१ तिमोथी 6:1 - Sunuwar Bible

¹ वाइलीम वाइल नेल्‍लेमी आन होव़प मान ताक्‍चा शिरशो बाक्‍नीम, दे मिम्‍चा माल्‍नीम। मोपा मुरपुकीमी परमप्रभु यावे आ नें नु आ शेंतीके आइक्‍च मसेल्‍नीम। एफिसी ६:५; तीतस २:९-१०

१ तिमोथी 6:1 ပူးပေါင်းရင်းမြစ်များ

उत्पत्ती 16:9

मिनु परमप्रभु यावे आ स्‍वर्ग ङा गेय पाइबमी मेको कली “इ होव़पोक्‍म आ खिं ले‍तो। मिनु मेको आ अरेशो टिशा बाक्‍को” देंमाक्‍त।

उत्पत्ती 24:12

मिनु मेकोमी “परमप्रभु यावे, आं होव़प अब्राहाम आ परमप्रभु, मुलाक्‍ती आं कली वारच पने। आं होव़प कली इन गेना हना यो दाक्‍तीके कोंइदीने। मेकोन पुंइनुङ।

उत्पत्ती 24:2

मिनु अब्राहाममी आ रू खिं नेल्‍ल कोव़ब नु वाइल आन कली अरेब ठेयब वाइल कली “इ गुइ आं फिला तारी वोतो।

उत्पत्ती 24:27

मिनु मेकोमी “परमप्रभु यावे, आं होव़प अब्राहाम आ परमप्रभु, गे ठेयब बाक्‍नीनी। गे इन शिशी नु इन रिम्‍शो पशो मप्रोंइथु, आं होव़प कली कोंइताक्‍नी। गे आं कली आं होव़प आ लोक्‍ब आ खिं कोंइताक्‍यीनी” दे परमप्रभु यावे कली ठेयब सेला बाक्‍त।

२ सामुएल 12:14

तन्‍न गे एको पाप पा परमप्रभु यावे कली गाइक्‍पाइक्‍तीवी। मोपतीके इ थिशो आल चहिं बेक्‍ब” देंमाक्‍त। २सामुएल ११:२७

२ राजा 5:13

तन्‍न नामान आ गेय पाइबपुकी जाक्‍शा मेको कली “ए, आंइ आ‍फ, मार परमप्रभु यावे आ लोव़ पाइबमी इन कली ‘श्‍येत ङा गेय का पने’ देंशो हना, गे मेको मपाइ‍नीनी ङा? मेकोमी इन कली ‘ब्‍वाक्‍कुम चिक्‍शा ग्रांग्रा मदिशो दुमीन’ देंमेनु, मेको मारदे मपाइनीनी?” देंमा बाक्‍त।

नेहेम्‍याह 9:5

मिनु लेवी येशुआ, कदमीएल, बानी, हशाब्‍नैयाह, शेरेब्‍याह, होदीयाह, शेबान्‍याह नु पेथायाहमी मुर आन कली “बोक्‍कीन, गेना हना यो बाक्‍ब परमप्रभु यावे, इन परमप्रभु कली ठेयब सेलीन। ‘इन नें ठेयब बाक्‍ब। नेल्‍ल आन ठेयब सेल्‍तीके आन क्‍येङा इन नें ठेयब सेल्‍चा पुंइसीशो बाक्‍ब’ देंचा माल्‍नीनी” देंतेक्‍म।

यसैया 47:6

गो आं मुर आन कली तशा गाइश्‍शा, मेको आन कली ‘आं मुर मनम’ खोदेंशो सेल्‍ता‍मी। मेना इ गुइमी गेता‍मी। मिनु गे मेको आन कली काइ शिशी मपदी। खूशो आन कली यो श्‍येत गेशा, हेल्‍शो जवा लाप्‍ताक्‍वी। जकरिया १:१५

यसैया 52:5

मिनु परमप्रभु यावेमी “गो मार पाइनुङा ङा? आं मुर आन कली मोशान लाइक्‍तेक्‍म। मेको आन कली हुकुम पाइबपुकीमी ठेयब लेश्‍शो लोव़ पा नाक्‍त रे आं नें आ पर्बम शुक्‍शी पाइनीम। इजीकीएल ३६:२०

यसैया 58:6

आं दाक्‍शो माइजा बाक्‍तीके मार बाक्‍ब, देंशा हना, ठीक निसाफ मतशो आन कली प्रोंइचा नु दिप्‍शा श्‍येत गेचा पुंइसीशो आन जुवा प्रुइक्‍चा बाक्‍ब।

इजीकीएल 36:20

मिनु मेकोपुकी रागी रागी ङा मुर आन दातेम जाक्‍शा, आं नें मरिम्‍शो सेल्‍तेक्‍म। मारदे हना मेको आन पर्बम ‘एकोपुकी दा परमप्रभु यावे आ मुर नम। मो हना यो आन रागी प्रोंइचा माल्‍तेक्‍म’ देंतेक्‍म। यसैया ५२:५

इजीकीएल 36:23

गो आं ठेयब नें लेंशा रिम्‍शो सेल्‍नुङ। मेको रागी ङा मुर आन दातेम मरिम्‍शो सेल्‍शो बाक्‍त। मिनु रागी रागी ङा मुरपुकीम गोन परमप्रभु, परमप्रभु यावे नङ, दे तुइक्‍नीम। मत्ती ६:९; इजीकीएल ३७:२८

