१ तिमोथी 1:9 - Sunuwar Bible

⁹ ठीक पाइब आन कली मब्रेक्‍शो बाक्‍ब, दे यो तुइक्‍नय। तन्‍न परमप्रभु यावे आ अरेशो लोव़ मपाइब, मटीब, परमप्रभु कली ममिम्‍ब नु मरिम्‍शो पाइब आन कली ब्रेक्‍शो बाक्‍ब। परमप्रभु यावे रे ङोन बाक्‍ब, रागी कली ला मिम्‍ब, आम आफ कली साइक्‍ब, आंम ममा कली साइक्‍ब नु मुर आन कली साइक्‍ब आन कली ब्रेक्‍शो बाक्‍ब। १कोरिन्‍थी ६:९-११

१ तिमोथी 1:9 ပူးပေါင်းရင်းမြစ်များ

२ सामुएल 16:11

मिनु दाऊदम अबीशै नु आ गेय पाइब नेल्‍ल आन कली “आं तौमी आं कली साइक्‍चा माल्‍ब हना, मेरे बेन्‍‍यामीन आ थर ङा मुर के मार लोव़ पचा ङा? मेरे कली प्रोनीन। मेरेमी सराप पवल। मारदे हना परमप्रभु यावेमीन मेरे कली सराप पचा गेशो बाक्‍म माइ।

२ राजा 19:37

मिनु मेको काबु आ देवता निस्रोक आ खिंमी पूजा पना पन बाक्‍मेनु, मेको आ तौ अद्राम्‍मेलेक नु शरेसेरमी मेको कली तरवारम क्‍योरशा सदसे बाक्‍त। मिनु प्रोक्‍शा आरारात रागी लसा बाक्‍त। मिनु मेको आ पा ङा आ तौ एसर-हददोन पिप दुम्‍माक्‍त। २राजा १९:७

२ इतिहास 32:21

मिनु परमप्रभु यावेम आ स्‍वर्ग ङा गेय पाइब का अस्‍सुर ङा पिप आ बाक्‍तीकेम सोइश्‍शा, आ बोल्‍यो लडाइ पाइबपुकी, आ कप्‍तानपुकी नु आ ठेयब मुरपुकी नेल्‍ल साइक्‍पदा बाक्‍त। मिनु सन्‍हेरीब मुने दोक्‍शा आ रागी लेम्‍माक्‍त। मिनु मेको आ देवता थान ओव़मेनु, आ तौ का निक्‍शीमी तरवारम क्‍योरशा सदमे बाक्‍त।

प्रस्‍थान 20:13

मुर मसतीन। प्रस्‍थान २१:१२; उत्‍पत्ती ९:५-६; याकूब २:१०-११

प्रस्‍थान 21:14

तन्‍न मुर कामी अरु कली ‘गो साइक्‍नुङ’ दे मेको कली साइक्‍तु हना, मेको मुर कली आं चढ़ेतीक रे लाइश्‍शा, साइक्‍चा माल्‍ब। १राजा २:२९-३०

हितोपदेस 20:20

सुम आ आम आफ आस कली सराप पाइबा, मेको आ बत्ती नेल्‍ल क्‍येङा छिङछिङमी काप्‍ब। हितोपदेस ३०:१७; प्रस्‍थान २१:१७

हितोपदेस 28:17

सुमी मुर साइक्‍बा, मेको मबेक्‍म सम्‍म प्रोक्‍शा गाक्‍चा माल्‍ब। सुइमी यो मेको कली वारच मपामेक्‍ल। उत्‍पत्ती ४:१४

हितोपदेस 28:24

सुमी आ आम आफ आस मार मार रोइश्‍शा “आं शोंप बाक्‍ब” देंबा, मेको खतम पोक्‍ब आ वारच बाक्‍ब। मत्ती १५:५

हितोपदेस 30:11

का निक्‍शी मुरुमी आन आफ कली सराप पाइनीम। मिनु आन आम कली आसीक मगेनीम।

हितोपदेस 30:17

आफ कली शुक्‍शी पाइब नु आम कली मटीब मुर आन मिक्‍च खदीमी कोक्‍शा ग्रुंइनीम। मिनु गिदपुकीमी ब्‍वाइ‍नीम। हितोपदेस २०:२०

येरमीया 23:11

परमप्रभु यावेमी “आं लोव़ पाइब नु चढ़ेब नेल्‍ल आं कली ममानेब दुम्‍तेक्‍म। मेकोपुकीमी आं खिंमी यो आं अरेशो लोव़ मटीनीम। येरमीया ५:३१

इजीकीएल 21:25

गे काइ मरिम्‍शो नु आं अरेशो लोव़ मटीब इस्राएल ङा सासन पाइब इ नाक्‍त जाक्‍त। इ नोले ङा सजाइ ततीक नाक्‍त जाक्‍त।

