१ तिमोथी 3:2 - Sunuwar Bible

² थमा सुइक्‍ब आन कली कोव़ब काइ दोस गेचा मपुंइसीशो बाक्‍चा माल्‍ब। मीश का के ला वोंइश बाक्‍चा माल्‍ब। गेय पचा ङोंइती मिम्‍ब, आ गेय नेल्‍ल कली रिम्‍शो पाइब, मुर आन कली बास गेब नु रिम्‍शो शेंब बाक्‍चा माल्‍ब।

१ तिमोथी 3:2 ပူးပေါင်းရင်းမြစ်များ

यसैया 56:10

इस्राएली आन कली कोव़ब मुर मिक्‍च मताइब खोदेंशो बाक्‍नीम। मेको मारेइ मजोक्‍ब मतुइक्‍ब बाक्‍नीम। मेकोपुकी सिक्‍सी पा बाक्‍शा, होक्‍ने मचाप्‍ब कुचुम खोदेंशो बाक्‍नीम। मेको ङोमु तचा, इप्‍चा नु निन्‍द्रा पचा ला दाक्‍नीम। इजीकीएल ३:१७; इजीकीएल ३३:६-९

लूका 1:6

मेको निक्‍शी परमप्रभु यावे आ ङोंइती ठीक पाइब बाक्‍सा बाक्‍त। परमप्रभु यावे आ अरेशो लोव़ नु पतीके लोव़ नेल्‍ल टिशा, दोस मताइब दुम्‍शा बाक्‍शो बाक्‍सा बाक्‍त।

लूका 2:36

यरूसलेममी आन्‍ना माइश्‍शो परमप्रभु यावे आ लोव़ पाइब खाल्‍पी का बाक्‍माक्‍त। मेको आशेर आ थर ङा फनुएल आ तमी बाक्‍माक्‍त। मेको ग्‍युंबे पशो आ ७ बर्सम आ वोंइश बेक्‍शो बाक्‍माक्‍त।

रोमी 12:13

थमा सुइक्‍ब आन कली आन माल्‍शो गेशा, वारच पने। इन खिंमी जाक्‍ब आन कली बास गेशा थुलीन। ३यूहन्‍ना ५-८; हिब्रू १३:२

फिलिप्‍पी 2:15

मोपा दोस गेचा मपुंइसीब, परमप्रभु यावे आ रिम्‍शो आल दुम्‍नीनी। मरिम्‍शो नु दूली पाइब मुर आन दातेमी स्‍वर्ग ङा छेङछेङ खोदेंशो दुम्‍नीनी। फिलिप्‍पी १:१०; मत्ती ५:१४; एफिसी ५:८-९

१ तिमोथी 3:12

थमा सुइक्‍ब आन ग्रुम्‍तीके खिंमी गेय पाइब मीश का आ वोंइश दुम्‍चा माल्‍ब। मेकोमी आ आल नु आंम खिं ङा मुर नेल्‍ल आन कली रिम्‍शो पा कोव़ब दुम्‍‍चा माल्‍ब।

१ तिमोथी 3:8

थमा सुइक्‍ब आन ग्रुम्‍तीक खिं ङा गेय पाइबपुकी यो रिम्‍शो मुर बाक्‍चा माल्‍नीम। लोव़ क्‍याल्‍ब, शुश राकसी शांबु तूब नु क्‍येट ला मिम्‍बमी मोदेंशो गेय पने मचाप्‍नीम। प्रेरित ६:३; फिलिप्‍पी १:१

१ तिमोथी 4:3

मेकोमी “ग्‍युंबे पचा मदुम्‍ब, का निक्‍शी थोव़क जचा मदुम्‍ब” दे शेंनीमी। परमप्रभु यावेमी थमा सुइक्‍ब आन कली सेल्‍शा गेशो मेको जचा थोव़क “गे रिम्‍शो पाइब बाक्‍नीनी” दे जचा ब्‍वचा दुम्‍ब। उत्‍पत्ती ९:३; १कोरिन्‍थी १०:३०-३१; कलस्‍सी २:२३

१ तिमोथी 5:10

आ तमी तौ रिम्‍शो पा कोल्‍पाइश्‍शा, मुर आन कली बास बाक्‍चा गेशा, थमा सुइक्‍ब आन खोइली चिक्‍शा, श्‍येत जाइब आन कली वारच पशा, नेल्‍लेमी रिम्‍शो पना पन बाक्‍ब, दे मुरपुकीमी तुइश्‍शो मीश मुर आ नें ला ब्रेक्‍सीब। हिब्रू १३:२; यूहन्‍ना १३:१४

१ तिमोथी 5:22

मुर आन कली ब्रो थिशा, आन तार गुइ वोइश्‍शा, प्रार्थना मपावो। मुर आन मरिम्‍शो पतीकेमी मगरो। मरिम्‍शो रे ङोन बाक्‍को। १तिमोथी ४:१४

१ तिमोथी 5:9

वोंइश बेक्‍शो मीश मुर ६० बर्स दुम्‍ने थुम्‍शा ला, वारच पचा कली आ नें ब्रेक्‍सीब। मेको वोंइश का आ मीश ला दुम्‍चा माल्‍ब।

२ तिमोथी 2:24

प्रभु आ गेय पाइबमी जिचा मदुम्‍ब। नेल्‍ल आन कली रिम्‍शो पाइब दुम्‍चा माल्‍ब। रुप्‍पाइश्‍शा शेंबमी मुर आन मरिम्‍शो पतीके फाल्‍चा माल्‍ब। तीतस १:७-९

तीतस 2:2

गे खाल्‍पा आन कली मार शेंचा माल्‍नेवे देंशा हना, रिम्‍शो मिम्‍ने चाप्‍ब, मान पाइक्‍चा शिरशो मुर, गेय पचा क्‍येङा ङोंइती मिम्‍ब, आन थमा सुइक्‍चा, आन दाक्‍चा नु आन फाल्‍चा ङा सक्ति ठीक दुम्‍शा बाक्‍चा माल्‍नीम, दे शेंचा माल्‍नेवे। १तिमोथी ५:१

हिब्रू 13:2

इन खिंम जाक्‍ब सुइ आन कली जचा बाक्‍चा गेचा मप्रोनीन। मोपा गेशोमी का निक्‍शीमी आन मतुइक्‍थु परमप्रभु यावे आ स्‍वर्ग ङा गेय पाइब आन कली मान पचा ताम्‍तेक्‍म। रोमी १२:१३; १पत्रुस ४:९; ३यूहन्‍ना ५-८; उत्‍पत्ती १८:२-३; उत्‍पत्ती १९:२-३

हिब्रू 3:14

इं ङोंइती नाक्‍त ङा थमा सुइक्‍तीके नोले सम्‍म मप्रोंइतय हना, गो ख्रीस्‍त नु थुं का ङा दुम्‍शा बाक्‍नय। हिब्रू ६:११

१ पत्रुस 4:7

रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। १कोरिन्‍थी १०:११; १यूहन्‍ना २:१८

१ पत्रुस 4:9

मगाइक्‍थु बा‍स गेमुने।

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११