२ कोरिन्‍थी 11:14 - Sunuwar Bible

¹⁴ मोपा गाक्‍तेक्‍म हना यो, मेको आन मोदेंशो पशो छक लाक्‍चा ङा ममाइ। मारदे हना सैतान यो परमप्रभु यावे आ स्‍वर्ग ङा गेय पाइब खोदेंब दुम्‍खु पा गेय पा गाक्‍ब।

२ कोरिन्‍थी 11:14 ပူးပေါင်းရင်းမြစ်များ

२ कोरिन्‍थी 11:3

बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३

२ कोरिन्‍थी 2:11

सैतानमी इं कली खतम सेल्‍चा मतवल। मारदे हना मेको आ मिम्‍शो गो नेल्‍ल तुइक्‍नय। लूका २२:३१; १पत्रुस ५:८

गलाती 1:8

मिनु गोपुकी ङोंइती आंइ शेंशो ग्‍येरपाइक्‍ब लोव़ क्‍येङा अर्को ग्‍येरपाइक्‍ब लोव़ शेंताक्‍क हना, गोपुकी सराप रकल। परमप्रभु यावे आ स्‍वर्ग ङा गेय पाइबमी मोपा अर्को ग्‍येरपाइक्‍ब लोव़ शेंताक्‍व हना मेको यो सराप रल।

एफिसी 6:12

गोपुकी मुर नु लडाइ मपाइनय। हुकुम पाइबपुकी, अधिकार पाइबपुकी नु रागी कली मुल छिङछिङमी गेय पाइब वोल नु लडाइ पाइनय। मेको स्‍वर्गम बाक्‍ब सैतान आ गेय पाइबपुकी बाक्‍नीम। एफिसी २:२; लूका २२:३१

कलस्‍सी 1:12

इं आफ, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना इन कली थमा सुइक्‍ब आन छेङछेङमी बाक्‍चा गेप्‍तु। एफिसी १:११; १पत्रुस १:४

कलस्‍सी 1:13

मेकोमी इं कली छिङछिङ ङा राज्‍य ङा अधिकार रे ग्रुंइशा, आ दाक्‍शो तौ आ राज्‍यमी ओंइताक्‍व। कलस्‍सी २:१५

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८