१ तिमोथी 5:14 - Sunuwar Bible

¹⁴ मोपतीके वोंइश बेक्‍शो ठिटी मीश मुरपुकीमी ग्‍युंबे पा, आल थिशा, आन खिं ङा गेय पामेक्‍ल। मो पाम्‍तेक्‍म हना, मरिम्‍शो पा गाक्‍चा मताइनीम। अरुमी यो थमा सुइक्‍ब आन पर्बम मरिम्‍शो लोव़ पचा मताइनीम। १तिमोथी २:१५; १कोरिन्‍थी ७:९

१ तिमोथी 5:14 ပူးပေါင်းရင်းမြစ်များ

उत्पत्ती 18:6

मिनु अब्राहाम दोरशा, ताम्‍बुम लशा, सारा कली “गे रीब पा सेआह सां रिम्‍शो फस के शोब्‍ले चोवो” देंमाक्‍त। सेआह का ७ लिटर पुक्‍तीके बाक्‍ब।

उत्पत्ती 18:9

मिनु मेकोपुकीमी “इ मीश सारा ते बाक्‍मे?” दे हिल्‍लो पामे बाक्‍त। मिनु अब्राहाममी “ताम्‍बुम बाक्‍ब” देंमाक्‍त।

२ सामुएल 12:14

तन्‍न गे एको पाप पा परमप्रभु यावे कली गाइक्‍पाइक्‍तीवी। मोपतीके इ थिशो आल चहिं बेक्‍ब” देंमाक्‍त। २सामुएल ११:२७

हितोपदेस 14:1

जोक्‍ब तुइक्‍ब मीश मुरुमी आंम खिं रिम्‍शो सेल्‍ब। तन्‍न मूर्ख मीश मुरुमी आ खिं कली आंम गुइमी प्रेप्‍ब।

येरमीया 29:6

ग्‍युंबे पा, तमी तौ थिने। इन तौ आन कली चाइमी चाक्‍कीन। इन तमी आन कली ग्‍युंबे पा गेने। मिनु मेकोपुकीमी तमी तौ थीमेक्‍ल। मेकेर गेपुकी सोशा बोशा शुश दुमीन। जाम्‍शा मलने।

दानीएल 6:4

मिनु मेको ठेयब कोव़ब मुर नु सहे का २० जना पारसी रागी कली हुकुम पाइबपुकीमी गेहे पा दानीएल कली दोस गेचा, दे क्‍यारी पचा गोव़मे बाक्‍त। तन्‍न मरिम्‍शो नु दोस गेतीक मारेइ मथिदमे बाक्‍त। मारदे हना दानीएल रिम्‍शो, मारेइ दोस मपाइश्‍शो गेय पाइब मुर बाक्‍‍त।

रोमी 14:13

मोपतीके आंम आंमा मनाक्‍मुय। थमा सुइक्‍ब लोक्‍ब आन थुं खाइक्‍पाइक्‍चा ङा गेय मपमुय। १कोरिन्‍थी १०:३३

२ कोरिन्‍थी 11:12

मुल सम्‍म दोपा बाक्‍ङा, मुल यो मोपान बाक्‍नुङ। मारदे हना दूली लोव़ शेंबपुकीमी “पावल नु आ वारचपुकीमी पशो खोदेंशो पा गो यो पाइनीकी” दे नें बोरपा गाक्‍नीम। मेको आन जोल ग्रुंइचा कली गो मारेइ मताक्‍थु शेंनीकी।

१ तिमोथी 2:8

तेइ तेइ ङा वोंइश मुरपुकीमी प्रार्थना पचा माल्‍नीम। परमप्रभु यावे कली थुं नेल्‍लेम थमा सुइक्‍ब गे गुइ पोक्‍शा, मगाइक्‍ब नु मजीब दुम्‍शा, परमप्रभु यावे नु लोव़ पशो तचा दाक्‍नुङ।

१ तिमोथी 4:3

मेकोमी “ग्‍युंबे पचा मदुम्‍ब, का निक्‍शी थोव़क जचा मदुम्‍ब” दे शेंनीमी। परमप्रभु यावेमी थमा सुइक्‍ब आन कली सेल्‍शा गेशो मेको जचा थोव़क “गे रिम्‍शो पाइब बाक्‍नीनी” दे जचा ब्‍वचा दुम्‍ब। उत्‍पत्ती ९:३; १कोरिन्‍थी १०:३०-३१; कलस्‍सी २:२३

१ तिमोथी 5:11

वोंइश बेक्‍शो ठिटी मीश मुर आन कली वारच पचा कली आन नें मब्रेक्‍चा। मारदे हना आन दला दाक्‍स पा ख्रीस्‍त कली प्रेंताक्‍म हना, ग्‍युंबे पचा ला मिम्‍नीम।

१ तिमोथी 6:1

वाइलीम वाइल नेल्‍लेमी आन होव़प मान ताक्‍चा शिरशो बाक्‍नीम, दे मिम्‍चा माल्‍नीम। मोपा मुरपुकीमी परमप्रभु यावे आ नें नु आ शेंतीके आइक्‍च मसेल्‍नीम। एफिसी ६:५; तीतस २:९-१०

तीतस 2:5

गेय पचा क्‍येङा ङोंइती मिम्‍चा, आंम वोंइश नु ला बाक्‍चा, खिं ङा गेय रिम्‍शो पचा, मुर नु रिम्‍शो दुम्‍चा, आंम वोंइश कली टिचा, दे शेंचा माल्‍नीम। मोदेंशो पाम्‍तेक्‍म हना, मुरपुकीमी परमप्रभु यावे आ लोव़ आ पर्बम मरिम्‍शो लोव़ मपाइनीमी। एफिसी ५:२२

तीतस 2:8

गे रिम्‍शो लोव़ शेंताक्‍वी हना, सुइमी इ कली दोस गेने मचाप्‍नीम। मिनु इ कली मदाक्‍बमी यो इ पर्बम मारेइ मरिम्‍शो लोव़ पचा मताइनीम। मिनु आन मुने दोक्‍नीम।

हिब्रू 13:4

गे नेल्‍लेमी “ग्युंबे पशो रिम्‍शो बाक्‍ब” दे मिम्‍तीने। मुर आ मीश नु मुरु आ वोंइश मइम्‍मल। मीश वोंइश आस नाता ख्रोइक्‍ब नु तेल्‍लेम आन कली परमप्रभु यावेमी निसाफ पाइब।