१ तिमोथी 6:11 - Sunuwar Bible11 मोपतीके गे परमप्रभु यावे आ मुर दुम्शा, मेको नेल्ल रे ङोन बाक्को। ठीक पतीके, परमप्रभु यावे कली मिम्शा दाक्चा, थमा सुइक्चा, मुर आन कली दाक्चा, थमा सुइक्चा मप्रोंइचा नु ब्रेम्शो दुम्चा ला मिम्तो। २तिमोथी ३:१७; २तिमोथी २:२२ အခန်းကိုကြည့်ပါ။ |
१ तिमोथी 6:11
40 ပူးပေါင်းရင်းမြစ်များ
मिनु मेको कली लां रे लेश्शा चाक्ब मेको खूशो परमप्रभु यावे आ लोव़ पाइबमी मेको लोव़ नेना बाक्त। मिनु मेकोम “मेको परमप्रभु आ मुर बाक्ब। मेकोम परमप्रभु यावे आ लोव़ मटिशो बाक्त। मोपतीके परमप्रभु यावेम मेको कली गुप्स कली गेवा बाक्त। मिनु परमप्रभु यावेम मेको आ पर्बम पशो लोव़ गाप्चा कली गुप्सम मेको कली सदा बाक्त” देंमाक्त
मिनु परमप्रभु आ मुर का इस्राएल ङा पिप आ बाक्तीकेम जाक्शा, मेको कली “परमप्रभु यावेम ‘अरामीपुकीम परमप्रभु यावे, इस्राएली आन परमप्रभु पहाड ङा देवता ला बाक्ब। बेंसी ङा देवता ममाइ, दे मिम्शो बाक्नीम। मोपतीके गो एको ठेयब हुल लडाइ पाइब आन कली इ गुइमी गेनुङ। मिनु गे गोन परमप्रभु यावे नङ, दे तुइक्नेवे’ देंत” देंमाक्त। प्रस्थान ७:५
सोलोमन आ आफ दाऊदम ब्रेक्शो अरेशो लोव़ खोदेंशो पा, तेको चढ़ेबम गेना चढ़ेचा माल्बा, आन पालोम पतीक गेय नेल्ल देंशो बाक्माक्त। मिनु लेवीपुकीमी परमप्रभु यावे कली ठेयब सेल्तीक कुम्सो पचा कली नु चढ़ेब आन कली वारच पचा कली बाक्मा बाक्त। मिनु लाप्चो खाल पाइब आन कली आन हुल हुल पा योव़शा, तेको तेको लाप्चोम बाक्चा माल्दा मोपा वोइक्पाइश्शो बाक्माक्त। मारदे हना परमप्रभु आ मुर दाऊद मोदेंशो अरेशो बाक्त। १इतिहास २३:- १इतिहास २६:-
मिनु लेवी आन ठेयब मुरपुकी हशाब्याह, शेरेब्याह नु कदमीएल आ तौ येशुआम परमप्रभु यावे कली ठेयब सेल्तेक्म। आन लोक्बपुकी परमप्रभु आ मुर दाऊदम देंशो खोदेंशो पा मेको आन आइक्ची गे राप्शा, पालो पा परमप्रभु यावे कली कुम्सो पा ठेयब सेल्तेक्म। मोपा कुम्सो पाइब आन हुल का एर गे नु हुल का ओंथ गे बाक्तेक्म। १इतिहास २५:-; २इतिहास २९:२५
ကြော်ငြာတွေ