१ तिमोथी 6:9 - Sunuwar Bible

⁹ तन्‍न सु सु शुश क्‍येट थीब दुम्‍चा दाक्‍नीमी, मेको आन थुं थाम्‍चा पुंइसीशा, ग्‍याइलीम रेश्‍शो खोदेंशो पा, निप्‍स मपाइश्‍‍शो नु श्‍येत जाइब दुम्‍नीम। आंम कली खतम सेल्‍सीशो बाक्‍नीम। हितोपदेस २८:२२; मत्ती १३:२२

१ तिमोथी 6:9 ပူးပေါင်းရင်းမြစ်များ

१ राजा 21:6

मिनु मेकोम इजेबेल कली “गो येज्रेली नाबोथ कली ‘इ अङगुर रू ग्‍याप्‍चा गेयी कि इ दाक्‍शो रू नु फाइक्‍‍स’ माइक्‍ता। तन्‍न मेकोम ‘गो आं अङगुर रू इन कली मगेन‍न्‍नी’ दें‍त” देंमाक्‍त।

भजन संग्रह 11:6

परमप्रभुमी आ अरेशो मटीब आन तारी मी नु गन्‍धक यिपाइक्‍ब। मिनु मेको आन तारी होश फश पपाइक्‍ब। मरिम्‍शो पाइब मोदेंशो पाइक्‍चा पुंइसीशो बाक्‍नीम।

हितोपदेस 15:27

शिंममी आंम खिं ङा मुर आन कली श्‍येत गेनीम। तन्‍न घूस मजाइबपुकी ब्रोंइनीम। भजन संग्रह १५:५

हितोपदेस 20:21

ङोंइती रीब पा थेरशो रू नोले आसीक मराइब।

हितोपदेस 21:6

जोल पा शुश शोंप चेम्‍‍तीके फशेमी योल्‍शा जाम्‍शो कुन खोदेंशो बाक्‍ब। मोदेंशो पाइबपुकी साइक्‍चा पुंइसीनीम।

हितोपदेस 22:16

आंम कली शोंप पाइश्‍‍शो सेल्‍चा कली प्रुङग आ थोव़क लाइक्‍चा नु क्‍येट थीब कली कोसेली गेचा, मेको निम्‍फा प्रुङग दुम्‍तीक गेय बाक्‍ब।

हितोपदेस 23:4

क्‍येट थीब मुर खोदेंशो दुम्‍चा कली मिम्‍शा बोल मपावो। जोक्‍ब तुइक्‍ब दुम्‍शा मोदेंशो मिम्‍चा प्रोनो। हितोपदेस २८:२२

यसैया 5:8

आबी, गे शुश खिं नु रू ग्‍याप्‍ब। नोले सुइ मुर इ नेक्‍था मबाक्‍नीम। मारदे हना रू नु खिं नेल्‍ल इ के बाक्‍नीम। ब्‍यवस्‍था ५:२१

जकरिया 11:5

मेको ग्‍याप्‍बपुकीमी भेडा क्‍योरशा सजाइ मतथु ब्रोंइशा लाइनीम। मिनु मेको आन कली लेयबपुकीमी ‘परमप्रभु ठेयब बाक्‍ब। मारदे हना गो शोंप पाइश्‍शो दुम्‍तक’ देंनीम। मिनु मेको भेडा आन गोठलामी मेको आन कली शिशी मपाइनीम। येरमीया २३:-; इजीकीएल १३:-; इजीकीएल ३४:-

गन्‍ती 31:8

मेकोपुकीमी मिदयान ङा ५ जना पिप एवी, रेकेम, सुर, हुर नु रेबा आन कली साइक्‍तेक्‍म। मिनु मेको नु बाक्‍ब अरु मुर यो साइक्‍तेक्‍म। मिनु बेओर आ तौ बालाम कली यो तरवारमी साइक्‍तेक्‍म। यहोसु १३:२१-२२; गन्‍ती २२:५

मत्ती 13:22

चू घारीम जुक्‍शा सुम्‍शो खोदेंशो बाक्‍त हना, लोव़ नेंब। तन्‍न दोपा ठेयब दुम्‍नुङा? दोपा क्‍येट चेमु? दे मिम्‍शा, आ थमा सुइक्‍तीके देक्‍ब। मिनु नेंशो लोव़मी फल मसिप्‍ब। मत्ती ६:१९-३४; १तिमोथी ६:९

मत्ती 19:22

मिनु मेको ठिटामी एको लोव़ नेंशा, आ कुल राव कीपाइश्‍शा गाक्‍त। मारदे हना शुश शोंप पाइश्‍शो मुर बाक्‍माक्‍त। भजन संग्रह ६२:११

मत्ती 26:15

“येसु कली इन गुइमी ग्‍याइक्‍पाइक्‍ता हना, दोशो गेनीनी” देंमेनु, ३० टुक्रा चांदी गेमे बाक्‍त। यूहन्‍ना ११:५७; जकरिया ११:१२

मत्ती 6:19

एको रागीमी शोंप खुप्‍शा, खेक्‍शा मवोतीने। मारदे हना बुस्‍सुम ख्रोइक्‍ब, खिया जोइब, खुइपुकीमी खुइ पाइनीम।

