१ तिमोथी 5:17 - Sunuwar Bible

¹⁷ ग्रुम्‍तीके खिंमी श्‍येत पा लोव़ पाइब नु शेंब खाल्‍पा आन कली निक्‍शी खेयप मान पा क्‍येट गेचा माल्‍नीम। प्रेरित १४:२३; रोमी १२:८

१ तिमोथी 5:17 ပူးပေါင်းရင်းမြစ်များ

२ राजा 2:9

मिनु खोला शोक्‍ससा नोले एलीयाम एलीशा कली “आं कली इ रे पा लाइक्‍चा पुंइसीचा क्‍येङा ङोंइती गो इ पर्बम मार पङ?” देंमाक्‍त। मिनु एलीशामी “इन सोक्‍त क्‍येङा भाग निक्‍शी आं कली गेयीनी” देंमाक्‍त। ब्‍यवस्‍था २१:१७

यसैया 40:2

यरूसलेम कली आ थुं बारपाइक्‍तीके लोव़ पने। आ श्‍येत नुप्‍त। आ मरिम्‍शो पशो क्‍याम्‍शो बाक्‍ब। मारदे हना परमप्रभु यावे रे पा आ मरिम्‍शो पशो आ पर्बम निक्‍शी खेयप सजाइ ताप्‍तु” देंत। होसे २:१६; येरमीया १६:१८

येरमीया 16:18

गो मेको आन मरिम्‍शो पशो नु आन पाप आ पर्बम मेको आन कली निक्‍शी खेयप सजाइ गेनुङमी। मारदे हना मेकोपुकीमी सोक्‍ती मपाइश्‍शो मूर्तिपुकीम आं रागी ग्रांग्रा दिशो सेल्‍तेक्‍म। मिनु आं थेरशो रू आन ग्रांग्रा दिशो देवी देवताम प्रिंताक्‍म” देंत। यसैया ४०:२

येरमीया 17:18

आं कली खेदा पाइब आन कली मुने तोक्‍कीन। तन्‍न आं कली चहिं मुने मतोक्‍यीनी। मेकोपुकी हिंमल। तन्‍न आं कली चहिं हिंतीक रे प्रोंइ‍यीनी। मेको आन ठेयब श्‍येत ङा नाक्‍त चाक्‍कीन। मेको आन कली निक्‍शी खेयप ङा श्‍येतम सतीन” देंती। बजन संग्रह ३५:४

जकरिया 9:12

आस पा बाक्‍शो चोक्‍चा पुंइसीशो मुरपुकी इन बोल्‍यो ब्रोंइशा बाक्‍तीके लेश्‍शा लने। गो इन कली इन साम्‍शो क्‍येङा निक्‍शी खेयप खोइ शुश गे‍नुङ। जकरिया १०:९; यसैया ६१:७

गन्‍ती 18:31

मिनु गे नु इन खिं ङा मुर नेल्‍ले ते ते जचा दाक्‍नीनी, मेक मेक जने चाप्‍नीनी। मारदे हना मेको इन ग्रुम्‍तीक ताम्‍बुमी गेय पशो ङा गाल्‍च बाक्‍ब। मत्ती १०:१०

मत्ती 24:25

मेको नेल्‍ल दुम्‍चा ङोंइतीन गो इन कली नेल्‍ल शेंशा तुइक्‍पाइक्‍तन्‍नी।

लूका 10:7

मुरपुकीम बास गेम्‍तेक्‍म हना, गाक्‍ची मजाक्‍म सम्‍म मेकेरन बाक्‍कीन। खिं खिं याक्‍शा मबाक्‍कीन। इन कली मार जचा तूचा गेमे, मेको जने तूङीन। मारदे हना गेय पाइबपुकीमी आन गाल्‍च तचा माल्‍‍नीम।

लूका 12:42

प्रभुमी “होव़पमी आ खिं कोव़ब कली जची जाक्‍मेनु जचा गेचा, दे अरेशा वोइक्‍चा पुंइसीब। मेको खोदेंशो निप्‍स पाइश्‍शो थमा सुइक्‍चा पुंइसीशो गेय पाइब सु बाक्‍बा?

