२ कोरिन्‍थी 12:1 - Sunuwar Bible

¹ नें बोरपाइक्‍तीक लोव़ शोर गाक्‍शो बाक्‍त हना यो, गो आं नें बोरपा लोव़ पचा मप्रोंइनुङ। मारदे हना प्रभुमी छेङछेङ पा तपांइसीशा तुइक्‍पाइक्‍ती, दे मुल सम्‍म इन मतुइश्‍शो लोव़ तुइक्‍पाइक्‍नन्‍नी।

२ कोरिन्‍थी 12:1 ပူးပေါင်းရင်းမြစ်များ

इजीकीएल 11:24

मिनु परमप्रभु यावे आ सोक्‍तीम आं कली इर क्‍युक्‍ती। मिनु कोंइतीके कोंइशोमी आं कली कल्‍दी रागीम ग्‍याइश्‍शा लाइक्‍चा पुंइसीशो आन बाक्‍तीकेम चाक्‍दीत्‍ती। मिनु नोले मेको कोंइतीके आं रे इर गे लाक्‍तु। इजीकीएल ३:१२

गन्‍ती 12:6

मिनु मेकोमी “आं लोव़ नेनीन। गेपुकी इन दातेमी परमप्रभु यावे आ लोव़ पाइब बाक्‍त हना, गो मेको कली कोंइतीकेम तपांइसीनुङ। गो मेको नु आ ङोमुमी लोव़ पाइनुङ।

यूहन्‍ना 16:7

नोफा दाइश्‍शा नेनीन, आं लशो इन कली रिम्‍शो दुम्‍ब। गो मलती हना, थमा सुइक्‍ब आन कली वारच पाइब मजाक्‍ब। गो लती हना, मेको कली सोइक्‍नुङ। यूहन्‍ना १४:१६,२६

यूहन्‍ना 18:14

ङोंइती काइयाफासमी यहूदी आन कली “मुर नेल्‍ल आन साइक्‍चा ङा मुर का कली साइक्‍चा रिम्‍शो दुम्‍ब” देंशो बाक्‍माक्‍त। लूका ३:१-२; यूहन्‍ना ११:४९-५०

प्रेरित 18:9

मिनु काबु नाक्‍दो प्रभुमी पावल कली कोंइतीक कोंइदानु “सुइ कली तशा महिनो। शेंस ङा शेंस बाक्‍को। येरमीया १:८; १कोरिन्‍थी २:३

प्रेरित 23:11

मिनु मेको नाक्‍दो प्रभुमी पावल आ नेक्‍था जाक्‍शा “दोपा यरूसलेममी आं पर्बम शेंदीमी, मोपा रोम सहरमी यो आं पर्बम शेंशा सांकछी दुम्‍नेवे। मोपतीके महिंथु, ठेयब थुं पा बाक्‍को” देंमाक्‍त। प्रेरित १:८; प्रेरित २५:११-१२; प्रेरित २७:२३-२४

१ कोरिन्‍थी 10:23

मारेइ मारेइ ठीक बाक्‍ब। तन्‍न गेय का निक्‍शी चहिं इन कली रिम्‍शो मदुम्‍ब। मारेइ मारेइ ठीक बाक्‍तेक्‍म हना यो, का निक्‍शीम इन थमा सुइक्‍तीक मबारपाइक्‍नीम। १कोरिन्‍थी ६:१२

१ कोरिन्‍थी 14:6

आं लोक्‍बपुकी, गो परमप्रभु यावे आ सोक्‍त आ लोव़ पा, इन ग्रुम्‍तीकेमी जाक्‍ती हना, इन कली मरुप्‍चा ङा बाक्‍त। गो इन कली नोले दुम्‍तीक लोव़, जोक्‍तीक तुइक्‍तीक लोव़, परमप्रभु यावे आ लोव़ नु आ शेंतीक लोव़ पाता हना चहिं इन कली रिम्‍शो दुम्‍ब। १कोरिन्‍थी १२:८

