१ तिमोथी 4:16 - Sunuwar Bible

¹⁶ आंम कली नु इ शेंतीके कली रिम्‍शो पा होस पावो। मोदेंशो पा, गे आंम इ कली नु इ लोव़ नेंब आन कली श्‍येत रे प्रोंइनेवे। रोमी ११:१४

१ तिमोथी 4:16 ပူးပေါင်းရင်းမြစ်များ

१ इतिहास 28:10

मुल होस पावो। मारदे हना परमप्रभु यावेमी आंम आ बाक्‍तीक खिं सेल्‍चा कली इ कलीन योव़तु। इ थुं ग्‍येत्‍थ लुक्‍च मपथु, गेय पावो” दे पिप दाऊदमी आ तौ कली मदा बाक्‍त।

२ इतिहास 19:6

मिनु मेकोमी मेको निसाफ पाइब आन कली “गेपुकीम मार पाइनीनी, मेको मिम्‍तीन। गेपुकीम निसाफ नेंपाइक्‍नीनु, मुर आन कली ममाइ तन्‍न परमप्रभु यावे आ ङोंइती निसाफ पाइनीनी। गे निसाफ पची ना मेको गे नु बाक्‍ब। ब्‍यवस्‍था १:१७

प्रस्‍थान 23:13

आं अरेशो नेल्‍ल पने। देवी देवता आन कली मारेइ मपुंइचा आन नें यो मथिचा। यहोसु २३:७; जकरिया १३:२

यसैया 55:11

आ लोव़ यो मोदेंशो बाक्‍ब। मेको श्‍येत्‍थ मलेप्‍ब। गो मेको कली मार पथ सोइक्‍तु, मेको पाइब। आं दाक्‍शो थमा पा पाइब। आं मिम्‍शो पाइब। मत्ती १३:८

येरमीया 23:22

मेकोपुकी आं अर्ती गेतीकेमी बाक्‍शो हना, मेकोपुकीमी आं मुर आन कली आं लोव़ नेंचा ङा पा देंम वा। मिनु मेको आन कली आन मरिम्‍शो लां नु आन मरिम्‍शो गेय रे लेत्‍तेक्‍म वा” देंत।

मर्कूस 13:9

आंम इन कली मिम्‍शा होस पा बाक्‍कीन। कछडी वोइक्‍चा पुंइसीनीनी। ग्रुम्‍तीक खिंमी तुप्‍चा पुंइसीनीनी। आं नें आ पर्बम हुकुम पाइब नु पिप आन ङोंइती राप्‍पाइक्‍चा पुंइसीशा, सांकछी दुम्‍चा माल्‍नीनी।

लूका 21:34

आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३

प्रेरित 26:22

खेदा पा शुश श्‍येत गेयीमीनु, परमप्रभु यावेमी श्‍येत फाल्‍तीक सक्ति गेती। मोपतीके गो ठेयब थुं पा इन ङोंइती राप्‍शा, ठेयब मुर आइक्‍च मुर नेल्‍ल इन कली आं लोव़ मोसा नु परमप्रभु यावे आ लोव़ पाइब आन लोव़ नु गारब, दे रुपीन। लूका २४:४४-४७

प्रेरित 6:4

गो चहिं परमप्रभु कली प्रार्थना पना पन शेंथ गाक्‍चा माल्‍नय” देंमा बाक्‍त।

रोमी 11:14

मारदे हना अर्को रागी ङा मुर आन कली थमा सुइश्‍शो तशा, आं जात ङा मुर का निक्‍शीमी यो रुश पा थमा सुइक्‍नीमी कों, दे आस पा बाक्‍ती।” १कोरिन्‍थी ९:२०-२२; १तिमोथी ४:१६

रोमी 16:17

आं लोक्‍बपुकी, एको नेल्‍ल क्‍येङा नोले ङा लोव़ पशा, अर्ती गेनन्‍नी। कोइ मुरुमी ख्रीस्‍त आ लोव़ नेंशा, दूली मिम्‍ताक्‍म। मेको मुरपुकीमी मुल सम्‍म दुशा गारशा बाक्‍शो थमा सुइक्‍ब लोक्‍ब इन कली फ्राचा माल्‍नीम। मेको आन क्‍येङा होस पा बाक्‍कीन। मत्ती ७:१५; २थिस्‍सलोनिकी ३:६; तीतस ३:१०

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

१ कोरिन्‍थी 1:21

परमप्रभु यावेमी मुर आन जोक्‍तीक तुइक्‍तीक रे आंम कली मतुइक्‍पांइसे। परमप्रभु यावेम आ दाक्‍शो पा, आंइ मूर्ख लोव़ नेंपाइक्‍ब। मिनु मेको लोव़म थमा सुइक्‍ब आन कली पाप रे ब्रोंइचा गेब।

१ कोरिन्‍थी 9:22

गो बोल मपाइश्‍शो मुर आन कली शेंशा, ख्रीस्‍त आ लोव़ रुप्‍पाइश्‍शा, आ मुर दुम्‍मल, दे गो बोल मपाइश्‍शो खोदेंशो दुम्‍ती। का निक्‍शी ख्रीस्‍त आ लोव़ रुप्‍‍शा, आ मुर दुम्‍मल, दे गो मेको नेल्‍ल आन खोदेंशो दुम्‍ती। रोमी ११:१४

१ कोरिन्‍थी 9:27

तन्‍न आं रां कली हेंथे पचा मगेथु, गेय पाइब वाइल खोदेंशो सेल्‍नुङ। मारदे हना अरु आन कली मोदेंशो शेंताक्‍ङमी। मिनु गो आंम आं देंशो मपाता हना, आं कली सुइमी महिक्‍नीम। रोमी १३:१४

