१ तिमोथी 5:1 - Sunuwar Bible

¹ शेंब खाल्‍पा आन कली महुइक्‍तो, तन्‍न आंम आफ कली खोदेंशो पा लोव़ पावो। ठिटा वोंइश मुर आन कली लोक्‍ब खोदेंशो मिम्‍तो। लेवी १९:३२; तीतस २:२

१ तिमोथी 5:1 ပူးပေါင်းရင်းမြစ်များ

लेवी 19:32

गे खूशो आ ङोंइती बोक्‍कीन। खाल्‍पी खाल्‍पा आन कली मान पने। मिनु इन परमप्रभु कली मान पा हिनीन। गो परमप्रभु यावे नङ।

मत्ती 23:8

गे इन कली सुइमी शेंब हजुर मदेंमल। मारदे हना इन कली शेंब का ला बाक्‍ब। गे नेल्‍ल वोबु ननी।

प्रेरित 14:23

मिनु ते ते थमा सुइक्‍बपुकी ग्रुम्‍शा बाक्‍मा, मेक मेक शेंब खाल्‍पापुकी वोइक्‍ना वोइक्‍न, माइजा बाक्‍शा, प्रार्थना पना पन, प्रभु कली थमा सुइश्‍शा, थमा सुइक्‍ब आन कली प्रभु आ गुइमी जिम्‍मा गेना गेन गाक्‍सा बाक्‍त। प्रेरित ६:६

प्रेरित 15:4

मिनु यरूसलेममी जाक्‍दीम्‍मानु, थमा सुइक्‍बपुकी, ख्रीस्‍त आ सोइश्‍शो, थमा सुइक्‍ब आन शेंब खाल्‍पा नेल्‍लेमी मान पा ब्रामे बाक्‍त। मिनु परमप्रभु यावेमी पपाइश्‍शो गेय दोपा पामे, मार दुम्‍मे, मेको लोव़ नेल्‍ल देंमा बाक्‍त।

प्रेरित 15:6

मिनु ख्रीस्‍त आ सोइश्‍शोपुकी नु थमा सुइक्‍ब शेंब खाल्‍पापुकी खुम्‍सीशा “मेको लोव़ निक्‍शीमी तेको लोव़ टिशा पचा?” दे लोव़सी पमुमा बाक्‍त।

प्रेरित 20:17

मिलेटसमी जाक्‍दीश्‍शा, पावलमी एफिससमी बाक्‍ब थमा सुइक्‍ब आन शेंब खाल्‍पा आन कली “मिलेटसमी ग्रुम्‍थ जाक्‍कीने” दे ब्रथ सोइक्‍ताक्‍व।

रोमी 13:7

तिरो, भन्‍सार थाप्‍तीने। हिक्‍चा पुंइसीशो कली हिक्‍कीने, मान पचा पुंइसीशो कली मान पने। मत्ती २७:२१

गलाती 6:1

आं लोक्‍बपुकी, सुमी आ थुंमी मिम्‍शा, दला दाक्‍स पा प्रभु आ देंशो मटिथु मरिम्‍शो दुम्‍मे, गे मेको कली परमप्रभु यावे आ सोक्‍तीमी ब्रीशो थुं पाइश्‍शोपुकीमी, ठेयब मलेत्‍थु, रिम्‍शो लोव़ पा, आ थुं परमप्रभु यावे गे लेप्‍पतीने। मो पनीनु, थुं थाम्‍चा मपुंइसेक्‍ल, दे होस पा बाक्‍कीन। मत्ती १८:१५; याकूब ५:१९

ब्‍यवस्‍था 33:9

मेकोमी आ आम आफ आस पर्बम “गो मेको आस कली ममिम्‍नुङ। मेकोमी आं खिं ङा मुर आन कली प्रोंइतु। आ तौ आन कली मतुइक्‍त। मारदे हना मेकोमी इन लोव़ टिप्‍तु। मिनु गे नु कबल पशो बाक्‍त। प्रस्‍थान ३२:२७-२९; मत्ती १०:३७

