२ कोरिन्‍थी 12:14 - Sunuwar Bible

¹⁴ मुल इन कली ग्रुम्‍थ पिङानु, खेयप सां दुम्‍ब। गो इन कली श्‍येत मगेनुङ। इन बाक्‍शो मारेइ मताक्‍नुङ। तन्‍न इन कली माल्‍नुङ। मारदे हना आलपुकीम आंम आफ कली शोंप मउप्‍नीम। तन्‍न आम आफोमी आन आल आ पर्बम शोंप उप्‍नीमी।

२ कोरिन्‍थी 12:14 ပူးပေါင်းရင်းမြစ်များ

हितोपदेस 11:30

ठीक पाइब मुर आन पतीके ब्रोंइचा गेब रवा खोदेंशो बाक्‍ब। तन्‍न हुश ख्राक्‍श पोक्‍बमी मुर आन कली साइक्‍ब। हितोपदेस ३:१८

हितोपदेस 13:22

रिम्‍शो मुरुमी आ चच युइ आन कली शोंप हेंशा वोइक्‍ब। तन्‍न मरिम्‍शो पाइब आन शोंप ठीक पाइबपुकीम ताइनीम।

हितोपदेस 19:14

खिं नु शोंप आम आफ रे तांइसीब। तन्‍न होस पाइब मीश चहिं परमप्रभु यावे रे तांइसीब। हितोपदेस १८:२२

इजीकीएल 34:2

मार लोव़ पाप्‍तु देंशा हना “ए मुर, इस्राएल ङा गोठला आन कली आं लोव़ पावो। परमप्रभु, परमप्रभु यावेमी इन कली मार देंब देंशा हना ‘इस्राएल ङा गोठलापुकी गे आंमा जशा ब्‍वशा बाक्‍तीनी। मार, गोठलापुकीम भेडा आन कली रिम्‍शो पा कोव़चा ममाल्‍नीमी ङा? येरमीया २३:१-४

प्रेरित 20:33

गेपुकी नु बाक्‍ङानु, इन बाक्‍शो सुन चांदी वा नेल्‍ल तशा मवाल्‍ङ। मारेइ मताक्‍गु।

१ कोरिन्‍थी 10:24

होस पांइसीने, आंम इन कली ला मिम्‍चा प्रोंइशा, अरु आन कली यो रिम्‍शो दुम्‍ल दे मिम्‍शा गेय पने। रोमी १५:२; फिलिप्‍पी २:४

१ कोरिन्‍थी 10:33

गो मोदेंशो पा नेल्‍ल आन कली ग्‍येरपाइक्‍चा ङा गेय पचा दाक्‍नुङ। आंम आं कली ममिम्‍सीथु, मेको आन कली रिम्‍शो दुम्‍ल, दे मिम्‍शा, गेय पाइनुङ। “शुशेमी ख्रीस्‍त कली थमा सुइश्‍शा, आ मुर दुम्‍मल” दे मिम्‍शा बाक्‍ती। १कोरिन्‍थी ९:२०-२२

१ कोरिन्‍थी 11:34

शोव़लु फाल्‍ने मचाप्‍बपुकीमी आन खिंम जशा जाक्‍‍मल। मो मपाइतीनी हना, प्रभु भोज मरिम्‍शो सेल्‍शा नु दोसी दुम्‍नीनी। अरु थोव़क आन पर्बम गो इन कली नोले जाक्‍ची ना शेंनुङ।

१ कोरिन्‍थी 16:5

गो मासीडोनीया रागी लाक्‍‍शा, इन कली ग्रुम्‍थ जाक्‍नुङ। प्रेरित १९:२१

१ कोरिन्‍थी 4:19

तन्‍न प्रभुम इन कली ग्रुम्‍चा गेती हना, गो रीब पा जाक्‍नुङ। मेको ठेयब लेश्‍शो मजाक्‍ब देंब आन लोव़ ममाइ, मेको आन सक्ति बाक्‍म कों मबाक्‍म दे ला कोव़नुङ।

१ कोरिन्‍थी 9:12

अरु शेंबपुकीमी मेको ताम्‍तेक्‍म हना, मार, गो मेको आन क्‍येङा मताइनीकी ङा? मो हना यो गो मोदेंशो लोव़ मपाइनीकी। ख्रीस्‍त आ ग्‍येरपाइक्‍ब लोव़ शेंशोनु, श्‍येत मदुम्‍ल, दे मोदेंशो लोव़ मपाइनीकी। प्रेरित २०:३३-३५ २कोरिन्‍थी ११:९

