१ तिमोथी 3:13 - Sunuwar Bible

¹³ मोदेंशो पाइबमी थमा सुइक्‍ब आन ग्रुम्‍तीकेमी आंम कली रिम्‍शो नें सेल्‍नीमी। ख्रीस्‍त येसु कली आंम थमा सुइक्‍तीके शुश बारपाइक्‍नीमी।

१ तिमोथी 3:13 ပူးပေါင်းရင်းမြစ်များ

मत्ती 20:28

रागीम जरमेशो मान पपांइसीचा कली जाक्‍शो ममाइ। तन्‍न गेय पथ नु शुश मुर आन कली प्रोंइचा कली आ गिंम सोइक्‍थ जाक्‍शो बाक्‍ब” दे माइक्‍तीमी। फिलिप्‍पी २:७; १पत्रुस १:१८-१९

मत्ती 25:21

आ होव़पमी ‘रिम्‍शो पाप्‍तीवी। थमा सुइक्‍चा पुंइसीशो बाक्‍ते। इच्‍ची खोइ तशोमी शुश सेल्‍शा, रिम्‍शो गेय पाप्‍तीवी। मोपतीके शुश अधिकार गेनन। ग्‍येरसीशा बाक्‍स’ देंब। मत्ती २४:४५-४७

लूका 19:17

‘गे रिम्‍शो गेय पाइब बाक्‍ते, आइक्‍च गेयमी रिम्‍शो पाप्‍तीवी। मोपतीके १० ओटा सहर कली अधिकार पाइब सेल्‍नन’ देंमाक्‍त। लूका १६:१०

प्रेरित 21:35

मिनु सिपाही आन बाक्‍तीके जाक्‍दीश्‍शा, पावल कली कुरशा, तला तारी लदमे बाक्‍त।

प्रेरित 6:15

कछडीम बाक्‍बपुकीमी स्‍तीफानस गे कोव़ङमेनु, आ कुल परमप्रभु यावे आ स्‍वर्ग ङा गेय पाइब आन कुल खोदेंशो पा महिंथु बाक्‍शो तामे बाक्‍त। मिनु कोव़स ङा कोव़स दुम्‍मा बाक्‍त।

प्रेरित 6:5

सोइश्‍शो आन लोव़ नेंशा नेल्‍ल आन थुं नुशा, ७ जना मुर आन कली योव़चा बिस्‍समा बाक्‍त। मिनु सु सु आन कली योव़ङमे बाक्‍त देंशा हना, रिम्‍शो थमा सुइक्‍ब परमप्रभु यावे आ सोक्‍तीम ब्रीशो स्‍तीफानस, फिलीप, प्रोकोरस, निकानोर, तीमोन, परमीनास नु एन्‍टीओक ङा निकोलाउस आन कली योव़ङमे बाक्‍त। निकोलाउस चहिं अर्को रागी ङा मुर बाक्‍शा यो यहूदी दुम्‍शो बाक्‍माक्‍त। प्रेरित ८:५

प्रेरित 6:8

मिनु स्‍तीफानस चहिं परमप्रभुमी शुश शिशी नु सक्ति गेचा पुंइसीशो बाक्‍माक्‍त। मोपतीके मुर आन कली शुश चिन्‍ड नु छक लाक्‍चा ङा गेय नु चिनु कोंइशा बाक्‍बाक्‍माक्‍त।

१ कोरिन्‍थी 16:15

आं लोक्‍बपुकी, आकाया रागीम नेल्‍ल क्‍येङा ङोंइती थमा सुइक्‍बपुकी स्‍तीफानस नु आ खिं ङा मुर बाक्‍तेक्‍म दे तुइक्‍नीनी। मेकोपुकीमी थमा सुइक्‍ब आन कली वारच पा रिम्‍शो गेय पा शेंना शेंन गाक्‍नीम। १कोरिन्‍थी १:१६

फिलिप्‍पी 1:14

मिनु प्रभु कली थमा सुइक्‍ब लोक्‍ब शुशेमी आं कली जेल्‍खानमी बाक्‍शो तशा, प्रभु कली थमा सुइक्‍तीक बारपा महिंथु, परमप्रभु यावे आ लोव़ पाइनीम।

१ थिस्‍सलोनिकी 2:2

गोपुकी ङोंइती फिलिप्‍पी सहरमी श्‍येत जशा, मुरपुकीमी आंइ कली शुक्‍शी पाम्‍तेक्‍म, दे तुइक्‍नीनी। शुश शुक्‍शी पाम्‍तेक्‍म हना यो, परमप्रभु यावेमी आंइ कली वारच पाइब, दे थमा सुइश्‍शा, परमप्रभु यावे आ ग्‍येरपाइक्‍ब लोव़ इन कली शेंताक्‍क। प्रेरित १६:२०-२४; प्रेरित १७:१-५

१ तिमोथी 3:14

गो इ कली रीब पा ग्रुम्‍नुङ, दे आस पाइनुङ। मिनु इ कली ओदेंशो अरेतीक लोव़ मारदे ब्रेक्‍ताक्‍ङ देंशा हना,

२ तिमोथी 2:1

आं तौ, गे ख्रीस्‍त येसुमी बाक्‍शो शिशी मिम्‍शा, बोल्‍यो दुम्‍शा बाक्‍को। एफिसी ६:१०

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४