मलाकी 1:6

मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। प्रस्‍थान २०:१२

मत्ती 11:30

आं जवा ग्‍युप्‍चा ङा बाक्‍ब। आं भारी कुरने चाप्‍चा ङा बाक्‍ब” देंत। लूका ११:४६; १यूहन्‍ना ५:३

मत्ती 11:9

गेपुकी मार कोव़थ लनी, मिनु? परमप्रभु यावे आ लोव़ पाइब तांइसीबा कों, दे कोव़थ लनी? गे नेल्‍ल आन क्‍येङा ठेयब परमप्रभु यावे आ लोव़ पाइब ताइतीनी, दे इन कली देंनुङ। लूका १:७६; लूका २०:६

लूका 17:1

काबु येसुमी आ शेंसीब आन कली “मुरपुकीमी पाप पपाइश्‍शा दाइल पाइक्‍चा गोइनीम। तन्‍न सुइमी अरु आन कली दाइल मपपदल, मारदे हना दाइल पपाइक्‍ब कली शुश मरिम्‍शो दुम्‍ब। मत्ती १८:६-७

प्रेरित 10:22

मिनु मेकोपुकीमी “कोरनेलीयस आ सोइश्‍शो नकी। कोरनेलीयस कप्‍तान बाक्‍ब। परमप्रभु कली मान पा हिंब, रिम्‍शो मुर बाक्‍ब। यहूदीपुकीमी यो रिम्‍शो मुर बाक्‍ब, दे मिम्‍नीम। परमप्रभु आ स्‍वर्ग ङा गेय पाइब कामी कोरनेलीयस कली ‘योप्‍पा सहरमी सिमोन पत्रुस माइश्‍शो कली माल्‍शा चाक्‍शा आ लोव़ नेंचा’ देंतीके इन कली ब्रथ जाक्‍तक” देंमा बाक्‍त।

प्रेरित 10:7

मोदेंशो लोव़ देंशो नेंशा, आ गेय पाइब निक्‍शी नु सिपाही का कली ब्रेत्‍ता बाक्‍त। सिपाही यो प्रभु कली मान पा टीब का बाक्‍माक्‍त।

प्रेरित 15:10

परमप्रभु यावेमी मेको आन कली रिम्‍शो सेल्‍तु, दे तुइश्‍शा, इं किकी पिपीमी लाइ यो कुरने मचाप्‍चा ङा भारी मेको आन कली कुरपाइक्‍चा दुम्‍बा ङा? परमप्रभु क्‍येङा लाक्‍शा जोक्‍ब तुइक्‍ब दुम्‍चा शिरबा ङा? मत्ती २३:४; गलाती ५:१

रोमी 2:24

इन मोदेंशो पशो आ पर्बम “अर्को रागी ङा मुरपुकीमी परमप्रभु यावे आ नें आ पर्बम शुक्‍शी पाइनीम” दे ब्रेक्‍शो बाक्‍ब। यसैया ५२:५

१ कोरिन्‍थी 10:32

यहूदी नु ग्रीक आन कुल, परमप्रभु यावे कली थमा सुइक्‍ब आन कुल, मुर नेल्‍ल आन कुल, गेना हना यो रिम्‍शो गेय पने। रोमी १४:१३

गलाती 5:1

ख्रीस्‍तमी रिती थिती पतीके लां खोइक्‍चा प्रोंइपा, थमा सुइक्‍तीके लां कोंइशा, इं थुं हिरताक्‍व। मोपतीके जवा लाप्‍शो खोदेंशो पा लेंशा रिती थिती पा वाइलीम वाइल मदुमीने। गलाती ४:५; प्रेरित १५:१०

ब्‍यवस्‍था 28:48

मोपतीके परमप्रभु यावेमी इन कली जोरी सत्रु सोइक्‍ब। गेपुकी शोव़लु बेक्‍शा नु तूतू दाक्‍ना दाक्‍न, फेक्‍चा मतथु नु मारेइ मगाप्‍शो दुम्‍शा, मेको आन गेय पचा माल्‍नीनी। मिनु मेकोमी इन कली मक्‍याम्‍दमे सम्‍म फलम के हलो इन तारी वोइक्‍नीम। येरमीया २८:१३-१४

१ तिमोथी 5:14

मोपतीके वोंइश बेक्‍शो ठिटी मीश मुरपुकीमी ग्‍युंबे पा, आल थिशा, आन खिं ङा गेय पामेक्‍ल। मो पाम्‍तेक्‍म हना, मरिम्‍शो पा गाक्‍चा मताइनीम। अरुमी यो थमा सुइक्‍ब आन पर्बम मरिम्‍शो लोव़ पचा मताइनीम। १तिमोथी २:१५; १कोरिन्‍थी ७:९

तीतस 2:5

गेय पचा क्‍येङा ङोंइती मिम्‍चा, आंम वोंइश नु ला बाक्‍चा, खिं ङा गेय रिम्‍शो पचा, मुर नु रिम्‍शो दुम्‍चा, आंम वोंइश कली टिचा, दे शेंचा माल्‍नीम। मोदेंशो पाम्‍तेक्‍म हना, मुरपुकीमी परमप्रभु यावे आ लोव़ आ पर्बम मरिम्‍शो लोव़ मपाइनीमी। एफिसी ५:२२

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६

१ पत्रुस 3:16

इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६