१ तिमोथी 3:6 - Sunuwar Bible

⁶ थमा सुइक्‍चा नक गोशो मुर थमा सुइक्‍ब आन कली कोव़ब दुम्‍ने मचाप्‍ब। मारदे हना मेको बोरशा ठेयब लेश्‍शो दुम्‍ब। मिनु सैतानमी मेको कली रेश्‍शा, खतम सेल्‍‍ब।

१ तिमोथी 3:6 ပူးပေါင်းရင်းမြစ်များ

२ राजा 14:10

गे एदोम कली ग्राशा, ठेयब लेश्‍शो दुम्‍तीनी। इन ग्राशोम ग्‍येरसीने। तन्‍न इन खिंमी सिक्‍सी पा बाक्‍कीन। आंम इन कली नु यहूदा कली मारदे खतम सेल्‍चा दाक्‍नीनी?” देंपाइक्‍थ लोव़ कुरब मुर का सोइक्‍ता बाक्‍त।

२ इतिहास 26:16

मोपा मेको सक्ति पाइश्‍शो दुम्‍‍तीके ठेयब लेश्‍शा, खतम दुम्‍माक्‍त। मेकोमी परमप्रभु यावे, आ परमप्रभु कली मटिथु, धूप चोतीकेम धूप चोचा कली परमप्रभु यावे आ खिं ओव़माक्‍त। २इतिहास २५:१९

२ इतिहास 32:25

तन्‍न हिज्‍कीयाहमी परमप्रभु यावेमी मेको कली रिम्‍शो पशोमी “गे रिम्‍शो पाइब बाक्‍नीनी” मदेंथु ठेयब लेश्‍शो दुम्‍‍माक्‍त। मोपतीके परमप्रभु यहूदा नु यरूसलेम आ पर्बम गाइक्‍ता बाक्‍त।

हितोपदेस 18:12

खतम दुम्‍चा क्‍येङा ङोंइती मुर ठेयब लेत्‍नीम। मान तचा क्‍येङा ङोंइती मुर ब्रेम्‍शो दुम्‍‍नीम। हितोपदेस १६:१८

हितोपदेस 29:23

मुर आन ठेयब लेश्‍शोमी मेको कली आइक्‍च सेल्‍ब। ब्रेम्‍शो थुं पाइश्‍शो मुर चहिं मान ताइब।

यसैया 2:12

मिनु मुर नेल्‍ल आन परमप्रभु यावेमी काबु नाक्‍ती ठेयब लेश्‍‍शो, बोरशो मुर नु “गो ठेयब नङ” देंब आन कली आइक्‍च सेल्‍ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्‍याह १:१४

दानीएल 11:12

मिनु उत्तर ङा लडाइ पाइब ग्‍याइक्‍चा पुंइसीमानु, दक्‍खिन ङा पिप ठेयब लेश्‍शा हजार हजार मुर आन कली साइक्‍ब। तन्‍न मोदेंशो पशा यो, ब्रुना ब्रुन लाइब।

लूका 10:18

मिनु येसुमी “सरीङ रे चिला आप्‍शो खोदेंशो पा गो सैतान कली दोक्‍शो ताता। यूहन्‍ना १२:३१; प्रकाश १२:८-९

१ कोरिन्‍थी 3:1

आं लोक्‍बपुकी, इन कली शेंदुनु, परमप्रभु यावे आ सोक्‍तीम ब्रीशो मुर खोदेंशो पा शेंने मचबु। मारदे हना रागी ङा मुर खोदेंशो पा, ख्रीस्‍त कली थमा सुइक्‍तीकेमी आल खोदेंशो बाक्‍नीनी। यूहन्‍ना १६:१२

१ कोरिन्‍थी 8:1

मूर्ति कली चढ़ेशो श्‍ये ब्‍वचा आ पर्बम गो नेल्‍लेमी तुइक्‍नय। गो शुश तुइक्‍ब नकी, दे तुइश्‍शोमी मुर आन कली बोरशा ठेयब लेप्‍पाइक्‍ब। दाक्‍मुशा बाक्‍शोमी चहिं नेल्‍ल आन कली रिम्‍शो दुम्‍ब, नेल्‍ल आन थुं बारपाइक्‍ब। प्रेरित १५:२९