१ तिमोथी 5:17

ग्रुम्‍तीके खिंमी श्‍येत पा लोव़ पाइब नु शेंब खाल्‍पा आन कली निक्‍शी खेयप मान पा क्‍येट गेचा माल्‍नीम। प्रेरित १४:२३; रोमी १२:८

१ तिमोथी 5:2

मीश मुर आन कली इम्‍मा खोदेंशो मिम्‍तो। ठिटी आन कली समी खोदेंशो मिम्‍तो। मोपा नेल्‍ले रिम्‍शो पावो।

तीतस 2:2

गे खाल्‍पा आन कली मार शेंचा माल्‍नेवे देंशा हना, रिम्‍शो मिम्‍ने चाप्‍ब, मान पाइक्‍चा शिरशो मुर, गेय पचा क्‍येङा ङोंइती मिम्‍ब, आन थमा सुइक्‍चा, आन दाक्‍चा नु आन फाल्‍चा ङा सक्ति ठीक दुम्‍शा बाक्‍चा माल्‍नीम, दे शेंचा माल्‍नेवे। १तिमोथी ५:१

तीतस 2:6

मोदेंशो पा गे इ क्‍येङा आल वोंइश मुर आन कली “गेय पचा क्‍येङा ङोंइती मिम्‍चा माल्‍ब” दे शेंचा माल्‍नेवे।

याकूब 3:17

परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।

याकूब 5:14

इन दातेमी सु रोइ पाइबा, मेकोमी ग्रुम्‍तीके ङा शेंब खाल्‍पा आन कली ब्रेत्‍चा माल्‍ब। मेकोपुकीमी रोइ पाइब आन तारी गुइ वोइश्‍शा, प्रभु आ नेंमी तेल ख्रेक्‍शा, परमप्रभु यावे कली पुंइचा माल्‍नीम। मर्कूस ६:१३

१ पत्रुस 5:1

गो इन खोदेंशो खाल्‍पा नङ। गो थमा सुइक्‍ब आन दातेमी बाक्‍शो शेंब खाल्‍पा इन कली अर्ती गेनुङ। गो ख्रीस्‍त आ श्‍येत जशो तशो नङ। मुल गो जाक्‍चशो छेङछेङ ङा मुर यो दुम्‍ती। २यूहन्‍ना :१; मत्ती २६:३७,६९; रोमी ८:१७

२ यूहन्‍ना 1:1

गो येसु ख्रीस्‍त कली थमा सुइक्‍ब आन शेंब खाल्‍पामी आ योव़शो मीश मुर नु आ आल इन कली चिठी ब्रेक्‍ताक्‍न्‍नी। गो इन कली थमा पा दाक्‍नन्‍नी। गो ला ममाइ, सु सुम परमप्रभु यावे आ पर्बम थमा शेंतीके तुइक्‍तमे, मेकोपुकीमी यो इन कली दाक्‍नीमी। ३यूहन्‍ना :१

३ यूहन्‍ना 1:1

गो येसु ख्रीस्‍त कली थमा सुइक्‍ब आन शेंब खाल्‍पामी, आं थमा पा दाक्‍शो गायस इ कली एको चिठी ब्रेक्‍ताक्‍ङ। २यूहन्‍ना :१

प्रकाश 4:4

मिनु ठेयब नित्‍तीके आ एर ओंथ २४ ओटा आइक्‍च नित्‍तीकपुकी बाक्‍तेक्‍म। मेको नित्‍तीकपुकीमी बुश वा फेक्‍शो नु आन पियामी सुन के सिरपेच गुप्‍शो २४ जना शेंब खाल्‍पा निश्‍शो बाक्‍तेक्‍म। प्रस्‍थान १९:१६; प्रकाश १:४