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

कलस्‍सी 4:17

गेपुकीमी अरकीप्‍पस कली “प्रभुमी इ कली गेशो शेंतीक गेय नेल्‍ल रिम्‍शो पावो” दे मतीन। फिलेमोन २

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३

१ तिमोथी 1:3

गो मासीडोनीया रागी लङानु, गे एफिसस सहरम बाक्‍को। मेकेर मुर का निक्‍शीमी दूली लोव़ शेंनीम। मोदेंशो मशेंदीन, दे अरेवो। प्रेरित २०:३

१ तिमोथी 4:15

मोपा बाक्‍को। मेको इ पशो तशा, नेल्‍लेमी इ थमा सुइक्‍तीके बारशो तामेक्‍ल।

१ तिमोथी 4:6

गे एको लोव़ थमा सुइक्‍ब लोक्‍ब आन कली शेंताक्‍वी हना, ख्रीस्‍त येसु आ रिम्‍शो गेय पाइब दुम्‍नेवे। गे थमा सुइक्‍तीक ङा लोव़ नु रिम्‍शो शेंतीके तुइक्‍ना तुइक्‍न आ नोले खोइक्‍नेवे। २तिमोथी २:१५

२ तिमोथी 2:10

मोपतीके गो योव़शो मुर आन कली मिम्‍शा, श्‍येत नेल्‍ल फाल्‍नुङ। मोपा मेकोपुकीमी ख्रीस्‍त येसुमी पाप रे प्रोंइशो दुम्‍शा, गेना हना यो परमप्रभु यावे आ छेङछेङमी ब्रोंइशा बाक्‍चा तामेक्‍ल। कलस्‍सी १:२४

२ तिमोथी 3:14

मिनु गे मार शेंसे, मेको “ठीक बाक्‍ब” दे थमा सुइश्‍शा, पना पन बाक्‍को। मारदे हना गे सु नु शेंसे मेको तुइक्‍नेवे।

२ तिमोथी 4:2

“परमप्रभु यावे आ लोव़ पावो। नेंचा दाक्‍ताक्‍म हना यो, मदाक्‍ताक्‍म हना यो, शेंदीमी। मरिम्‍शो पाइब आन कली लोव़ पावो। मुर आन कली ‘ठीक पचा’ दे शेंदो। आन थुं बारपतो। नेल्‍ल आन कली फाल्‍शा, रिम्‍शो शेंदो। प्रेरित २०:२०,३१

तीतस 1:9

मोदेंशो पाइब मुर परमप्रभु यावे आ लोव़ ङा शेंतीक तुइश्‍शा पचा माल्‍नीम। मोपा मेकोपुकीमी थमा सुइक्‍ब आन कली रिम्‍शो शेंशा, अरेने चाप्‍नीम। मिनु परमप्रभु यावे आ लोव़ दूली शेंब आन कली यो रिम्‍शो सेल्‍ने चाप्‍नीम।

तीतस 2:15

मेको लोव़ शेंदीमी। मिनु गे अधिकार पाइश्‍शो दुम्‍शा, मुर आन कली अरेवो। मिनु मुरपुकीमी “एको ठिटामी आंइ कली शेंने मचाप्‍ब” देंचा मपुंइसो। १तिमोथी ४:१२

तीतस 2:7

मिनु नेल्‍ल क्‍येङा ठेयब मार बाक्‍ब देंशा हना, गे रिम्‍शो गेय पशा, थमा सुइक्‍बपुकी दोदेंशो मुर बाक्‍नीमी, दे कोंइचा माल्‍नेवे। मिनु मुर आन कली शेंदीनु, हेंथे लोव़ मपथु, रिम्‍शो शेंतीक शेंचा माल्‍नेवे। २तिमोथी २:१५; १पत्रुस २:१५; १तिमोथी ४:१२; १पत्रुस ५:२

फिलेमोन 1:19

एको लोव़ गो पावलमी आंम आं गुइमी ब्रेक्‍ताक्‍ङ। लोव़ थोक्‍शा, मार थाप्‍चा माल्‍शो बाक्‍मे, मेको नेल्‍ल थाप्‍नुङ। तन्‍न गोमी साइ इ कली वारच पशो यो मिम्‍चा माल्‍नेवे, दे इन कली देंनुङ।

हिब्रू 12:15

अर्ती गेमुशा वारच पमुशा बाक्‍कीने। सुइ परमप्रभु यावे आ शिशी मताइब मदुम्‍ल। सुइमी थुं चोशा दुशा बाक्‍ब आन कली फ्राशा, मुर आन कली मरिम्‍शो मसेलल। ब्‍यवस्‍था २९:१७

हिब्रू 13:9

मुल सम्‍म मनेंशो नु दूली शेंब लोव़मी इन थुं क्‍याल्‍चा मगेने। परमप्रभु यावे आ शिशीमी रिम्‍शो थुं पाइश्‍शो दुम्‍तय, दे गेनायो मप्रेंदीने। चोव़खो जशोमी ठीक थुं मसेल्‍ब, दे रुपीने। एफिसी ४:१४; २कोरिन्‍थी १:२१; रोमी १४:१७; १तिमोथी ४:८

याकूब 5:20

मेको मुरुमी मेको मटीब मुर कली बेक्‍चा रे प्रोंइब। मिनु मेको के शुश पाप बाक्‍त हना यो, क्‍याम्‍सीब, दे मेकोमी तुइक्‍चा माल्‍ब। भजन संग्रह ५१:१५; हितोपदेस १०:१२; १पत्रुस ४:८