२ कोरिन्‍थी 10:4 - Sunuwar Bible

⁴ आंइ लडाइ पतीक या रागी ङा खोदेंशो मबाक्‍नीम। तन्‍न मेको परमप्रभु यावे आ सक्ति पाइश्‍शो बाक्‍नीम। मेकोमी मारेइ मारेइ खतम सेल्‍ने चाप्‍नीम। एफिसी ६:१३-१७

२ कोरिन्‍थी 10:4 ပူးပေါင်းရင်းမြစ်များ

भजन संग्रह 110:2

परमप्रभु यावेमी सियोन रे पा इन सक्ति ङा राज दन्‍ड दिंब। मिनु गे इन जोरी सत्रु आन कली सासन पने” देंत। भजन संग्रह २:६

यसैया 30:25

आइक्‍च नु ठेयब डांडा नेल्‍ल रे ब्‍वाक्‍कु बुक्‍शा, खोल्‍सा नु खोला यिशा, ठेयब लडाइ दुम नाक्‍ती गारो ङा लाइश्‍शो खिं यो ब्रेत्‍नीम।

येरमीया 1:10

नेनो, मुलाक्‍ती गो इ कली रागी रागी नु राज्‍य आन पर्बम लोव़ पाइब सेल्‍तन। तुल्‍चा नु प्रेत्‍चा कली, खतम पोक्‍चा, ग्रांग्‍ये माग्‍ये पपाइक्‍चा नु सेल्‍चा नु ख्रुम्‍चा कली वोइक्‍तन” देंत। येरमीया १८:७-१०

येरमीया 23:29

परमप्रभु यावेमी “मार, आं लोव़ मी खोदेंशो मबाक्‍बा ङा? मेको सेरथे फुल्‍लु कली प्रोल्‍ब घन खोदेंशो मबाक्‍बा ङा?” दे परमप्रभु यावेमी देंत। हिब्रू ४:१२

प्रेरित 7:22

मिनु पिप बाक्‍तीक खिंमी बाक्‍मेनु, इजीप्‍त रागी ङा ठेयब मुर आन जोक्‍शो तुइश्‍शो आं यो नेल्‍ल जोक्‍ब तुइक्‍ब दुम्‍माक्‍त। मिनु मोसा आ लोव़ नु आ गेय नेल्‍ल सक्ति पाइश्‍शो दुम्‍माक्‍त।

रोमी 13:12

नाक्‍दो लाक्‍शा नां सोक्‍शा, छेङछेङम बाक्‍शो खोदेंशो दुम्‍शा, होस पा बाक्‍कीन। छिङछिङ ङा गेय ताइश्‍शा, छेङछेङ ङा या पिम्‍‍सीन। १यूहन्‍ना २:८; एफिसी ५:११

रोमी 6:13

इन गुइ खोइली, मिक्‍च, शोव़, रां नेल्‍ल कली मरिम्‍शो मपपतीन। तन्‍न बेक्‍शो रे सेंसीशो मुर खोदेंशो पा, परमप्रभु यावे कली जिम्‍मा गेंसीशा, आ रिम्‍शो गेय पने। रोमी १२:१

१ कोरिन्‍थी 2:5

तन्‍न इन थमा सुइक्‍तीके मुर आन जोक्‍तीक तुइक्‍तीकेम मबाक्‍थु, परमप्रभु यावे आ सक्तिम बाक्‍ल। १थिस्‍सलोनिकी १:५

१ कोरिन्‍थी 9:7

लडाइ पाइब आन खिं ङा जशा बाक्‍नीमी ङा? अङगुर रू थीबपुकीमी श्‍येत पा ख्रुम्‍शा, अङगुर मीमेनु, ब्‍वचा मताइनीमी ङा? गोठलापुकीमी चिम्‍शो बी कली योव़शा कोव़शा, घांस लाप्‍शा, श्‍येत पा गेय पशा, दूध चिम्‍शा तूचा मताइनीमी ङा?

