:7

गो शुश कोंइतीके तशा, मेको आ पर्बम ठेयब लेश्‍शा, नें मबोरपदुल, दे सैतान आ चू आं रांम गेती। मेको आं कली श्‍येत गेचा कली नु आं ठेयब लेत्‍तीक तेक्‍चा कली बाक्‍ब।

२ कोरिन्‍थी 13:2

मोपतीके सजाइ गेचा पुंइसीब आन कली सजाइ मगेथु, मप्रोंइनुङ। मारदे हना एको क्‍येङा ङोंइती जाक्‍ङानु, मो मपचा, दे शेंशो नन्‍नी।

२ कोरिन्‍थी 8:24

मोपतीके मेको सां इन बाक्‍तीके जाक्‍मानु, मेको आन कली दाक्‍शा, वारच पतीने। मेको आन कली मार माल्‍दा, मेको गेने, आन लोव़ नेनीने। आं देंशो पाइतीनी हना, गोमी इन पर्बम पशो लोव़ थमा दुम्‍ब। मिनु गो ग्‍येरसीनुङ। थमा सुइक्‍ब नेल्‍लेमी यो “कोरिन्‍थीपुकीमी रिम्‍शो पामे बाक्‍त” दे तुइक्‍नीम। २कोरिन्‍थी ७:१४

गलाती 5:19

आन दला दाक्‍स पा मुर आ थुंमी मिम्‍शो पाइबपुकीमी दोदेंशो गेय पाइनीम देंशा हना, तेल्‍लेम पाइनीमी, ग्रांग्रा दिचा ङा गेय पाइनीमी, हेंथे गाक्‍नीमी, १कोरिन्‍थी ६:९-१०

ब्‍यवस्‍था 9:15

मिनु गो डांडा रे ब्रुप्‍ती। मेको डांडाम मी ब्रस ङा ब्रस बाक्‍त। मिनु गो मेको कबल ङा लोव़ ब्रेक्‍शो फुल्‍लु निक्‍शी कुरता।

ब्‍यवस्‍था 9:25

मोपतीके परमप्रभु यावे आ ङोंइती गो ४० नाक्‍ती ४० नाक्‍दो सम्‍म बाप्‍शा बाक्‍ती। मारदे हना परमप्रभु यावेमी ‘गे इन कली क्‍याम्‍नुङ’ देंशो बाक्‍त। ब्‍यवस्‍था ९:१८

कलस्‍सी 3:5

मोपतीके इन आगामी बाक्‍शो माइत रागी ङा थुं कली सतीन। रागी ङा मुर आन थुंमी मार बाक्‍ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्‍स पचा, मरिम्‍शो मिम्‍तीके नु शिंम दुम्‍तीके बाक्‍ब। शिंम दुम्‍तीके चहिं मूर्ति पूजा पचा खोदेंशो बाक्‍ब। एफिसी ५:३

हिब्रू 13:4

गे नेल्‍लेमी “ग्युंबे पशो रिम्‍शो बाक्‍ब” दे मिम्‍तीने। मुर आ मीश नु मुरु आ वोंइश मइम्‍मल। मीश वोंइश आस नाता ख्रोइक्‍ब नु तेल्‍लेम आन कली परमप्रभु यावेमी निसाफ पाइब।

२ पत्रुस 2:18

मेकोपुकीमी हेंथे लोव़ पा पाप रे प्रोंइचा पुंइसीशो नक थमा सुइक्‍ब दुम्‍शो मुर आन कली आन हेंथे पतीके ग्रांग्रा दिचा ङा गेय पपाइक्‍नीम।

यहूदा 1:23

का निक्‍शी कली मी रे फो फु ग्रुंइशो खोदेंशो पा प्रोनीन। का निक्‍शी कली शिशी पने, तन्‍न आन ग्रांग्रा दिचा ङा पाप क्‍येङा हिंशा, आन लुम्‍सीशो वासी यो मथिने। याकूब ५:९; प्रकाश ३:४

यहूदा 1:7

सोदोम, गोमोररा नु आस एर ओंथ बाक्‍शो सहर ङा मुरपुकीमी आन खोदेंशो पा ग्रांग्रा दिचा ङा नु मपचा ङा दूली गेय पशो बाक्‍तेक्‍म। परमप्रभुमी मेको आन कली कोंइतीक दुम्‍पाइक्‍चा कली गेना हना यो ब्रशो मीमी सजाइ गेशो बाक्‍त। उत्‍पत्ती १९:१,४-११

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०

प्रकाश 22:20

मिनु एको लोव़ पाइबमी “आमेन, गो फ्रा लेश्‍शा यीनुङ” देंत। मिनु थमा सुइक्‍बपुकीमी “आमेन, प्रभु येसु जाक्‍कीन” देंतेक्‍म। १कोरिन्‍थी १६:२२

१ सामुएल 15:35

मिनु सामुएल मबेक्‍म सम्‍म गेनायो सावल कली ग्रुम्‍थ मलमाक्‍त। तन्‍न परमप्रभु यावेम “सावल कली बित्‍चीम ला इस्राएल ङा पिप सेलु बाक्‍त” देंशो, मिम्‍शा सुर्ता पस ङा पस बाक्‍माक्‍त।