१ तिमोथी 6:16 - Sunuwar Bible

¹⁶ मेको ला गेनायो मबेक्‍ब। सुइ आन कोव़ने मचाप्‍चा ङा पा छेङछेङमी बाक्‍ब। सुइमी मेको कली गेनायो मताम। तने यो मचाप्‍नीमी। मेको मान तशा नेल्‍ल क्‍येङा सक्ति पाइश्‍शो बाक्‍ब। आमेन। प्रस्‍थान ३३:२०; यूहन्‍ना १:१८

१ तिमोथी 6:16 ပူးပေါင်းရင်းမြစ်များ

अय्‍युब 37:23

तन्‍न गो नेल्‍ल क्‍येङा ठेयब सक्ति पाइश्‍शो कली थिन्‍ने मचाप्‍नीकी। मेको आ नेल्‍ल क्‍येङा सक्तिम गेय पाइब बाक्‍ब। मेकोमी निसाफ पशो नु ठीक पतीके गेनायो दूली मपाइब।

भजन संग्रह 104:2

गे छेङछेङ कली वा फेक्‍शो खोदेंशो पा फेक्‍शो बाक्‍नीनी। मिनु सरीङ कली ताम्‍बु खोदेंशो पा प्राक्‍शा कीशो बाक्‍नीनी।

भजन संग्रह 90:2

मिनु पहाड दुम्‍चा क्‍येङा ङोंइती नु रागी सेल्‍चा क्‍येङा ङोंइती गे गेना हना यो बाक्‍ब परमप्रभु बाक्‍तीनी।

प्रस्‍थान 3:14

मिनु परमप्रभुमी मोसा कली “आं नें ‘गो नङ’ बाक्‍ब। इस्राएल जात ङा मुर आन कली ‘गो नङ’ देंबमी आं कली इन बाक्‍तीकेमी सोइक्‍ताक्‍यी, देंचा माल्‍नेवे” देंत। प्रस्‍थान ६:२; मलाकी ३:६; प्रकाश १:४,८

प्रस्‍थान 33:20

मिनु मोसा कली “गे आं कुल कोव़ने मचाप्‍नेवे। मारदे हना आं कुल तामेनु, मुर बेक्‍नीमी” दें‍त। प्रस्‍थान २४:११; उत्‍पत्ती ३२:३१; न्‍यायाधीस ६:२२-२३; न्‍यायाधीस १३:२२-२३; यसैया ६:५; यसैया ३३:१४; १तिमोथी ६:१६

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

हबकुक 3:4

मेको आ छेङछेङ नां दाप्‍शो खोदेंशो बाक्‍त। आ गुइ रे पा चेयरे ग्रूशो बाक्‍त। मेकेर आ सक्ति ख्रुइश्‍शो बाक्‍ब।

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 14:9

मिनु येसुमी “गो नु शुश बाक्‍शा यो, गे आं कली मतुइक्‍नेवे, फिलीप? सुमी आं कली तयी, मेकोमी आं आफ कली यो ताप्‍तु। मारदे ‘इन आफ कोंइदीन’ देंनेवे? यूहन्‍ना १२:४५; हिब्रू १:३

यूहन्‍ना 6:46

सुइमी आं आफ कली मतामे। परमप्रभु यावे रे यीबमी ला आफ कली तशो बाक्‍त। यूहन्‍ना १:१८

यूहन्‍ना 8:58

मिनु येसुमी “नोफा दाइश्‍शा नेनीन, गो अब्राहाम क्‍येङा ङोंइती रे बाक्‍शो नङ” देंत। यूहन्‍ना १:१२

एफिसी 3:21

मिनु थमा सुइक्‍ब आंइ दातेमी येसु ख्रीस्‍त आ नेंमी नेल्‍ल पाला ङा मुरपुकीमी इन कली गेना हना यो ठेयब सेल्‍नीकी, आमेन” दे इन पर्बम पुंइनुङ।

ब्‍यवस्‍था 32:40

मिनु गो आं गुइ सरीङ गे पोक्‍शा, गो गेना हना यो ब्रोंइशा बाक्‍शो खोदेंशो पा कसम जाइनुङ।

फिलिप्‍पी 4:20

इं आफ परमप्रभु यावे कली गेना हना यो ठेयब सेल्‍य। आमेन।

कलस्‍सी 1:15

सुइमी तने मचाप्‍शो परमप्रभु यावे खोदेंशो येसु ख्रीस्‍त रागी सेल्‍चा ङोंइती रेन बाक्‍त। हिब्रू १:३; प्रकाश ३:१४

