२ कोरिन्‍थी 11:4 - Sunuwar Bible

⁴ मारदे हना मुर का जाक्‍शा, मेकोमी इन कली अर्को येसु आ पर्बम शेंब आंइ शेंशो खोदेंशो ममाइ, इन ङोंइती ताक्‍शो ममाइ, अर्को सोक्‍त ताक्‍पाइक्‍ब। अर्को ग्‍येरपाइक्‍तीक लोव़ नें‍पाइक्‍ब। मिनु गे रीब पा बित्‍नीनी। गलाती १:८-९

२ कोरिन्‍थी 11:4 ပူးပေါင်းရင်းမြစ်များ

मर्कूस 7:9

मिनु लोव़ बोइश्‍शा “गिश जोक्‍ब तुइक्‍ब ननी। परमप्रभु यावे आ देंशो शेंचा प्रोंइशा, आंम सेल्‍शो इन पतीके ला शेंनीनी।

प्रेरित 4:12

मुर आन कली श्‍येत नु पाप रे प्रोंइब येसु ख्रीस्‍त का ला बाक्‍ब। परमप्रभुमी येसु ख्रीस्‍त कली अधिकार गेशा, मुर नेल्‍ल आन क्‍येङा ठेयब सेल्‍तु। मिनु आ नेंमी ला ब्रोंइचा तांइसीब, दे तुइक्‍तीने” दे माइक्‍मी बाक्‍त। प्रेरित १०:४३; मत्ती १:२१

रोमी 8:15

मारदे हना गेपुकी परमप्रभु यावे कली हिंब थुं ताक्‍शा, वाइल मबाक्‍नीनी। गोपुकी आ तमी तौ दुम्‍‍तीके मेको कली “आब्‍बा, आं दाक्‍शो आफ” दे ब्रेत्‍नय। गलाती ४:५-६; २तिमोथी १:७

१ कोरिन्‍थी 3:11

थमा जग येसु ख्रीस्‍त ला बाक्‍ब। आ क्‍येङा लाक्‍शा अरु मारेइ जग मबाक्‍ब। मिनु सुइमी अरु जग वोइक्‍ने मचाप्‍नीम। १पत्रुस २:४-६

२ कोरिन्‍थी 11:1

गो इच्‍का निप्‍स ग्राइश्‍शो लोव़ पाइनुङ, गे आं लोव़ फाल्‍शा नेंशा गेयीनी।

२ कोरिन्‍थी 2:12

गो त्रोआस सहरमी ख्रीस्‍त आ ग्‍येरपाइक्‍तीक लोव़ शेंथ जाक्‍ङानु, प्रभुमी आं कली नक लाप्‍चो का रोक्‍शा गेती। प्रेरित १४:२७; १कोरिन्‍थी १६:९

गलाती 3:2

मुल लोव़ का निक्‍शी हिल्‍लो पाइक्‍नन्‍नी। परमप्रभु यावे आ सोक्‍त दोपा तनी? यहूदी आन पतीक पशोमी तनी देय ख्रीस्‍त आ लोव़ थमा सुइश्‍शोमी तनी? लो देनीन।

१ तिमोथी 1:3

गो मासीडोनीया रागी लङानु, गे एफिसस सहरम बाक्‍को। मेकेर मुर का निक्‍शीमी दूली लोव़ शेंनीम। मोदेंशो मशेंदीन, दे अरेवो। प्रेरित २०:३

१ तिमोथी 2:5

परमप्रभु यावे का ला बाक्‍ब। मेको नु मुर आन कली गारपाइक्‍चा कली येसु ख्रीस्‍त रागीम जाक्‍शा, मुर दुम्‍शो यो का ला बाक्‍ब। हिब्रू ९:१५