२ कोरिन्‍थी 10:8

गो आंइ अधिकार आ पर्बम बोरती हना यो, मुने मदोक्‍नुङ। मारदे हना मेको इन कली खतम सेल्‍चा कली ममाइ। तन्‍न इन कली रिम्‍शो सेल्‍चा कली प्रभुम गेती। २कोरिन्‍थी १३:१०; १कोरिन्‍थी ५:४-५

२ कोरिन्‍थी 13:10

गो इन नेक्‍था मबाक्‍ङानु, एको चिठी ब्रेक्‍नुङ। मिनु आं जाक्‍ची ना गो इन कली हुइश्‍शा, प्रभुमी आं कली गेशो अधिकार कोंइचा ममाल्‍ङल। मेको अधिकार सेल्‍चा कली गेशो बाक्‍त, प्रेत्‍चा कली ममाइ। २कोरिन्‍थी १०:११; २कोरिन्‍थी १०:८

२ कोरिन्‍थी 3:5

गो शेंदकानु, आंम जोक्‍तीक तुइक्‍तीक मकोंइनीकी। आंइ लोव़ शेंतीके परमप्रभु यावेमी पपाइश्‍शो बाक्‍ब, दे तुइक्‍नीकी। २कोरिन्‍थी २:१६

२ कोरिन्‍थी 4:7

मेको ठेयब सक्ति परमप्रभु यावे के बाक्‍ब, दे कोंइचा कली मेको छेङछेङ खप के गर गो आंइ रां आगाम बाक्‍ब। १कोरिन्‍थी ४:११-१३; २कोरिन्‍थी ११:२३-२७

२ कोरिन्‍थी 6:7

थमा लोव़ पाइनीकी, परमप्रभु यावे आ सक्तिमी गेय कोंइनीकी, ग्‍युरा नु पेरा निम्‍फा रे ठीक पतीके पाइश्‍शो बाक्‍नीकी।

१ थिस्‍सलोनिकी 5:8

तन्‍न गोपुकी नाक्‍त ङा मुर दुम्‍शा “प्रभु यीब” दे मिम्‍ना मिम्‍न बाक्‍शा, परमप्रभु यावे आ या ङा पीतल के भोटो खोदेंशो पा, थमा सुइक्‍तीके नु दाक्‍तीके फेक्‍शा बाक्‍य। पीतल के ताकी गुप्‍शो खोदेंशो पा पाप रे प्रोंइशो बाक्‍नुङ, दे तुइश्‍शा आस पय। एफिसी ६:१४-१७

१ तिमोथी 1:18

आं तौ तिमोथी, परमप्रभु यावेमी इ पर्बम पशो लोव़ तुइक्‍पाइक्‍ती। मेको लोव़ इ कली मिम्‍पाइक्‍नुङ। मेको लोव़ मिम्‍शा ग्राने चाप्‍नेवे। १तिमोथी ४:१४; १तिमोथी ६:१२; यहूदा ३

२ तिमोथी 2:3

ख्रीस्‍त येसु आ रिम्‍शो सिपाही खोदेंशो दुम्‍शा, श्‍येत फलो। २तिमोथी १:८; २तिमोथी ४:५

हिब्रू 11:30

परमप्रभु यावे आ देंशो लोव़ थमा सुइश्‍शा, यरीको सहर ७ नाक्‍त सम्‍म हिरसमा बाक्‍त। मिनु ७ नाक्‍त गारो नेल्‍ल ब्रेम्‍मा बाक्‍त। यहोसु २:-; ६:१-२५

यहोसु 6:20

मिनु मुरपुकी वाइ ब्रेश्‍शा ग्रीतेक्‍‍म। मिनु चढ़ेबपुकीमी ग्रोव़ ताम्‍ना ताम्‍न बाक्‍तेक्‍म। मुरपुकीमी ग्रोव़ ताप्‍शो नेंशा, शुश ग्री‍तेक्‍म। मिनु मेको गारो ब्रेत्‍त। मिनु मुरपुकी ग्‍येत्‍थ बारशा, मेको सहर आंम के सेल्‍तेक्‍म। हिब्रू ११:३०