१ तिमोथी 4:7 - Sunuwar Bible

⁷ तन्‍न मुरुमी सेल्‍शो नु मरिम्‍शो कथापुकी मनेनो। परमप्रभु यावे कली मिम्‍शा दाक्‍शा बाक्‍को। १तिमोथी ६:२०; २तिमोथी २:१६,२३; २तिमोथी ४:४; तीतस १:१४; तीतस ३:९

१ तिमोथी 4:7 ပူးပေါင်းရင်းမြစ်များ

प्रेरित 24:16

मोपतीके गो परमप्रभु यावे नु मुर आन ङोंइती रिम्‍शो पाइनुङ, दे आं थुं फ्रेंशा बाक्‍नुङ। प्रेरित २३:१

१ तिमोथी 1:4

मेकोपुकीमी मुरुमी सेल्‍शो लाइश्‍शो कथा नु किकी पिपी आन पर्बम शेंना शेंन बाक्‍नीम। मोदेंशो शेंतीके काम मलाप्‍चा ङा बाक्‍शा, परमप्रभु यावे आ शेंशो थमा सुइक्‍तीके मबारपाइक्‍ब। १तिमोथी ४:७

१ तिमोथी 1:9

ठीक पाइब आन कली मब्रेक्‍शो बाक्‍ब, दे यो तुइक्‍नय। तन्‍न परमप्रभु यावे आ अरेशो लोव़ मपाइब, मटीब, परमप्रभु कली ममिम्‍ब नु मरिम्‍शो पाइब आन कली ब्रेक्‍शो बाक्‍ब। परमप्रभु यावे रे ङोन बाक्‍ब, रागी कली ला मिम्‍ब, आम आफ कली साइक्‍ब, आंम ममा कली साइक्‍ब नु मुर आन कली साइक्‍ब आन कली ब्रेक्‍शो बाक्‍ब। १कोरिन्‍थी ६:९-११

१ तिमोथी 2:10

परमप्रभु यावे कली मिम्‍ब मीश मुर रिम्‍शो पतीकेमी “गो परमप्रभु यावे कली दाक्‍ब नङ” दे कोंइनीम। १तिमोथी ५:१०

१ तिमोथी 3:16

इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१

१ तिमोथी 4:8

रां कली रिम्‍शो पतीके इच्‍का ला रिम्‍शो बाक्‍ब। परमप्रभु यावे कली मिम्‍शा दाक्‍तीके नेल्‍ल क्‍येङा रिम्‍शो बाक्‍ब। मारदे हना मुल कली रिम्‍शो बाक्‍ब नु गेना हना यो परमप्रभु यावे नु बाक्‍चा कली नोले यो रिम्‍शो बाक्‍ब। १तिमोथी ६:६

१ तिमोथी 6:11

मोपतीके गे परमप्रभु यावे आ मुर दुम्‍शा, मेको नेल्‍ल रे ङोन बाक्‍को। ठीक पतीके, परमप्रभु यावे कली मिम्‍शा दाक्‍चा, थमा सुइक्‍चा, मुर आन कली दाक्‍चा, थमा सुइक्‍चा मप्रोंइचा नु ब्रेम्‍शो दुम्‍चा ला मिम्‍तो। २तिमोथी ३:१७; २तिमोथी २:२२

१ तिमोथी 6:20

तिमोथी, इ कली शेंशो लोव़ रिम्‍शो पा पावो। जाम्‍शा लाइब लोव़ नु जिचा पोक्‍तीक लोव़, तुइक्‍ब थुं रे पीब देंखु पाइनीम। मेको रे ङोन बाक्‍को। २तिमोथी १:१२-१४; १तिमोथी ४:७

१ तिमोथी 6:3

सुमी अरु शेंतीक शेंबा, मेकोमी इं प्रभु येसु ख्रीस्‍त आ थमा लोव़ नु आ शेंतीके नु मगारचा ङा शेंब। मेको आं देंशो थमा लोव़ चहिं परमप्रभु यावे कली मिम्‍ब नु दाक्‍ब थुं रे बाक्‍ब। २तिमोथी १:१३

१ तिमोथी 6:5

मेकोपुकीमी मुर आन दातेमी जिचा पोक्‍नीम। आन थुं गशो खोदेंशो दुम्‍शा, थमा लोव़ रुप्‍‍ने मचाप्‍नीम। परमप्रभु यावे कली मिम्‍चा, दाक्‍चा क्‍येट चेम्‍तीके बाक्‍ब, दे मिम्‍नीम।

२ तिमोथी 2:16

जाम्‍शा लाइब लोव़ पाइब रे ङोन बाक्‍को। मारदे हना मेकोपुकीमी मुर आन कली परमप्रभु यावे रे ङोन दुम्‍पाइक्‍नीम। १तिमोथी ४:७

२ तिमोथी 2:23

हिक्‍सी मङाम्‍शो लोव़ पाइब नु काम मलाप्‍चा ङा लोव़ पा जितीके रे ङोन बाक्‍को। मेको जिचा पोक्‍ब ला बाक्‍नीम दे तुइक्‍नेवे। १तिमोथी ४:७

२ तिमोथी 3:12

सु सु ख्रीस्‍त येसुमी परमप्रभु यावे कली मिम्‍शा, दाक्‍शा ब्रोंइनीमी, मेकोपुकी खेदा पचा पुंइसीनीम। मत्ती १६:२४; प्रेरित १४:२२; १थिस्‍सलोनिकी ३:३

२ तिमोथी 3:5

मोदेंशो मुरुमी परमप्रभु यावे कली मिम्‍शा दाक्‍चा देंखु पाइनीम। तन्‍न आन आगामी सक्ति मबाक्‍तीके कोंइनीम। मेकोपुकी नु ङोन बाक्‍को। मत्ती ७:१५-२१; तीतस १:१६

२ तिमोथी 4:4

मेना थमा शेंतीक प्रोंइशा, मुर आन सेल्‍शो कथा नेंनीम। १तिमोथी ४:७; २थिस्‍सलोनिकी २:११

तीतस 1:14

मिनु थमा सुइक्‍बपुकीमी यहूदी आन कथा नु मुरुम सेल्‍शो अरेशो लोव़ नेंचा मदुम्‍ब। मेको थमा लां प्रोंइब बाक्‍नीम। १तिमोथी ४:७; २तिमोथी ४:४

तीतस 2:12

मोदेंशो शिशीमी इं कली परमप्रभु यावे कली मगारचा ङा गेय नु रागी रागी ङा मुर आन पतीके आ पर्बम मोदेंशो मपचा, दे शेंब। मिनु मुल गेय पचा क्‍येङा ङोंइती मिम्‍चा, ठीक गेय पचा नु रागीम बाक्‍शा, परमप्रभु यावे कली मान पा हिंचा, दे शेंब।

तीतस 3:9

मिनु गे मूर्ख खोदेंशो पा हिल्‍लो पतीके, यहूदी आन बङसावली ङा शेंतीके नु अरेतीक लोव़ रे सेल्‍शो पतीके आ पर्बम गाइक्‍पाइक्‍ब नु जिचा पोक्‍ब रे ङोन बाक्‍को। मारदे हना मेको शोर गाक्‍शो नु जाम्‍शा लाइब बाक्‍नीम। १तिमोथी १:४; १तिमोथी ४:७; २तिमोथी २:१४

हिब्रू 5:14

पाको दुम्‍शो आन कली चहिं खमे गेंसीब। मेकोपुकीमी परमप्रभु यावे आ गेय पना पन मार रिम्‍शो बाक्‍मे, मार मरिम्‍शो मेको तुइक्‍नीम।