मर्कूस 4:19

तन्‍न दोपा ठेयब दुम्‍नुङा? दोपा क्‍येट चेमु? दोपा मारेइ मारेइ ताइनुङा? दे मिम्‍शा, आ थुंमी तेक्‍ब। मिनु आ नेंशो लोव़मी फल मसिप्‍ब।

लूका 12:21

परमप्रभु यावे कली ममिम्‍थु, शोंप ला मिम्‍ब मुर नेल्‍ल मोदेंशो दुम्‍नीम” दे शेंदीमी बाक्‍त। मत्ती ६:२०

लूका 21:35

मेको मोदेंशो श्‍येत नेल्‍ल रागीम दुम्‍ब।

प्रेरित 8:20

मिनु पत्रुसमी “इ क्‍येट गे नुन जाम्‍शा लल। मारदे हना गे परमप्रभु यावे आ गेशो सक्ति क्‍येट थाप्‍शा, ग्‍याप्‍चा तांइसीब, दे मिम्‍ताक्‍‍वी।

एफिसी 4:22

मोपतीके इन ङोंइती ङा ग्रांग्रा दिचा ङा दला दाक्‍स पाइब माइत थुं ङा मुर दुम्‍शा बाक्‍चा ताइक्‍तीने। मारदे हना मेकोम इन कली खतम सेल्‍ब। कलस्‍सी ३:९-१०; रोमी ८:१३; गलाती ६:८

ब्‍यवस्‍था 7:25

गेपुकीमी मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। मूर्तिम बाक्‍शो सुन चांदी बाक्‍त हना, वाल्‍शा आंम कली मवोंइसीन। मारदे हना मोदेंशो पाइतीनी हना, इन कली मरिम्‍शो दुम्‍ब। मेको परमप्रभु यावे, इन परमप्रभु कली ग्रांग्रा बाक्‍ब।

१ तिमोथी 1:9

ठीक पाइब आन कली मब्रेक्‍शो बाक्‍ब, दे यो तुइक्‍नय। तन्‍न परमप्रभु यावे आ अरेशो लोव़ मपाइब, मटीब, परमप्रभु कली ममिम्‍ब नु मरिम्‍शो पाइब आन कली ब्रेक्‍शो बाक्‍ब। परमप्रभु यावे रे ङोन बाक्‍ब, रागी कली ला मिम्‍ब, आम आफ कली साइक्‍ब, आंम ममा कली साइक्‍ब नु मुर आन कली साइक्‍ब आन कली ब्रेक्‍शो बाक्‍ब। १कोरिन्‍थी ६:९-११

१ तिमोथी 3:7

थमा मसुइक्‍बपुकीमी यो थमा सुइक्‍ब आन कली कोव़ब आ पर्बम रिम्‍शो लोव़ पचा माल्‍नीम। मोदेंशो मदुम्‍त हना, दोस गेचा पुंइसीब। मिनु सैतान आ ग्‍याइलीम रेप्‍ब।

१ तिमोथी 6:10

क्‍येट कली दाक्‍ब मरिम्‍शो आन क्‍येङा यो मरिम्‍शो बाक्‍ब। मोपा क्‍येट दाक्‍ब का निक्‍शीमी थमा सुइक्‍तीके प्रोंइशा, आंम थुं कली तूशो खोदेंशो पा शुश खाइक्‍पाइक्‍तेक्‍म। एफिसी ५:५; १तिमोथी १:१९

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

२ तिमोथी 2:26

सैतानमी मेको आन कली ग्‍याइश्‍शा, आ दाक्‍शो पपदानु, मेको रे प्रोक्‍मल।

तीतस 2:12

मोदेंशो शिशीमी इं कली परमप्रभु यावे कली मगारचा ङा गेय नु रागी रागी ङा मुर आन पतीके आ पर्बम मोदेंशो मपचा, दे शेंब। मिनु मुल गेय पचा क्‍येङा ङोंइती मिम्‍चा, ठीक गेय पचा नु रागीम बाक्‍शा, परमप्रभु यावे कली मान पा हिंचा, दे शेंब।

यहोसु 7:11

इस्राएलीपुकीमी पाप पाम्‍तेक्‍म। मेकोपुकीमी आं माइश्‍शो ‘पचा माल्‍ब’ दे पशो कबल प्रोंइ‍तेक्‍म। खतम सेल्‍चा माल्‍शो थोव़क खुइ पा लाइश्‍शा, आंम थोव़क नु ब्‍वाइश्‍शा, ख्रुइश्‍शा वोइक्‍तेक्‍म।

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।

यहूदा 1:11

मेको आन पर्बम आबी। काइन खोदेंशो दुम्‍शो बाक्‍तेक्‍म। बालाम बुदी परमप्रभु यावे कली मटिथु, क्‍येट आ पर्बम दूली गेय पाइनीम। मिनु कोराह माइश्‍शो मुर खोदेंशो पा जाम्‍शा लाइनीम। उत्‍पत्ती ४:८; गन्‍ती ३१:१६; गन्‍ती १६:-