१ तिमोथी 3:15 - Sunuwar Bible15 गो नोले दुम्ती हना, परमप्रभु यावे आ खिं ङा मुरपुकी दोपा बाक्चा माल्नीमी, मेको तुइक्तमेक्ल। मेकोपुकी ब्रोंइचा गेब परमप्रभु यावे आ ग्रुम्तीक खिं ङा मुर बाक्नीम। मेको थमा लोव़ ङा थाम नु बोल्यो हिरशो गारो खोदेंशो बाक्नीम। एफिसी २:१९-२२ အခန်းကိုကြည့်ပါ။ |
१ तिमोथी 3:15
55 ပူးပေါင်းရင်းမြစ်များ
परमप्रभु यावे, इन परमप्रभुमी अस्सुर ङा पिपमी सोइश्शो मेको राब्शाके आ लोव़ नेल्ल नेंना माइ। आ होव़प, अस्सुर ङा पिपमी ब्रोंइशा बाक्शो परमप्रभु कली शुक्शी पथ सोइश्शो बाक्ब। मिनु परमप्रभु यावे, इन परमप्रभुमी आ नेंशो लोव़ आ पर्बम मेको कली हुइक्बा कों। मोपतीके मुल लीशो मुर आन पर्बम प्रार्थना पने’ देंत” देंमा बाक्त। १सामुएल १७:१०; २राजा १८:३५
मिनु ठेयब सेंदा पा “ए गेपुकी, मार पचानी? गो देवता मनस्कु, इन खोदेंशो मुर कका नस्कु। इन कली ग्येरपाइक्ब लोव़ शेंथ जाक्शो नस्कु। मूर्ति पूजा पचा प्रोंइशा, गेना हना यो ब्रोंइशा बाक्ब परमप्रभु यावे गे इन थुं हिरदीने। मेकोमी सरीङ, रागी, समुन्द्र नु मेकेर मार मार बाक्मा, मेको नेल्ल सेल्शो बाक्ब, दे तुइक्तीने। प्रेरित १०:२६
परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्ब परमप्रभु यावे आ खिं बाक्नीकी। मिनु परमप्रभु यावेमी “आं मुर आगाम बाक्नुङ। मेको आन दातेम गाक्नुङ। मेको आन परमप्रभु यावे दुम्नुङ। मिनु मेकोपुकी आं मुर दुम्नीम” देंशो बाक्त। लेवी २६:११-१२; इजीकीएल ३७:२७; १कोरिन्थी ३:१६
इं परमप्रभु यावे कली थमा सुइक्तीके थम ख्रुइश्शो बाक्ब। मेको मार बाक्ब देंशा हना “मेको मुर दुम्शा, रागीमी जरमेसाक्व। परमप्रभु यावे आ सोक्तीमी ‘परमप्रभु यावे आ तौ बाक्ब’ दे सांकछी गेप्तु। परमप्रभु यावे आ स्वर्ग ङा गेय पाइबपुकीमी मेको कली ताम्तेक्म। आ नें मार बाक्बा, दे रागी रागी ङा मुर आन कली शेंताक्मे। रागी रागी ङा मुरपुकीम मेको कली थमा सुइक्तेक्म। मिनु मेको परमप्रभु यावे आ छेङछेङमी लाइक्चा पुंइसाक्व” देंशो बाक्ब। यूहन्ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१
ကြော်ငြာတွေ