२ कोरिन्‍थी 12:19 - Sunuwar Bible

¹⁹ “पावल नु आ वारचपुकीमी ब्रोंइचा कली लोव़ पाइबाक्‍तेक्‍म” देंशो मिम्‍ताक्‍नी हना, गे दूली मिम्‍ताक्‍नी। आंइ दाक्‍शो लोक्‍बपुकी, गो इन कली शेंशा लोव़ पकानु, परमप्रभु यावे आ ङोंइती जिम्‍मा ब्रशा ख्रीस्‍त आ अधिकार तशा, इन कली रिम्‍शो दुम्‍ल, दे मिम्‍शा शेंताक्‍क।

२ कोरिन्‍थी 12:19 ပူးပေါင်းရင်းမြစ်များ

रोमी 12:19

आं दाक्‍शो लोक्‍बपुकी, इन कली श्‍येत गेब आन कली आंमा क्‍येक्‍क मलेत्‍तीन। परमप्रभु यावेमी गाइश्‍शा, मेको आन कली मारेइ पवल, दे सिक्‍सी पा बाक्‍कीन। मारदे हना “क्‍येक्‍क लेत्‍तीक गेय आं केन बाक्‍ब। मिनु गोन पाइनुङ, दे परमप्रभु यावेमी देंब” दे ब्रेक्‍शो बाक्‍ब। ब्‍यवस्‍था ३२:३५; लेवी १९:१८; मत्ती ५:३८-४४

रोमी 14:19

मोपतीके दुशा गारशा नु थमा सुइक्‍तीक थुं बारपाइक्‍मुशा बाक्‍य। रोमी १२:१८; रोमी १५:२

रोमी 15:2

इं दातेम नेल्‍लेमी अरु आन कली रिम्‍शो पा आन थमा सुइक्‍तीक थुं बारपाइक्‍ब दुम्‍चा माल्‍नय। १कोरिन्‍थी ९:१९; १कोरिन्‍थी १०:२४,३३

रोमी 9:1

ख्रीस्‍त आ नें ब्रशा, जोल मपथु, एको लोव़ पाइनुङ। परमप्रभु यावे आ सोक्‍तमी आं थुंमी थमा लोव़ बाक्‍ब, दे सांकछी गेब।

१ कोरिन्‍थी 10:14

आं दाक्‍शो लोक्‍बपुकी, मूर्ति पूजा पचा प्रोनीन। १यूहन्‍ना ५:२१

१ कोरिन्‍थी 10:33

गो मोदेंशो पा नेल्‍ल आन कली ग्‍येरपाइक्‍चा ङा गेय पचा दाक्‍नुङ। आंम आं कली ममिम्‍सीथु, मेको आन कली रिम्‍शो दुम्‍ल, दे मिम्‍शा, गेय पाइनुङ। “शुशेमी ख्रीस्‍त कली थमा सुइश्‍शा, आ मुर दुम्‍मल” दे मिम्‍शा बाक्‍ती। १कोरिन्‍थी ९:२०-२२

१ कोरिन्‍थी 14:26

आं लोक्‍बपुकी, मुल मार देंनुङ देंशा हना, गे खुम्‍सीशा बाक्‍नीनु, नेल्‍ल इन के गेय का का बाक्‍ब। कामी परमप्रभु यावे कली कुम्‍सो पाइब, कामी लोव़ शेंबा, कामी नोले दुम्‍तीक लोव़ पाइब, कामी परमप्रभु यावे आ सोक्‍त आ लोव़ पाइब नु अर्कोमी मेको लोव़ आ अर्थ शेंब। मेको गेय नेल्‍ल थुं बारपाइक्‍चा कली दुम्‍ल। १कोरिन्‍थी १२:८-१०; एफिसी ४:१२

