१ तिमोथी 3:10 - Sunuwar Bible

¹⁰ ङोंइती गे मेको आन थुं कोव़चा माल्‍नेवे। मिनु शुश रिम्‍शो पाइब बाक्‍ब, दे तुइश्‍शा ला थमा सुइक्‍ब आन ग्रुम्‍तीके खिंमी गेय पचा कली वोइक्‍ने चाप्‍नेवे।

१ तिमोथी 3:10 ပူးပေါင်းရင်းမြစ်များ

१ कोरिन्‍थी 1:8

इं प्रभु येसु ख्रीस्‍त जाक्‍म नाक्‍ती आ ङोंइती ठीक दुम्‍शा, इन कली सक्ति पाइश्‍शो गेय पना पन थिप्‍ब, दे तुइक्‍ताक्‍ङ। मारदे हना इन कली नेल्‍ल क्‍येङा नोले सम्‍म थमा सुइक्‍चा मप्रोंइथु रिम्‍शा बाक्‍तीक सक्ति गेब। फिलिप्‍पी १:६; १थिस्‍सलोनिकी ३:१३

कलस्‍सी 1:22

मुल येसु ख्रीस्‍तमी आ रां साइक्‍चा गेशा, इन कली परमप्रभु यावे आ मुर दुम्‍पाइक्‍तु। मोपा इन कली दोस मताइब, काइ हेंथे मपाइब, परमप्रभु यावे आ मुर सेल्‍शा, आ ङोंइती राप्‍पाइक्‍तु। एफिसी ५:२७

१ तिमोथी 3:13

मोदेंशो पाइबमी थमा सुइक्‍ब आन ग्रुम्‍तीकेमी आंम कली रिम्‍शो नें सेल्‍नीमी। ख्रीस्‍त येसु कली आंम थमा सुइक्‍तीके शुश बारपाइक्‍नीमी।

१ तिमोथी 3:2

थमा सुइक्‍ब आन कली कोव़ब काइ दोस गेचा मपुंइसीशो बाक्‍चा माल्‍ब। मीश का के ला वोंइश बाक्‍चा माल्‍ब। गेय पचा ङोंइती मिम्‍ब, आ गेय नेल्‍ल कली रिम्‍शो पाइब, मुर आन कली बास गेब नु रिम्‍शो शेंब बाक्‍चा माल्‍ब।

१ तिमोथी 3:6

थमा सुइक्‍चा नक गोशो मुर थमा सुइक्‍ब आन कली कोव़ब दुम्‍ने मचाप्‍ब। मारदे हना मेको बोरशा ठेयब लेश्‍शो दुम्‍ब। मिनु सैतानमी मेको कली रेश्‍शा, खतम सेल्‍‍ब।

१ तिमोथी 5:22

मुर आन कली ब्रो थिशा, आन तार गुइ वोइश्‍शा, प्रार्थना मपावो। मुर आन मरिम्‍शो पतीकेमी मगरो। मरिम्‍शो रे ङोन बाक्‍को। १तिमोथी ४:१४

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५