१ तिमोथी 3:7 - Sunuwar Bible

⁷ थमा मसुइक्‍बपुकीमी यो थमा सुइक्‍ब आन कली कोव़ब आ पर्बम रिम्‍शो लोव़ पचा माल्‍नीम। मोदेंशो मदुम्‍त हना, दोस गेचा पुंइसीब। मिनु सैतान आ ग्‍याइलीम रेप्‍ब।

१ तिमोथी 3:7 ပူးပေါင်းရင်းမြစ်များ

मर्कूस 4:11

मिनु येसुमी “परमप्रभु यावे आ राज्‍य दोदेंशो बाक्‍ब दे इन कली रुप्‍‍तीक थुं गेशो बाक्‍त। लाङगाम बाक्‍ब आन कली चहिं कथा सेल्‍शा शेंनुङमी।

प्रेरित 10:22

मिनु मेकोपुकीमी “कोरनेलीयस आ सोइश्‍शो नकी। कोरनेलीयस कप्‍तान बाक्‍ब। परमप्रभु कली मान पा हिंब, रिम्‍शो मुर बाक्‍ब। यहूदीपुकीमी यो रिम्‍शो मुर बाक्‍ब, दे मिम्‍नीम। परमप्रभु आ स्‍वर्ग ङा गेय पाइब कामी कोरनेलीयस कली ‘योप्‍पा सहरमी सिमोन पत्रुस माइश्‍शो कली माल्‍शा चाक्‍शा आ लोव़ नेंचा’ देंतीके इन कली ब्रथ जाक्‍तक” देंमा बाक्‍त।

प्रेरित 22:12

दमस्‍कसमी हनानीया नें पाइश्‍शो मुर का बाक्‍माक्‍त। परमप्रभु यावे आ अरेशो नेल्‍ल टिशा, रिम्‍शो पाइब बाक्‍माक्‍त। मेकेर बाक्‍ब यहूदी नेल्‍लेमी मेको आ पर्बम ‘रिम्‍शो पाइब बाक्‍ब’ दें‍मा बाक्‍त।

प्रेरित 6:3

मोपतीके मेको योक्‍चा कली मुरपुकी वोइक्‍चा माल्‍नय। दोदेंशो मुर माल्‍नय देंशा हना, मुरपुकीमी हिक्‍शो, परमप्रभु यावे आ सोक्‍तीमी ब्रीशो नु जोक्‍ब तुइक्‍ब ७ जना गेय पाइब मुर योव़चा माल्‍नय। १तिमोथी ३:८-१०

१ कोरिन्‍थी 10:32

यहूदी नु ग्रीक आन कुल, परमप्रभु यावे कली थमा सुइक्‍ब आन कुल, मुर नेल्‍ल आन कुल, गेना हना यो रिम्‍शो गेय पने। रोमी १४:१३

१ कोरिन्‍थी 5:12

प्रभु आ मुर मदुम्‍शो आन कली मार निसाफ पाइनुङा ङा? प्रभु आ मुर दुम्‍शो इन दाते ङा आन कली चहिं गेपुकीमीन नाक्‍शा, सजाइ गेचा ममाल्‍नीनी ङा?

२ कोरिन्‍थी 6:3

प्रभुमी पपाइश्‍शो गेयम मारेइ दूली मपाइनीकी। सुइ आन थुं मक्‍याल्‍नीकी।

२ कोरिन्‍थी 8:21

गो प्रभु आ ङोंइती रिम्‍शो पशो ला ममाइ। मुर नेल्‍ल आन ङोंइती यो रिम्‍शो पशा कोंइनीकी।

कलस्‍सी 4:5

गेपुकी थमा मसुइक्‍ब आन ङोंइती रिम्‍शो जोक्‍शा तुइश्‍‍शा गेय पने। लोव़ पचा तनीनु, रिम्‍शो पा लोव़ पने। एफिसी ५:१५-१६; १थिस्‍सलोनिकी ४:१२

