11 एको लोव़ अरेशा शेंदो।
एको लोव़ शेंदीमी। मेकोपुकी दोस गेचा मपुंइसीब दुम्मल।
सु सु आन होव़प थमा सुइक्ब बाक्मा, मेको आन पर्बम “थमा सुइक्ब लोक्ब दुम्शा, मान गेचा ममाल्नुङ” दे ममिम्तमेक्ल। मेकोपुकीमी ङोंइती क्येङा रिम्शो पचा माल्नीमी, दे मतो। मारदे हना मेको आन गेय गेब थमा सुइक्ब नु दाक्शो मुर दुम्त। मोदेंशो पचा शुश शेंदो। फिलेमोन १६
“परमप्रभु यावे आ लोव़ पावो। नेंचा दाक्ताक्म हना यो, मदाक्ताक्म हना यो, शेंदीमी। मरिम्शो पाइब आन कली लोव़ पावो। मुर आन कली ‘ठीक पचा’ दे शेंदो। आन थुं बारपतो। नेल्ल आन कली फाल्शा, रिम्शो शेंदो। प्रेरित २०:२०,३१
मेको लोव़ शेंदीमी। मिनु गे अधिकार पाइश्शो दुम्शा, मुर आन कली अरेवो। मिनु मुरपुकीमी “एको ठिटामी आंइ कली शेंने मचाप्ब” देंचा मपुंइसो। १तिमोथी ४:१२
एको लोव़ थमा बाक्ब। मिनु एको लोव़ शुश शेंदो। मोदेंशो पा शेंताक्वी हना, परमप्रभु यावे कली थमा सुइक्ब दुम्शो मुरपुकी रिम्शो गेय पचा कली होस पा बाक्नीम। आं देंशो शेंतीके मुर आन कली रिम्शो नु गारचा ङा बाक्ब।