२ कोरिन्‍थी 10:8

गो आंइ अधिकार आ पर्बम बोरती हना यो, मुने मदोक्‍नुङ। मारदे हना मेको इन कली खतम सेल्‍चा कली ममाइ। तन्‍न इन कली रिम्‍शो सेल्‍चा कली प्रभुम गेती। २कोरिन्‍थी १३:१०; १कोरिन्‍थी ५:४-५

२ कोरिन्‍थी 11:10

ख्रीस्‍त थमा बाक्‍ब, देंशो लोव़ लीशो खोदेंशो पा “कोरिन्‍थी आन कली आन क्‍येट मताक्‍थु, मोशा शेंताक्‍व” देंशो लोव़ आकाया रागीम ब्रशा लील, दे मिम्‍शा, मारेइ मताक्‍गु।

२ कोरिन्‍थी 11:31

गेना हना यो ठेयब सेल्‍चा पुंइसीब प्रभु येसु आ आफ परमप्रभु यावेमी गो जोल मपाइनुङ, दे तुइक्‍ब।

२ कोरिन्‍थी 12:15

गो दोपा इन कली वारच पा रिम्‍शो थुं सेल्‍चा कली ग्‍येरसीशा, आं थुं गेनन्‍नी, मोपा इन कली दाक्‍चा ङा गेय पाता। मिनु गो चहिं इच्‍का ला दाक्‍चा पुंइसीनुङा ङा? फिलिप्‍पी २:१७

२ कोरिन्‍थी 13:10

गो इन नेक्‍था मबाक्‍ङानु, एको चिठी ब्रेक्‍नुङ। मिनु आं जाक्‍ची ना गो इन कली हुइश्‍शा, प्रभुमी आं कली गेशो अधिकार कोंइचा ममाल्‍ङल। मेको अधिकार सेल्‍चा कली गेशो बाक्‍त, प्रेत्‍चा कली ममाइ। २कोरिन्‍थी १०:११; २कोरिन्‍थी १०:८

२ कोरिन्‍थी 2:17

तन्‍न गो परमप्रभु यावे आ लोव़ ग्‍याप्‍ब लेयब खोदेंशो पा मलेयनीकी। गो ठीक पाइब मुर बाक्‍नीकी। गो परमप्रभु यावे आ सोइश्‍शो, परमप्रभु यावे आ ङोंइती ख्रीस्‍त आ नेंमी शेंनीकी। २कोरिन्‍थी १:१२; २कोरिन्‍थी ४:२; १पत्रुस ४:११

२ कोरिन्‍थी 3:1

गो मेकोपुकीमी लोव़ पशो खोदेंब पा ठेयब सेल्‍सीनीकी ङा? मेकोपुकीमी सिफारीस कागज ग्रुंइनीमी। मिनु गोपुकी यो मोदेंशो कागज कुरशा, शेंना शेंन गाक्‍चा माल्‍नीकी ङा? २कोरिन्‍थी ५:१२

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

फिलिप्‍पी 4:1

मोपतीके आं दाक्‍शो लोक्‍बपुकी, प्रभु कली थमा सुइश्‍शा, खोइल थेक्‍शा बाक्‍कीन। गो इन कली दाक्‍शा शुश मिम्‍नुङ। गेपुकीम आं कली ग्‍येरपाइश्‍शा, आं ग्रातीक सिरपेच खोदेंशो दुम्‍तीनी। २कोरिन्‍थी १:१४; १थिस्‍सलोनिकी २:१९-२०

१ थिस्‍सलोनिकी 5:11

मोपतीके अरेपमुशा, इन थुं बारपमुने। गेपुकी मोदेंशो पना पन यो बाक्‍तीनी। हिब्रू ३:१३

हिब्रू 6:9

आंइ दाक्‍शो लोक्‍बपुकी, गोपुकीमी ओदेंशो लोव़ पाइतक हना यो, इन कली तशा, गे पाप रे ब्रोंइचा तशो ननी, दे थमा सुइक्‍नीकी।