१ थिस्‍सलोनिकी 4:12

मो पाइतीनी हना, अरु मुरपुकीमी इन कली ठेयब सेल्‍नीम। मिनु सुइ के मारेइ ममाल्‍नीनी। कलस्‍सी ४:५

१ थिस्‍सलोनिकी 5:22

नेल्‍ल ग्रांग्रा दिचा ङा गेय क्‍येङा ङोन बाक्‍कीन।

१ तिमोथी 3:6

थमा सुइक्‍चा नक गोशो मुर थमा सुइक्‍ब आन कली कोव़ब दुम्‍ने मचाप्‍ब। मारदे हना मेको बोरशा ठेयब लेश्‍शो दुम्‍ब। मिनु सैतानमी मेको कली रेश्‍शा, खतम सेल्‍‍ब।

१ तिमोथी 5:14

मोपतीके वोंइश बेक्‍शो ठिटी मीश मुरपुकीमी ग्‍युंबे पा, आल थिशा, आन खिं ङा गेय पामेक्‍ल। मो पाम्‍तेक्‍म हना, मरिम्‍शो पा गाक्‍चा मताइनीम। अरुमी यो थमा सुइक्‍ब आन पर्बम मरिम्‍शो लोव़ पचा मताइनीम। १तिमोथी २:१५; १कोरिन्‍थी ७:९

१ तिमोथी 6:9

तन्‍न सु सु शुश क्‍येट थीब दुम्‍चा दाक्‍नीमी, मेको आन थुं थाम्‍चा पुंइसीशा, ग्‍याइलीम रेश्‍शो खोदेंशो पा, निप्‍स मपाइश्‍‍शो नु श्‍येत जाइब दुम्‍नीम। आंम कली खतम सेल्‍सीशो बाक्‍नीम। हितोपदेस २८:२२; मत्ती १३:२२

२ तिमोथी 2:26

सैतानमी मेको आन कली ग्‍याइश्‍शा, आ दाक्‍शो पपदानु, मेको रे प्रोक्‍मल।

तीतस 2:5

गेय पचा क्‍येङा ङोंइती मिम्‍चा, आंम वोंइश नु ला बाक्‍चा, खिं ङा गेय रिम्‍शो पचा, मुर नु रिम्‍शो दुम्‍चा, आंम वोंइश कली टिचा, दे शेंचा माल्‍नीम। मोदेंशो पाम्‍तेक्‍म हना, मुरपुकीमी परमप्रभु यावे आ लोव़ आ पर्बम मरिम्‍शो लोव़ मपाइनीमी। एफिसी ५:२२

तीतस 2:8

गे रिम्‍शो लोव़ शेंताक्‍वी हना, सुइमी इ कली दोस गेने मचाप्‍नीम। मिनु इ कली मदाक्‍बमी यो इ पर्बम मारेइ मरिम्‍शो लोव़ पचा मताइनीम। मिनु आन मुने दोक्‍नीम।

३ यूहन्‍ना 1:12

मिनु थमा सुइक्‍ब नेल्‍लेमी “देमेत्रीयस रिम्‍शो थमा सुइक्‍ब बाक्‍ब” दे तुइश्‍शा देंनीम। मिनु मेको आ थमा लां खोइक्‍तीकेमी, येसु ख्रीस्‍त नु थुं का बाक्‍ब, दे कोंइब। गो यो मेको आ पर्बम “देमेत्रीयस रिम्‍शो मुर बाक्‍ब” दे सांकछी गेनुङ। गो जोल मपाइनुङ, दे तुइक्‍नेवे।

१ सामुएल 2:24

आं तौ निक्‍शी ओदेंशो गेय पचा प्रोनीस। मारदे हना, परमप्रभु यावे आ मुर आन दातेमी एको लोव़ ब्रशो नेंता। एको थम मरिम्‍शो बाक्‍ब। गे परमप्रभु यावे आ मुर आन कली पाप पपाइक्‍नीसी।