२ कोरिन्‍थी 12:7

गो शुश कोंइतीके तशा, मेको आ पर्बम ठेयब लेश्‍शा, नें मबोरपदुल, दे सैतान आ चू आं रांम गेती। मेको आं कली श्‍येत गेचा कली नु आं ठेयब लेत्‍तीक तेक्‍चा कली बाक्‍ब।

ब्‍यवस्‍था 17:20

मेकोमी आंम लोक्‍ब आन दा‍तेमी आंम कली ठेयब मसुदल। परमप्रभु यावे आ शेंशो लोव़ रे ङोन मलल। ग्‍युरा पेरा गे मलल। मिनु आं तौ चचपुकीमी इस्राएल ङा राज्‍य कली शुश नाक्‍ती सम्‍म सासन पामेक्‍ल” देंत। ब्‍यवस्‍था ५:२९

ब्‍यवस्‍था 8:14

गेपुकी ठेयब लेश्‍शा, वाइलीम वाइल दुम्‍तीक इजीप्‍त रे ग्रुंइब परमप्रभु यावे, इन परमप्रभु कली मप्रेंचा, दे होस पा बाक्‍कीन।

१ तिमोथी 3:7

थमा मसुइक्‍बपुकीमी यो थमा सुइक्‍ब आन कली कोव़ब आ पर्बम रिम्‍शो लोव़ पचा माल्‍नीम। मोदेंशो मदुम्‍त हना, दोस गेचा पुंइसीब। मिनु सैतान आ ग्‍याइलीम रेप्‍ब।

१ तिमोथी 6:4

मेको अरु लोव़ शेंब ठेयब लेश्‍शो मारेइ मजोक्‍ब बाक्‍नीम। आन लोव़ ला आ तार पशा, जिचा पोक्‍चा माल्‍नीम। मेकोपुकीमी गेहे पाइब, जीब, मरिम्‍शो लोव़ पाइब नु मरिम्‍शो मिम्‍ब सेल्‍नीम। २तिमोथी २:१४; तीतस ३:१०-११

२ तिमोथी 3:4

मुर आन कली श्‍येतम ख्रुम्‍नीम। चुइश्‍शा गेय पाइनीम। “गो जोक्‍नुङ” दे बोरशा, मुर आन लोव़ मनेंनीम। आंम दला दाक्‍स ला पाइनीम। परमप्रभु यावे कली मदाक्‍नीम।

१ पत्रुस 2:2

नक थिशो आलम दूध तूचा माल्‍शो खोदेंशो पा, गे यो परमप्रभु यावे आ लोव़ तुइक्‍चा मालीन। गे मोदेंशो पाइतीनी हना, इन पाप रे ब्रोंइशो थुं बारना बारन लाइब। हिब्रू ५:१२-१३; मत्ती १८:३

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६

२ पत्रुस 2:4

का निक्‍शी परमप्रभु यावे आ स्‍वर्ग ङा गेय पाइबपुकी यो पाप पतीके शिशी मतामे। परमप्रभु यावेमी मेको आन कली नरकमी ताइश्‍शा, नेल्‍ल क्‍येङा मरिम्‍शो बाक्‍तीकेमी सोइक्‍ताक्‍मी। मिनु निसाफ पची नाक्‍त सम्‍म छिङछिङमी चोक्‍शा वोइक्‍तीमी।

यहूदा 1:6

परमप्रभु यावे आ स्‍वर्ग ङा गेय पाइब का निक्‍शीमी परमप्रभु यावे कली मटिथु आन बाक्‍तीके प्रोंइतेक्‍म। परमप्रभु यावेमी मेको आन कली ठेयब निसाफ पची नाक्‍त सम्‍म गेना हना यो मप्रोंइचा ङा पा साङलोमी पाइश्‍शा, नेल्‍ल क्‍येङा मरिम्‍शो बाक्‍तीक छिङछिङमी वोइश्‍शो बाक्‍ब। उत्‍पत्ती ६:२-४