१ कोरिन्‍थी 9:18

मिनु आं शेंशा गाक्‍शो ङा मार ताक्‍गु ङा? गो प्रभु आ ग्‍येरपाइक्‍ब लोव़ मारेइ मताक्‍थु शेंनुङ। ग्‍येरपाइक्‍ब लोव़ शेंब आन तचा ङा, ताक्‍चा मदाक्‍नुङ।

१ कोरिन्‍थी 9:19

गो आं दाक्‍शो पने चाप्‍नुङ, मो हना यो शुश मुरुमी ख्रीस्‍त आ लोव़ रुप्‍‍शा, आ मुर दुम्‍मल, दे आन वाइल खोदेंशो दुम्‍शा, शेंना शेंन गाक्‍ती। मत्ती २०:२७; रोमी १५:२

२ कोरिन्‍थी 1:15

मारदे हना गो मेको नेल्‍ल तुइक्‍ताक्‍ङ। गे शुश ग्‍येरसीशा बाक्‍कीन, दे ङोंइती इन बाक्‍तीके जाक्‍चा मिम्‍ताक्‍ङ।

२ कोरिन्‍थी 11:9

गेपुकी नु बाक्‍शा शेंदन्‍नीनु, मासीडोनीया रागी रे जाक्‍शो थमा सुइक्‍ब लोक्‍बपुकीमी आं कली माल्‍शो थोव़क गेशा, वारच पाइक्‍तीमी। मोपा आन पशोमी गेपुकीमी मोशा शेंसीचा ताइतीनी। मुल यो मारेइ ताक्‍चा ममाल्‍ङल, दे मिम्‍ताक्‍ङ।

२ कोरिन्‍थी 12:13

तेइ तेइ येसु आ नेंमी खुम्‍सीशा बाक्‍ब आन कली मारेइ मारेइ शेंशा, मारेइ मारेइ पशा कोंइशो खोदेंशो पा इन कली यो पशा कोंइताक्‍न्‍नी। मिनु मार लीम ङा? लोव़ का चहिं मार लीत देंशा हना, गेपुकी नु गो मारेइ मताक्‍गु। आं मताक्‍शोमी माफ गेयीनी। २कोरिन्‍थी ११:७-९

गलाती 4:19

आं दाक्‍शो आलपुकी, मीश मुरुमी आल थिचामेनु, श्‍येत जाइनीमी। शुश खाइक्‍ब। आल थिचशो मीश मुरुमी श्‍येत जशा खाइश्‍शो खोदेंशो पा, गो इन कली मिम्‍शा, श्‍येत जाइनुङ। इन थुंमी ख्रीस्‍त बारल, दे मिम्‍शा, मोदेंशो पा आं थुं खाइक्‍ती। १कोरिन्‍थी ४:१५

फिलिप्‍पी 4:1

मोपतीके आं दाक्‍शो लोक्‍बपुकी, प्रभु कली थमा सुइश्‍शा, खोइल थेक्‍शा बाक्‍कीन। गो इन कली दाक्‍शा शुश मिम्‍नुङ। गेपुकीम आं कली ग्‍येरपाइश्‍शा, आं ग्रातीक सिरपेच खोदेंशो दुम्‍तीनी। २कोरिन्‍थी १:१४; १थिस्‍सलोनिकी २:१९-२०

फिलिप्‍पी 4:17

इन गेशो क्‍येट ममिम्‍नुङ, तन्‍न परमप्रभु यावेमी इन मो पशो तशा, इन कली रिम्‍शो पाइब। गो मोदेंशो तचा दाक्‍नुङ।

१ थिस्‍सलोनिकी 2:11

मिनु गोपुकीमी आल आन कली रिम्‍शो अरेब आफ खोदेंशो पा इन कली अरेतक। इन थुं बारपाइश्‍शा

१ थिस्‍सलोनिकी 2:8

गोपुकीमी इन कली शुश दाक्‍शा, परमप्रभु यावे आ ग्‍येरपाइक्‍ब लोव़ शेंचा ला ममाइ, तन्‍न शेंचा आ पर्बम बेक्‍चा माल्‍तक हना यो, बेक्‍नीकी। २कोरिन्‍थी १२:१५