१ तिमोथी 1:17

गेना हना यो मबेक्‍थु बाक्‍ब पिप कली सुइमी तने मचाप्‍नीम। मेको कांइचीक परमप्रभु, परमप्रभु यावे बाक्‍ब। गेना हना यो मान ताक्‍चा नु छेङछेङ मेको केन बाक्‍ब। आमेन।

हिब्रू 13:8

साइ ङोंइती, मुल नु गेना हना यो येसु ख्रीस्‍त मफांइसीथु बाक्‍ब, दे तुइक्‍तीन। यसैया ४१:४; १कोरिन्‍थी ३:११; प्रकाश १:१७-१८; प्रकाश २२:१३

याकूब 1:17

हाइश्‍शो नु रिम्‍शो ठीक मिम्‍तीके थुं नेल्‍ल परमप्रभु यावे रे जाक्‍ब। मिनु परमप्रभु यावे छेङछेङ कली सेल्‍ब बाक्‍ब। मोपतीके परमप्रभु यावे छेङछेङमी बाक्‍ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्‍ना १:५

१ यूहन्‍ना 1:5

मेकोमी आंइ कली नेंपाइश्‍शो लोव़ इन कली शेंनीकी। मार लोव़ शेंनीकी देंशा हना, परमप्रभु यावे छेङछेङ बाक्‍ब। मिनु मेको नु छिङछिङ काइ मबाक्‍ब। याकूब १:१७

१ यूहन्‍ना 1:7

मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५

१ यूहन्‍ना 4:12

मुरपुकीम परमप्रभु यावे कली गेनायो मतामे। तन्‍न गोपुकी दाक्‍मुयानु, परमप्रभु यावे इं नु थुं का दुम्‍त। मिनु परमप्रभु यावे आ दाक्‍तीक इं थुंमी लीब। यूहन्‍ना १:१८

यहूदा 1:25

परमप्रभु यावे का ला बाक्‍ब। मेकोमी इं प्रभु येसु ख्रीस्‍त आ पतीकेमी इं कली पाप रे प्रोंइतु। नेल्‍ल छेङछेङ पाइश्‍शो, नेल्‍ल क्‍येङा ठेयब दुम्‍तीके, नेल्‍ल सक्ति नु नेल्‍ल अधिकार मेको केन बाक्‍ब। मेको ङोंइती बाक्‍त। मुल यो बाक्‍ब। मिनु गेना हना यो बाक्‍ब। आमेन।

प्रकाश 1:6

इं कली परमप्रभु यावे, आ आफ आ राज्‍य ङा मुर सेल्‍शा, परमप्रभु यावे आ ङोंइती राप्‍ब सेल्‍तु। मोपतीके आ छेङछेङ नु सक्ति गेना हना यो बाक्‍ल, आमेन। प्रकाश ५:१०; प्रस्‍थान १९:६; १पत्रुस २:५,९

प्रकाश 1:8

परमप्रभु यावे मुल बाक्‍ब, ङोंइती यो बाक्‍शो बाक्‍त। मिनु नोले यो जाक्‍ब। नेल्‍ल सक्ति पाइश्‍शो परमप्रभु यावेमी “गो आल्‍फा नु ओमेगा नङ” देंत। आल्‍फा नु ओमेगा माइश्‍शो ग्रीक लोव़मी ङोंइती नु नोले ङा अच्‍छेर बाक्‍नीस। प्रकाश २१:६; यसैया ४१:४; प्रकाश ४:८

प्रकाश 21:3

मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३

प्रकाश 22:5

मेको सहरमी गेनायो नाक्‍दो मदुम्‍ब। मिनु मेको सहरमी बाक्‍ब आन कली बत्ती नु नां आ छेङछेङ यो ममाल्‍नीम। मारदे हना परमप्रभु, परमप्रभु यावे मेको आन छेङछेङ बाक्‍ब। मिनु मेकोपुकीमी गेना हना यो सासन पाइनीम।

प्रकाश 4:11

“गे प्रभु, आंइ परमप्रभु यावे ननी। गे सक्ति पाइश्‍शा, छेङछेङम बाक्‍शा, मान ताइब बाक्‍नीनी। मारदे हना गे मारेइ मारेइ सेल्‍तीनी, मोपा इन दाक्‍शा सेल्‍शो मुल सम्‍म बाक्‍ब” दे कुम्‍सो पना पन बाक्‍तेक्‍म।

प्रकाश 7:12

मेकोपुकीमी “आमेन। नेल्‍ल आसीक गेचा नु छेङछेङ, जोक्‍ब तुइक्‍ब थुं, रिम्‍शो पाइब, मान सक्ति नु सासन पतीके नेल्‍ल गेना हना यो आंइ परमप्रभु यावे केन बाक्‍ल। आमेन” दे नेल्‍लेमी देंतेक्‍म।