यूहन्‍ना 4:38

मिनु गो इन कली इन मशोक्‍शो रुप्‍‍थ सोइक्‍नन्‍नी। अर्कोमी शोक्‍तीक गेय पाम्‍तेक्‍म। गे चहिं मेको आन शोक्‍शो रुप्‍‍नीनी” देंत।

प्रेरित 11:30

मिनु नेल्‍लेमी दो दोशो चाप्‍मे, मो मोशो क्‍येट पोक्‍शा, यरूसलेममी बाक्‍ब थमा सुइक्‍ब आन शेंब खाल्‍पा आन कली गेचा नमी, दे बारनाबास नु सावल आस कली चोव़थ सोइक्‍तमे बाक्‍त। प्रेरित १२:२५; १कोरिन्‍थी १६:१-४

प्रेरित 20:35

गो मार पाता हना यो, मचाप्‍ब आन कली वारच पाइक्‍चा नमी, दे गेय पा कोंइताक्‍न्‍न। प्रभु येसु आ शेंशो लोव़मी ‘ताक्‍चा क्‍येङा गेचा रिम्‍शो बाक्‍ब’ ” देंत।

प्रेरित 28:10

मिनु टापु ङा मुर नेल्‍लेमी ग्‍येरसीशा, आंइ कली मार मार चाक्‍शा गेम्‍तेक्‍म। गाक्‍चकानु लांमी जचा कली लाम्‍जी कुम्‍ज सेल्‍शा कुरपा सोइक्‍ताक्‍म।

रोमी 12:8

अर्ती गेब योव़ने पुंइसाक्‍वे हना, अर्ती गेचा मब्रीदो। मुर आन कली मार गेप्‍तीवी हना यो, ठेयब सेल्‍सीचा कली मगेवो। थमा सुइक्‍ब आन लां कोंइब दुम्‍ते हना, होस पा गेय पावो। शिशी पवीनु, ग्‍येरशा पावो। मत्ती ६:३; २कोरिन्‍थी ८:२; २कोरिन्‍थी ९:७

रोमी 15:27

मारदे हना ङोंइती यरूसलेमम बाक्‍ब थमा सुइक्‍बपुकीमी मेको आन कली येसु ख्रीस्‍त आ लोव़ शेंशो बाक्‍तेक्‍म। मोपतीके मुल मेको आन कली श्‍येत दुम्‍तीके, क्‍येट पोक्‍शा, चोव़थ सोइक्‍ताक्‍यीमी। १कोरिन्‍थी ९:११; गलाती ६:६

रोमी 16:12

प्रभु आ गेय पाइब त्रिफेना नु त्रिफोसा दिदी आस कली यो “रिम्‍शो बाक्‍कीसे” दे माइक्‍चा। प्रभु आ शुश गेय पाइब आं दाक्‍शो पेरसीस दिदी कली यो “रिम्‍शो बाक्‍को” दे माइक्‍चा।

१ कोरिन्‍थी 15:10

तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३

१ कोरिन्‍थी 16:16

मेको आन पशो खोदेंशो पा शेंना शेंन गाक्‍ब नेल्‍ल आन कली मान पा आन लोव़ नेंशा टिने।

१ कोरिन्‍थी 3:9

गे परमप्रभु यावे आ रू नु आ खिं ननी। गोपुकी चहिं मेको रूमी गेय पाइब नु मेको खिं सेल्‍ब नकी। मत्ती १३:२-९; एफिसी २:२०

२ कोरिन्‍थी 6:1

गो परमप्रभु यावे नु गेय पतीके इन कली “परमप्रभु यावे आ शिशी त‍शा, मप्रेंदीन” देंनीकी। २कोरिन्‍थी १:२४

गलाती 6:6

ख्रीस्‍त आ लोव़ शेंचा पुंइसीबमी शेंब कली आ नु बाक्‍शो रिम्‍शो थोक्‍शा योक्‍शा गेवल। १कोरिन्‍थी ९:१४

ब्‍यवस्‍था 18:8

मेको नु आ मार मार लेयशो क्‍येट बाक्‍त हना यो, अरु चढ़ेब खोदेंशो पा उइक्‍थ उइक्‍थ जचा ताइब।

फिलिप्‍पी 2:16

मोपा ब्रोंइचा गेब लोव़ मप्रोंइब दुम्‍‍नीनी। मिनु ख्रीस्‍त आ जाक्‍ची ना गो मो मगाक्‍ङ, मो गेय यो मपङ, दे ग्‍येरशा बाक्‍चा तङल। २कोरिन्‍थी १:१४; १थिस्‍सलोनिकी २:१९

फिलिप्‍पी 2:29

गेपुकीमी प्रभु आ नेंमी मेको कली रिम्‍शो पने, ग्‍येरसीने। मोदेंशो मुर कली ठेयब सेलीन। १कोरिन्‍थी १६:१६

फिलिप्‍पी 4:3

मिनु गो नु गेय पाइब वारच, इ कली “मेको मीश मुर निक्‍शी आस कली वारच पावो” देंती। मारदे हना मेको निक्‍शीमी गो नु काथ काथा ग्‍येरपाइक्‍ब लोव़ शेंतीक गेय पाम्‍ताक्‍से। क्‍लेमेन्‍त नु अर्को वारच आन कली यो वारच पाम्‍ताक्‍से। मेको नेल्‍ल आन नें ब्रोंइतीक किताबमी ब्रेक्‍शो बाक्‍ब। लूका १०:२०

१ तिमोथी 3:5

मारदे हना आंम खिं ङा मुर आन कली रिम्‍शो कोव़ने मचाप्‍ब बाक्‍त हना, दोपा परमप्रभु यावे आ खिं ङा मुर आन कली कोव़ने चाप्‍बा ङा?

