१ तिमोथी 2:1 - Sunuwar Bible

¹ आं के नेल्‍ल क्‍येङा ठेयब अरेशो लोव़ मार बाक्‍ब देंशा हना, परमप्रभु यावे नु बाक्‍शा, मेको नु लोव़ पचा नु नेल्‍ल मुर आन पर्बम पुंइना पुंइन बाक्‍चा माल्‍नय। मेको आन पर्बम “गे मेको आन कली रिम्‍शो पाइतीनी” दे परमप्रभु यावे कली ठेयब सेल्‍चा माल्‍नय।

१ तिमोथी 2:1 ပူးပေါင်းရင်းမြစ်များ

एज्रा 6:10

मिनु मेकोपुकीमी स्‍वर्ग ङा परमप्रभु आ दाक्‍चा ङा पा चढ़ेने चाप्‍नीम। मिनु पिप नु आ तौपुकी शुश ब्रोंइशा बाक्‍ने चाप्‍मेक्‍ल, दे परमप्रभु कली पुंइनीम।

भजन संग्रह 72:19

मेको आ नें गेना हना यो ठेयब बाक्‍ब। रागी नेल्‍ल आ सक्तिमी ब्रील। आमेन, मेको थमा बाक्‍ब। यसैया ६:३

येरमीया 29:7

गो इन कली ग्‍याइश्‍शा लाइक्‍पाइश्‍शो सहर कली रिम्‍शो मिम्‍तीन। मिनु मेको आ पर्बम परमप्रभु यावे कली पुनीन। मारदे हना मेको कली रिम्‍शो दुम्‍चा इन कली यो रिम्‍शो दुम्‍चा बाक्‍ब” देंशो बाक्‍त।

प्रेरित 17:30

मुल सम्‍म गे मतुइक्‍तीनी। मिनु मतुइक्‍थु देवता आन कली सेउ पाइबाक्‍तीनी। मतुइक्‍थु मो पशो तुइश्‍शा, परमप्रभु यावेमी इन कली दोस मगेब। मुल चहिं परमप्रभुमी मुर नेल्‍ल आन कली ‘इन थुं आं गे लेत्‍तीन’ दे ब्रेप्‍ब। प्रेरित १४:१६; लूका २४:४७

रोमी 1:8

गेपुकीमी येसु ख्रीस्‍त कली थमा सुइश्‍शो नेल्‍लेमी तुइक्‍नीम। मिनु गो आं परमप्रभु यावे कली “रोम सहरम बाक्‍ब आन कली रिम्‍शो पाइतीनी” दे ठेयब सेल्‍नुङ। रोमी १६:१९

रोमी 6:17

इन पर्बम परमप्रभु यावे कली “मेको आन कली रिम्‍शो पाइतीनी” दे ठेयब सेल्‍नुङ। मारदे हना ङोंइती गेपुकी पाप आ वाइल बाक्‍तीनी। मुल चहिं इन थुं रे पा परमप्रभु यावे आ शेंशो दाक्‍शा टीतीनी।

१ कोरिन्‍थी 15:3

मारदे हना आं ख्रीस्‍त रे त‍शो ठेयब लोव़ इन कली शेंताक्‍न्‍नी। दोदेंशो लोव़ बाक्‍ब देंशा हना, परमप्रभु यावे आ लोव़मी ब्रेक्‍शो खोदेंशो पा ख्रीस्‍त इं पाप आ पर्बम साइक्‍चा पुंइसाक्‍व। यसैया ५३:१२

२ कोरिन्‍थी 8:6

ङोंइती तीतसमी इन कली क्‍येट पोक्‍पाइक्‍तु। मुल गो तीतस कली “इन क्‍येट पोक्‍तीके, रिम्‍शो गेय, थुमीन” दे अरेतक।

एफिसी 3:13

इन पर्बम गो श्‍येत जशो बाक्‍नुङ। मेको इन कली रिम्‍शो दुम्‍ब। मोपतीके आं कली श्‍येत जशो तशा महिनीन। कलस्‍सी १:२४

