२ कोरिन्‍थी 10:14 - Sunuwar Bible

¹⁴ आंइ नें बोरपाइक्‍नीकी। मारदे हना आंइ क्‍येङा ङोंइती इन बाक्‍तीके ख्रीस्‍त आ ग्‍येरपाइक्‍तीक लोव़ नेंपाइक्‍थ सुइम मजाक्‍म, दे तुइक्‍ताक्‍क।

२ कोरिन्‍थी 10:14 ပူးပေါင်းရင်းမြစ်များ

मर्कूस 1:1

एको परमप्रभु यावे आ तौ येसु ख्रीस्‍त आ पर्बम ब्रेक्‍शो ग्‍येरपाइक्‍ब लोव़ बाक्‍ब। मेको लोव़ दोदेंशो पा गोइब देंशा हना,

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

रोमी 1:16

ग्‍येरपाइक्‍तीक लोव़ शेंना शेंन गाक्‍ङानु, मुने मपथु, शेंनुङ। मारदे हना मेको लोव़मी परमप्रभु यावे पाप रे प्रोंइतीक सक्ति बाक्‍ब। मेको लोव़ ङोंइती यहूदी आन कली तुइक्‍पाइश्‍शो बाक्‍माक्‍त। नोले ग्रीक आन कली यो तुइक्‍पाइश्‍शो बाक्‍माक्‍त। भजन संग्रह ११९:४६; २तिमोथी १:८; १कोरिन्‍थी १:१८,२४

रोमी 16:25

परमप्रभु यावेमी इन कली आ ग्‍येरपाइक्‍तीक लोव़ नु येसु ख्रीस्‍त आ पर्बम शेंतीक नेंशा, बोल्‍यो पा थमा सुइक्‍ब सेल्‍ने चाप्‍ब, दे तुइक्‍ताक्‍ङ। मोपा साइ ङा ख्रुइश्‍शो लोव़ नेल्‍ल तुइक्‍पाइश्‍शो बाक्‍ब। १कोरिन्‍थी २:७; एफिसी १:९; एफिसी ३:४-९

रोमी 2:16

मिनु परमप्रभु यावे आ निसाफ पची नाक्‍त मुर आन ख्रुइश्‍शा पशो कली निसाफ पाइ‍ब। आं शेंशो ग्‍येरपाइक्‍तीक लोव़ परमप्रभु यावेमी येसु ख्रीस्‍त आ पतीकेमी निसाफ पाइब। लूका ८:१७

१ कोरिन्‍थी 2:10

मेको लोव़ परमप्रभु यावेमी आ सोक्‍त रे पा इं कली तुइक्‍पाइश्‍शा रुप्‍पाइक्‍तु। मारदे हना परमप्रभु यावे आ सोक्‍तीम नेल्‍ल तुइक्‍ब। ख्रुइश्‍शो लोव़ यो माल्‍शा ग्रुंइब। परमप्रभु यावे आ सोक्‍तीम परमप्रभु यावे आ थुं ङा लोव़ यो नेल्‍ल तुइक्‍ब।

१ कोरिन्‍थी 3:10

परमप्रभु यावेमी आं कली रिम्‍शो दारशो खिं सेल्‍ब सेल्‍ती। मिनु आ देंशो टिशा, खिं ङा जग दोशा, बोल्‍यो पा वोइक्‍ता। मेको जग तारी अरुमी प्रोव़ना प्रोव़न लाइक्‍नीम। मेको प्रोव़बपुकीमी दोपा रिम्‍शो दुम्‍बा, मेको मिम्‍शा गेय पामेक्‍ल।

१ कोरिन्‍थी 4:15

ख्रीस्‍त आ पर्बम अर्ती गेब शेंब मुर शुश बाक्‍मा माइ। तन्‍न इन आफ खोदेंशो मुर शुश मबाक्‍नीम। मारदे हना गो इन कली येसु ख्रीस्‍त आ ग्‍येरपाइक्‍ब लोव़ शेंशा, इन आफ दुम्‍ती। १कोरिन्‍थी ९:२; गलाती ४:१९

२ कोरिन्‍थी 2:12

गो त्रोआस सहरमी ख्रीस्‍त आ ग्‍येरपाइक्‍तीक लोव़ शेंथ जाक्‍ङानु, प्रभुमी आं कली नक लाप्‍चो का रोक्‍शा गेती। प्रेरित १४:२७; १कोरिन्‍थी १६:९

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

कलस्‍सी 1:5

स्‍वर्गमी इन कली रिम्‍शो दुम्‍ब, दे तुइक्‍ताक्‍नी। गेपुकीमी ङोंइती रे थमा लोव़ पशो नेंतीनी। मेकोन ग्‍येरपाइक्‍ब लोव़ बाक्‍ब। १पत्रुस १:३-४

१ तिमोथी 1:11

मेको थमा शेंतीके नु नेल्‍ल आसीक पाइश्‍शो परमप्रभु यावे आ ग्‍येरपाइक्‍ब लोव़ शेंब सेल्‍ती।