१ तिमोथी 4:10

एको लोव़ शेंशा श्‍येत जशा, शेंतीक गेय पाइनय। मारदे हना ब्रोंइचा गेब परमप्रभु यावे कली आस पाइनय। मेको नेल्‍ल मुर आन कली प्रोंइब बाक्‍ब। मोपा थमा सुइक्‍बपुकी पाप रे ब्रोंइचा ताइनीम।

१ तिमोथी 4:14

थमा सुइक्‍ब आन शेंब खाल्‍पापुकीमी इ पिया तारी गुइ वोइश्‍शा, परमप्रभु यावेमी तुइक्‍पाइश्‍शो लोव़ पशा, इ कली गेय पतीके सक्ति गेशो बाक्‍त। मेको गेय रिम्‍शो पा पावो। १तिमोथी १:१८; १तिमोथी ५:२२; प्रेरित ६:६; प्रेरित ८:१७; २तिमोथी १:६

१ तिमोथी 4:16

आंम कली नु इ शेंतीके कली रिम्‍शो पा होस पावो। मोदेंशो पा, गे आंम इ कली नु इ लोव़ नेंब आन कली श्‍येत रे प्रोंइनेवे। रोमी ११:१४

१ तिमोथी 4:6

गे एको लोव़ थमा सुइक्‍ब लोक्‍ब आन कली शेंताक्‍वी हना, ख्रीस्‍त येसु आ रिम्‍शो गेय पाइब दुम्‍नेवे। गे थमा सुइक्‍तीक ङा लोव़ नु रिम्‍शो शेंतीके तुइक्‍ना तुइक्‍न आ नोले खोइक्‍नेवे। २तिमोथी २:१५

१ तिमोथी 5:19

मुर कामी ग्रुम्‍तीक ङा शेंब खाल्‍पा कली दोस गेप्‍तु हना, सांकछी निक्‍शी सां मबाक्‍थु, थमा मसुतो। ब्‍‍यवस्‍था १९:१५; मत्ती १८:१६

१ तिमोथी 5:3

आन वोंइश बेक्‍शो रिम्‍शो पाइब मीश मुर आन कली ठेयब सेलो।

२ तिमोथी 2:6

सुमी रूम शुश गेय पाइबा, मेको आ बाली नाली आ ङोंइती ङा जाइब दुम्‍चा माल्‍ब।

२ तिमोथी 4:2

“परमप्रभु यावे आ लोव़ पावो। नेंचा दाक्‍ताक्‍म हना यो, मदाक्‍ताक्‍म हना यो, शेंदीमी। मरिम्‍शो पाइब आन कली लोव़ पावो। मुर आन कली ‘ठीक पचा’ दे शेंदो। आन थुं बारपतो। नेल्‍ल आन कली फाल्‍शा, रिम्‍शो शेंदो। प्रेरित २०:२०,३१

हिब्रू 13:17

इन कली शेंब आन लोव़ नेंशा टिने। मेकोपुकीमी “परमप्रभु यावे आ ङोंइती जिम्‍मा ब्राइनुङ” दे तुइश्‍शा इन कली शेंनीमी, कोव़नीम। शेंब आन लोव़ टीतीनी हना, मेकोपुकीमी ग्‍येरशा शेंनीम। इन कली मटिशो तशा चहिं, आन थुं हेल्‍शो दुम्‍शा, शेंचा ब्रीनीम, मिनु इन कली यो मरिम्‍शो दुम्‍ब। १थिस्‍सलोनिकी ५:१२; इजीकीएल ३:१७-१९

हिब्रू 13:24

शेंब नु थमा सुइक्‍ब नेल्‍ल इन कली “रिम्‍शो बाक्‍कीन” देंती। इटाली ङा थमा सुइक्‍ब लोक्‍बपुकीमी यो इन कली “रिम्‍शो बाक्‍कीन” देंतेक्‍म।

हिब्रू 13:7

इन कली परमप्रभु यावे आ लोव़ शेंब आन पशो मिम्‍तीने। मेकोपुकी बेक्‍ची सम्‍म थमा सुइक्‍चा मप्रोनेम। मेको आन पशो खोदेंशो पने।