१ तिमोथी 4:4 - Sunuwar Bible

⁴ तन्‍न परमप्रभु यावे आ सेल्‍शो नेल्‍ल रिम्‍शो बाक्‍ब। मुरुमी परमप्रभु यावे कली “गे रिम्‍शो पाइतीनी” दे नेल्‍ल जचा ब्‍वचा दुम्‍ब। उत्‍पत्ती १:३१; मत्ती १५:११; प्रेरित १०:१५

१ तिमोथी 4:4 ပူးပေါင်းရင်းမြစ်များ

उत्पत्ती 1:31

मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४

प्रेरित 10:15

मिनु लेंशा “परमप्रभु यावे आ चोव़खो सेल्‍शो कली ग्रांग्रा मदित्‍तो” देंशो नेंना बाक्‍त। रोमी १४:१४

प्रेरित 15:29

मेको लोव़ मार बाक्‍ब देंशा हना ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ एको लोव़ टीतीनी हना, गे रिम्‍शो दुम्‍नीनी। आंइ लोव़ ओशोन बाक्‍ब” दे ब्रेक्‍शो बाक्‍माक्‍त।

प्रेरित 21:25

अर्को रागी ङा ख्रीस्‍त कली थमा सुइक्‍ब कली चहिं दोदेंशो शेंचा, दे ङोंइती कना ब्रेक्‍शा सोइक्‍ने थुम्‍तक। मेको आन कली ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ दे नेंपाइक्‍ने थुम्‍तक” दे माइक्‍तेक्‍म। प्रेरित १५:२१,२९

रोमी 14:14

गो प्रभु येसु आ मुर दुम्‍शा, मारेइ मारेइ जचा थोव़क रिम्‍शो बाक्‍ब, दे शेंसाक्‍ङ। तन्‍न सुमी ग्रांग्रा दिशो मिम्‍बा, मेको कली ग्रांग्रा दिशोन दुम्‍ब। मत्ती १५:११; प्रेरित १०:१५; तीतस १:१५

रोमी 14:20

गे जचा थोव़क आ पर्बम परमप्रभु यावे आ गेय मक्‍याम्‍दीने। मारेइ मारेइ जचा ठीक बाक्‍‍ब। तन्‍न होस पने। मारदे हना इन जचा ब्‍वचामी इन लोक्‍ब आन थुं खाइक्‍पाइक्‍तीनी हना, मरिम्‍शो दुम्‍ब।

रोमी 14:6

थमा सुइक्‍बपुकीमी नाक्‍त का कली ठेयब मिम्‍तमेनु, परमप्रभु यावे कली मिम्‍शा ठेयब मिम्‍नीम। श्‍ये ब्‍वामेनु, परमप्रभु यावे कली मिम्‍शा ब्‍वाइनीम। श्‍ये मब्‍वाइबपुकीमी यो परमप्रभु यावे कली “गे रिम्‍शो पाइब बाक्‍नीनी” दे मिम्‍शा मब्‍वाइनीम।

१ कोरिन्‍थी 10:23

मारेइ मारेइ ठीक बाक्‍ब। तन्‍न गेय का निक्‍शी चहिं इन कली रिम्‍शो मदुम्‍ब। मारेइ मारेइ ठीक बाक्‍तेक्‍म हना यो, का निक्‍शीम इन थमा सुइक्‍तीक मबारपाइक्‍नीम। १कोरिन्‍थी ६:१२

१ कोरिन्‍थी 10:25

श्‍ये ब्‍वचा आ पर्बम “श्‍ये ग्‍याप्‍थ लनीनु ‘चढ़ेशो श्‍ये कों’ दे हिल्‍लो मपने। मारेइ ममिम्‍थु ग्‍यापीन” दे शेंनन्‍नी। रोमी १४:२-१०,२२

१ कोरिन्‍थी 10:26

रागी नु रागीमी मार मार बाक्‍मा, मेको नेल्‍ल प्रभु के बाक्‍ब दे रुपीने। भजन संग्रह २४:१

१ कोरिन्‍थी 10:30

गो प्रभु कली “गे रिम्‍शो पाइब बाक्‍नीनी” देंशा, मारेइ मारेइ जाइनुङ ब्‍वाइनुङ। तन्‍न आं जशो ब्‍वशो सुइमी मरिम्‍शो मलाक्‍मल, दे यो मिम्‍नुङ। १तिमोथी ४:४

ब्‍यवस्‍था 32:4

मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।

१ तिमोथी 4:3

मेकोमी “ग्‍युंबे पचा मदुम्‍ब, का निक्‍शी थोव़क जचा मदुम्‍ब” दे शेंनीमी। परमप्रभु यावेमी थमा सुइक्‍ब आन कली सेल्‍शा गेशो मेको जचा थोव़क “गे रिम्‍शो पाइब बाक्‍नीनी” दे जचा ब्‍वचा दुम्‍ब। उत्‍पत्ती ९:३; १कोरिन्‍थी १०:३०-३१; कलस्‍सी २:२३