२ कोरिन्‍थी 10:10 - Sunuwar Bible

¹⁰ मारदे हना मेकोपुकीमी “मेको आ ब्रेक्‍शो चिठी ठेयब नु बोल्‍यो लोव़म ब्रीशो बाक्‍नीम। तन्‍न आंमान जाक्‍त हना, मारेइ पने मचाप्‍ब नु ब्‍वाक्‍स मजोक्‍ब बाक्‍ब” देंनीम।

२ कोरिन्‍थी 10:10 ပူးပေါင်းရင်းမြစ်များ

प्रस्‍थान 4:10

मिनु मोसामी परमप्रभु यावे कली “आं परमप्रभु, गो लोव़ पस मजोक्‍नुङ। गे, मुल इन गेय पाइब नु लोव़ पनीनु यो, आं कली लोव़ पचा मपी। गो थांइशो लें पाइश्‍शो मुर बाक्‍नुङ” देंत। प्रस्‍थान ३:११; प्रस्‍थान ६:१२-३०

येरमीया 1:6

मिनु गो “परमप्रभु, परमप्रभु यावे, गो दोपा ब्‍वाक्‍चा माल्‍नुङा, मजोक्‍नुङ। गो आलन बाक्‍नुङ” देंती। प्रस्‍थान ४:१०; यसैया ६:५-७

१ कोरिन्‍थी 1:17

ख्रीस्‍तमी मुर आन कली ब्‍वाक्‍कुम ख्रुम्‍शा ग्रुंइतीक गेय पथ मसोइक्‍ती। आ लोव़ नेंपाइक्‍चा कली सोइक्‍ताक्‍यी। लोव़मी फू चुइश्‍शो खोदेंशो पा ममाइ। गो फू चुइश्‍शो लोव़ पाता हना, ख्रीस्‍त बेक्‍शो सक्ति क्‍याम्‍सीशा लाइब।

१ कोरिन्‍थी 1:21

परमप्रभु यावेमी मुर आन जोक्‍तीक तुइक्‍तीक रे आंम कली मतुइक्‍पांइसे। परमप्रभु यावेम आ दाक्‍शो पा, आंइ मूर्ख लोव़ नेंपाइक्‍ब। मिनु मेको लोव़म थमा सुइक्‍ब आन कली पाप रे ब्रोंइचा गेब।

२ कोरिन्‍थी 10:1

गो, ख्रीस्‍त आ ब्रेम्‍शो नु रिम्‍शो पतीकेमी, इन कली शेंना शेंन बाक्‍नुङ। गो इन नेक्‍था बाक्‍शा, ब्रेम्‍शो लोव़ पाइनुङ। तन्‍न गो ङोन बाक्‍ती हना, हुइश्‍शा लोव़ पाइनुङ।

२ कोरिन्‍थी 10:11

मोदेंशो मुरपुकीमी मार रुप्‍चा माल्‍नीम देंशा हना “गो मबाक्‍ची ना हुइश्‍शा शेंशा ब्रेक्‍शो लोव़, आंइ बाक्‍ची ना मपाइनीकी” दे रुप्‍मेक्‍ल। २कोरिन्‍थी १३:२,१०

२ कोरिन्‍थी 10:9

आं ब्रेक्‍शो चिठी इन कली हिंपाइक्‍चा कली ममाइ, दे मिम्‍तीन।

२ कोरिन्‍थी 11:21

गो मुने पा देंनुङ, मेको आन पशो खोदेंशो पने मचाप्‍क। सुइ मुर मारेइ आ पर्बम ठेयब लेश्‍शा बोरतेक्‍म हना, गो यो मेको आ पर्बम ठेयब लेश्‍शा बोरनुङ। गो मूर्ख खोदेंशो पा ब्‍वाक्‍नुङ।

२ कोरिन्‍थी 11:6

ब्‍वाक्‍स मजोक्‍ब बाक्‍ती हना यो, शुश जोक्‍ब बाक्‍नुङ। गो आंइ पतीकेमी कोंइताक्‍क। १कोरिन्‍थी २:१,२,१३; एफिसी ३:४

२ कोरिन्‍थी 13:3

गेपुकीमी “पावल ख्रीस्‍त आ सक्ति तशा, अधिकार पाइश्‍शो बाक्‍माक्‍त” दे इन मिक्‍चीमी तचा माल्‍बाक्‍तीनी, दे तुइक्‍ताक्‍ङ। ख्रीस्‍त इन दातेमी मचाप्‍ब ममाइ, शुश सक्ति पाइश्‍शो बाक्‍ब, दे कोंइताक्‍व।