एफिसी 5:20

मिनु गेपुकीमी मार दुम्‍त हना यो, गेना हना यो इं आफ परमप्रभु यावे कली “गे रिम्‍शो पाइतीनी” दे प्रभु येसु ख्रीस्‍त आ नेंमी देंचा माल्‍नीनी। थिस्‍सलोनिकी ५:१८

एफिसी 6:18

मिनु गेपुकीमी गेना हना यो परमप्रभु यावे आ सोक्‍तीमी पतीके परमप्रभु यावे नु लोव़ पशा पुनीन। पुंइचा मदथु, परमप्रभु यावे आ मुर नेल्‍ल आन पर्बम पुनीन।

फिलिप्‍पी 1:3

गो इन कली मिम्‍शा, आं परमप्रभु यावे कली “गे रिम्‍शो पाइतीनी” देंनुङ। रोमी १:८; १कोरिन्‍थी १:४

फिलिप्‍पी 4:6

सुर्ता मपने। परमप्रभु यावे नु लोव़ पा, इन माल्‍शो पुंइशा “गे रिम्‍शो पाइब बाक्‍नीनी” दे परमप्रभु यावे कली देनीन। मत्ती ६:२५-३४; १पत्रुस ५:७

१ थिस्‍सलोनिकी 3:12

गोपुकीमी इन कली शुश दाक्‍शो खोदेंशो पा प्रभुमी इन दाक्‍चा शुश बारपाइश्‍शा, दाक्‍मुचा नु अरु आन कली यो दाक्‍ब दुमीन।

२ थिस्‍सलोनिकी 1:3

आंइ लोक्‍बपुकी, इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंचा ठीक बाक्‍ब। मारदे हना इन थमा सुइक्‍तीके हु बारशा, इन दाक्‍मुतीक यो बारना बारन लाइब। १थिस्‍सलोनिकी १:२-३

१ तिमोथी 2:4

परमप्रभु यावेमी नेल्‍ल मुर आन कली मरिम्‍शो गेय रे प्रोंइश्‍शा, थमा लोव़ तुइक्‍पाइक्‍चा दाक्‍ब। इजीकीएल १८:२३; रोमी ११:३२; २पत्रुस ३:९

१ तिमोथी 5:5

आ वोंइश बेक्‍शो मीश मुर रिम्‍शो बाक्‍त हना, परमप्रभु यावे कली ला मिम्‍ब। मेकोमी नाक्‍दो नाक्‍त प्रार्थना पा पुंइना पुंइन बाक्‍ब। लूका २:३७

२ तिमोथी 2:24

प्रभु आ गेय पाइबमी जिचा मदुम्‍ब। नेल्‍ल आन कली रिम्‍शो पाइब दुम्‍चा माल्‍ब। रुप्‍पाइश्‍शा शेंबमी मुर आन मरिम्‍शो पतीके फाल्‍चा माल्‍ब। तीतस १:७-९

तीतस 2:11

परमप्रभु यावे आ शिशी मुर नेल्‍ल आन कली पाप रे प्रोंइचा कली तपांइसाक्‍व। तीतस ३:४

तीतस 3:2

मिनु सुइ आन पर्बम काइ शुक्‍शी मपचा, जिचा मपोक्‍चा, मुर आन कली रिम्‍शो पा फाल्‍चा, ठेयब मलेत्‍थु, मुर आन कली वारच पचा माल्‍नीम। फिलिप्‍पी ४:५

हिब्रू 6:11

गे नेल्‍लेमी नेल्‍ल क्‍येङा नोले सम्‍म “परमप्रभु यावे आ देंशो नेल्‍ल जाक्‍दीप्‍ब” दे थमा सुइक्‍चा मप्रोंइतीक सक्ति तने, दे मिम्‍नीकी। हिब्रू ३:१४; फिलिप्‍पी १:६

याकूब 5:16

मोपतीके रोइ सापाइक्‍चा कली इन पशो पाप शोव़मुशा, प्रभु नु लोव़ पमुने। ठीक थमा सुइक्‍ब आन पुंइशो लोव़मी ठेयब गेय पाइब। प्रेरित १२:५