१ तिमोथी 5:18 - Sunuwar Bible

¹⁸ परमप्रभु यावे आ लोव़मी “ब्‍यफ कली दांइ पपाइश्‍शोनु, फुङला मपाइक्‍चा” मिनु “गेय पाइब आन गाल्‍च ताइब बाक्‍नीम” दे ब्रेक्‍शो बाक्‍ब। ब्‍‍यवस्‍था २५:४; १कोरिन्‍थी ९:९; लूका १०:७

१ तिमोथी 5:18 ပူးပေါင်းရင်းမြစ်များ

लेवी 19:13

गे आंम नेक्‍था ङा मुर आन कली श्‍येत गेशा, मदिपीन। मिनु मेको आन मार मार मरोइक्‍तीन। गाल्‍च ताक्‍शा गेय पाइब आन क्‍येट काब नाक्‍दो यो इन खिंम वोइक्‍चा मदुम्‍ब। ब्‍यवस्‍था २४:१४-१५; येरमीया २२:१३; याकूब ५:४

मत्ती 10:10

लां कली फेक्‍तीक वा, जु‍त्ता जोड निक्‍शी, झोला नु कोक्‍के मकुरीन। मारदे हना गेय पाइबपुकीमी जचा गेचा पुंइसीनीम। गन्‍ती १८:३१; १कोरिन्‍थी ९:१४; १तिमोथी ५:१८

लूका 10:7

मुरपुकीम बास गेम्‍तेक्‍म हना, गाक्‍ची मजाक्‍म सम्‍म मेकेरन बाक्‍कीन। खिं खिं याक्‍शा मबाक्‍कीन। इन कली मार जचा तूचा गेमे, मेको जने तूङीन। मारदे हना गेय पाइबपुकीमी आन गाल्‍च तचा माल्‍‍नीम।

रोमी 10:11

मिनु परमप्रभु यावे आ लोव़मी “सु सुमी मेको कली थमा सुइक्‍नीमी, मेको मुने मदोक्‍नीम” दे ब्रेक्‍शो बाक्‍ब। यसैया २८:१६

रोमी 11:2

ङोंइती रे परमप्रभु यावेमी आ योव़शो मुर आन कली मप्रोंइमी। एलीयामी इस्राएली आन पशो आ पर्बम परमप्रभु यावे कली दें‍शो लोव़ मिम्‍तीन।

रोमी 4:3

मार ब्रेक्‍शो बाक्‍ब देंशा हना “अब्राहाममी परमप्रभु यावे कली थमा सुइक्‍तु। मिनु परमप्रभु यावेमी ठीक दुम्‍पाइक्‍तु” दे ब्रेक्‍शो बाक्‍ब। उत्‍पत्ती १५:६; गलाती ३:६

रोमी 9:17

परमप्रभु यावेमी फाराओ कली “नेल्‍ल रागी ङा मुरपुकीमी आं सक्ति तशा, आं नें तुइक्‍तमेक्‍ल, दे इ कली वोइक्‍ता” देंशो बाक्‍त। प्रस्‍थान ९:१६

१ कोरिन्‍थी 9:14

प्रभुमी “आं ग्‍येरपाइक्‍ब लोव़ शेंबपुकी शेंशा गाक्‍मानु, मेकोपुकी मार मार माल्‍मा, मेको आं ग्‍येरपाइक्‍ब लोव़ शेंतीके रे तचा माल्‍नीम” देंशो बाक्‍त। लूका १०:७; गलाती ६:६

गलाती 3:8

अर्को रागी ङा मुरपुकी थमा सुइक्‍तीकेमी ठीक दुम्‍पाइक्‍चा पुंइसीनीम, दे परमप्रभु यावे आ लोव़म ब्रेक्‍शो बाक्‍ब। मारदे हना अब्राहाम कली “इ लां रे पा नेल्‍ल रागी ङा मुरपुकीमी आसीक ताइनीम” दे ब्रेक्‍शो बाक्‍ब। उत्‍पत्ती १२:३

ब्‍यवस्‍था 25:4

दांइ पशो ब्‍यफ कली फुङला पाइक्‍चा मदुम्‍ब। १कोरिन्‍थी ९:९; १तिमोथी ५:१८

याकूब 4:5

परमप्रभु यावेमी ब्रेक्‍पाइश्‍शो लोव़मी “परमप्रभु यावेमी आ सोक्‍त इं रांमी वोइक्‍तु। तन्‍न मुरुमी दला दाक्‍स पशो तशा, मेकोमी शुश रुश पाइब” दे यो ब्रेक्‍पाइश्‍शो बाक्‍ब।