१ तिमोथी 4:12 - Sunuwar Bible

¹² गे ठिटा बाक्‍ते हना यो, लोव़ पतीकेमी, मुर नु गेय पतीकेमी, दाक्‍तीकेमी, थमा सुइक्‍तीकेमी नु ग्रांग्रा मदि‍शोमी थमा सुइक्‍ब नेल्‍ल आन कली कोंइतीक दुमो। मिनु तोक्‍शो लोव़ पचा मगेमी। तीतस २:१५; २तिमोथी २:२२

१ तिमोथी 4:12 ပူးပေါင်းရင်းမြစ်များ

जकरिया 2:4

मिनु मेकोमी “दोरशा लशा मेको ठिटा कली ‘यरूसलेममी लेंशा शुश मुर बाक्‍चा माल्‍नीम। मुर नु बी ब्‍यफ, क्‍यारश भेडा शुश दुम्‍तीके यरूसलेम गारो मपाइश्‍शो गाउं खोदेंशो दुम्‍ब।

मत्ती 18:10

होस पांइसीने, आल आन कली आइक्‍च मसेलीने। नोफा दाइश्‍शा नेनीने, आल आन कली कोव़ब परमप्रभु यावे आ स्‍वर्ग ङा गेय पाइबपुकी स्‍वर्गम बाक्‍ब आं आफ आ ङोंइती बाक्‍नीम।

१ कोरिन्‍थी 11:1

गो दोपा ख्रीस्‍त आ पशो खोदेंशो पङा, मोपा गे यो आं पशो खोदेंशो पाइब दुमीन।

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।

१ थिस्‍सलोनिकी 1:6

गेपुकी आंइ खोदेंशो नु प्रभु खोदेंशो पाइब दुम्‍तीनी। मारदे हना गेपुकी शुश श्‍येत जशा, परमप्रभु यावे आ लोव़ नेंतीनी। मिनु परमप्रभु यावे आ सोक्‍तीमी इन थुं ग्‍येरपाइक्‍तु। २थिस्‍सलोनिकी ३:७

१ थिस्‍सलोनिकी 2:10

गो ठीक, रिम्‍शो नु परमप्रभु यावे आ गेय ला पाइतक। परमप्रभु यावेमी मेको तुइक्‍ब। मिनु गे थमा सुइक्‍बमी यो तुइक्‍नीनी।

१ तिमोथी 1:14

इं प्रभुमी आ दाक्‍शो थमा सुइक्‍तीके नु दाक्‍तीके थुं ब्रीशा, क्‍युप्‍चा ङा पा गेती। मेको निम्‍फा ख्रीस्‍त येसु नु बाक्‍नीस।

२ तिमोथी 2:15

गे परमप्रभु यावे आ ङोंइती रिम्‍शो गेय पाइब दुम्‍चा कली बल पावो। थमा शेंतीके रिम्‍शो पा शेंचा कली काइ मुने पचा ममाल्‍नेवे। १तिमोथी ४:६; तीतस २:७-८

२ तिमोथी 2:22

ठिटी ठिटा आन दला दाक्‍स रे ङोन बाक्‍को। रिम्‍शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्‍चा, दाक्‍चा नु थुं नाइक्‍चा ला मिम्‍तो। १तिमोथी ४:१२; १तिमोथी ६:११; हिब्रू १२:१४

२ तिमोथी 2:7

आं देंशो नेल्‍ल मिम्‍तो। मारदे हना प्रभुमी नेल्‍ल कली रुप्‍तीक थुं गेब।

तीतस 2:15

मेको लोव़ शेंदीमी। मिनु गे अधिकार पाइश्‍शो दुम्‍शा, मुर आन कली अरेवो। मिनु मुरपुकीमी “एको ठिटामी आंइ कली शेंने मचाप्‍ब” देंचा मपुंइसो। १तिमोथी ४:१२

तीतस 2:7

मिनु नेल्‍ल क्‍येङा ठेयब मार बाक्‍ब देंशा हना, गे रिम्‍शो गेय पशा, थमा सुइक्‍बपुकी दोदेंशो मुर बाक्‍नीमी, दे कोंइचा माल्‍नेवे। मिनु मुर आन कली शेंदीनु, हेंथे लोव़ मपथु, रिम्‍शो शेंतीक शेंचा माल्‍नेवे। २तिमोथी २:१५; १पत्रुस २:१५; १तिमोथी ४:१२; १पत्रुस ५:२

याकूब 3:13

मिनु इन दातेमी सु निप्‍स पाइश्‍शो नु रुप्‍तीक थुं पाइश्‍शो मुर बाक्‍मा, मेकोमी आ गेय रे पा आ ब्रेम्‍तीके रुप्‍तीक थुं रे जाक्‍ब, दे कोंइदल।

याकूब 3:17

परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।

१ पत्रुस 5:3

“गो परमप्रभु यावे आ योव़शो मुर आन कली हुकुम पाइब दुम्‍ती” दे ममाइ, तन्‍न मेको दोदेंब दुम्‍चा माल्‍नीमी, इन पशो गेयमी कोंइदीन। इजीकीएल ३४:२-४; २कोरिन्‍थी १:२४; तीतस २:७