१ कोरिन्‍थी 6:12

गो मार गेय पचा दाक्‍तु, मेको पने चाप्‍नुङ। तन्‍न गेय का निक्‍शी आं कली रिम्‍शो मदुम्‍ब। गो मारेइ पने चाप्‍ता हना यो, मरिम्‍शो पतीक आ वाइल मदुम्‍नुङ। १कोरिन्‍थी १०:२३

२ कोरिन्‍थी 12:11

गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। २कोरिन्‍थी ११:५

२ कोरिन्‍थी 12:5

मेको मुर आ पर्बम आं नें बोरपाइक्‍नुङ। आं पर्बम चहिं आं नें मबोरपाइक्‍नुङ। तन्‍न गो आं मचाप्‍शो आ पर्बम आं नें बोरपाइक्‍नुङ। २कोरिन्‍थी ११:३०

२ कोरिन्‍थी 12:7

गो शुश कोंइतीके तशा, मेको आ पर्बम ठेयब लेश्‍शा, नें मबोरपदुल, दे सैतान आ चू आं रांम गेती। मेको आं कली श्‍येत गेचा कली नु आं ठेयब लेत्‍तीक तेक्‍चा कली बाक्‍ब।

२ कोरिन्‍थी 12:9

तन्‍न मेकोमी आं कली “आं शिशी इ कली गारब। मारदे हना मचाप्‍ब मुर आगाम आं सक्ति नेल्‍ल क्‍येङा ठीक बाक्‍ब” देंत। मोपा तुइक्‍तु रे ख्रीस्‍त आ सक्ति गो नु बाक्‍शो तांइसेक्‍ल, दे गो मारेइ पने मचाप्‍ब दुम्‍शोमी, थाम्‍पा ग्‍येरसीशा आं नें बोरपाइक्‍नुङ।

२ कोरिन्‍थी 8:10

मिनु गो इन कली मार देंनुङ देंशा हना “बर्स का ङोंइती इन गोशो गेय थुम्‍चा मालीने” देंनुङ।

गलाती 1:12

गो मेको मुरुमी शेंशा नेंपाइश्‍शो मनङ। येसु ख्रीस्‍तमी तपांइसीशा, शेंताक्‍यी। प्रेरित ९:१-१५

गलाती 2:2

येसु ख्रीस्‍तमी यरूसलेमम बाक्‍ब सोइश्‍शोपुकी नु लोव़सी पथ लावो, दे तुइक्‍पाइक्‍तीके लशो नङ। मिनु जाक्‍दीश्‍शा, सोइश्‍शोपुकी नु अरु आन कली लां कोंइब दुम्‍शो आन कली खुप्‍शा, अर्को रागी ङा मुर आन कली मार मार शेंदुमी, मेको नेंपाइक्‍तामी। मारदे हना मेकोपुकीमी गोम शेंशो तुइक्‍चा माल्‍नीम। मतुइक्‍ताक्‍म हना, आं मिम्‍शो नु आन मिम्‍शो मगारब। मिनु आं देंशो मनेंनीम, दे मिम्‍शो नङ। मिनु मेको नेंपदुमीनु, आं देंशो ठीक लाक्‍तेक्‍म।

एफिसी 3:3

दोपा परमप्रभु यावेमी आ ख्रुइश्‍शो लोव़ आं कली तुइक्‍पदा, मोपा ङोंइतीन इन कली इचइच्‍का ब्रेक्‍ने थुम्‍शो बाक्‍ती। एफिसी १:९-१०; गलाती १:१२

१ थिस्‍सलोनिकी 4:15

मिनु गोपुकीमी इन कली प्रभु आ लोव़ रे “प्रभु आ यिचा सम्‍म बाक्‍बपुकी बेक्‍शो वारच आन क्‍येङा ङोंइती प्रभु कली ग्रुम्‍चा मताइनय” दे तुइक्‍पाइक्‍नीकी। मत्ती १६:२८; मत्ती २४:३०-३१; १कोरिन्‍थी १५:५१-५२; यूहन्‍ना १७:२४

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३