लेवी 20:9

सुमी आ आंम आफ आस कली सराप पाइक्‍बा, मेको मुर कली साइक्‍चा माल्‍ब। आ आंम आफ आस कली सराप पाइक्‍तीके साइक्‍चा पुंइसीब। प्रस्‍थान २१:१७

मत्ती 10:21

लोक्‍बमी आ लोक्‍ब कली साइक्‍पाइक्‍चा गेब। आफोमी तमी तौ आन कली नु तमी तौपुकीमी यो आम आफ कली मरिम्‍शो पा साइक्‍पाइक्‍नीम। मीका ७:६

रोमी 1:30

मुर आन कली शुक्‍शी पाम्‍तेक्‍मे, परमप्रभु यावे कली काइ मदाक्‍थु, आइक्‍च सेल्‍‍तेक्‍मे, शुश तुम्‍मुम्‍तेक्‍मे, ठेयब लेत्‍तेक्‍मे, बोरतेक्‍मे। मारेइ मारेइ मरिम्‍शो पचा ला मिम्‍ताक्‍मे, आम आफ कली मटीमे,

रोमी 4:13

परमप्रभु यावेमी अब्राहाम कली अरेशो लोव़ टितीके लोव़ मगेशो बाक्‍त। तन्‍न थमा सुइश्‍शो तशा “इ चच युइ शुश दुम्‍शा, रागी नेल्‍ल ब्रीनीम” दे लोव़ गेशो बाक्‍त। उत्‍पत्ती २२:१७-१८

रोमी 5:20

परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९

रोमी 6:14

पापमी इन कली मारेइ पपाइक्‍ने मचाप्‍ब, मारदे हना परमप्रभु यावे आ अरेशो लोव़मी इन कली दोसी मसेल्‍थु, परमप्रभु यावेमी शिशी पाइक्‍चा पुंइसाक्‍नी। रोमी ७:४-६; १यूहन्‍ना ३:६; रोमी ५:१७,२१

गलाती 3:19

अरेशो लोव़ शोर गाक्‍शो मदुम्‍बा ङा? नेनीन, परमप्रभु यावेमी अब्राहाम कली गेशो लोव़ खाप्‍ब, दे तुइक्‍नय। मेको युइ मजरमेथु, परमप्रभु यावे आ अरेशो लोव़ रे पा पाप माइश्‍शो मार में, दे तुंइ‍सीशो बाक्‍त। मेको लोव़ परमप्रभु यावे आ स्‍वर्ग ङा गेय पाइबमी गारपाइक्‍ब का आ गुइमी गेशा, मुर आन कली तुइक्‍पदा बाक्‍त। रोमी ५:२०; प्रेरित ७:३८,५३; हिब्रू २:२; ब्‍यवस्‍था ५:५

गलाती 5:18

परमप्रभु यावे आ सोक्‍तीमी चहिं इन कली गेय पपाइक्‍तु हना, रिम्‍शो पाइनीनी, अरेशो लोव़ मटीब यो मदुम्‍नीनी।

गलाती 5:21

गेहे पाइनीमी, तूशा दुक्‍शा हेंथे पाइनीमी, शुश जाइनीमी। मारेइ मारेइ मरिम्‍शो पशा गाक्‍नीम। साइ गोमी मोदेंशो गेय पाइबपुकी परमप्रभु यावे आ राज्‍य ओव़चा मताइनीम, दे शेंताक्‍न्‍नी। मुल लेंशा मिम्‍पाइक्‍तन्‍नी। एफिसी ५:५; प्रकाश २२:१५

गलाती 5:23

ब्रेम्‍शो दुम्‍नीमी नु आंम कली चलेस जोक्‍नीमी। मोदेंशो पाइब मुर कली परमप्रभु यावे आ अरेशो लोव़मी मारेइ मपाइब। १तिमोथी १:९

ब्‍यवस्‍था 27:16

मिनु “सु मुरुमी आंम आम आफ कली मान मपाइब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २१:१७

२ थिस्‍सलोनिकी 2:8

नेल्‍ल क्‍येङा मरिम्‍शो पाइब ग्रूचा तवा नोले, प्रभु येसुमी आ जाक्‍शो नु आ मुइश्‍शोमी साइक्‍ब। यसैया ११:४; प्रकाश १९:१५,२०

१ तिमोथी 4:7

तन्‍न मुरुमी सेल्‍शो नु मरिम्‍शो कथापुकी मनेनो। परमप्रभु यावे कली मिम्‍शा दाक्‍शा बाक्‍को। १तिमोथी ६:२०; २तिमोथी २:१६,२३; २तिमोथी ४:४; तीतस १:१४; तीतस ३:९

१ तिमोथी 6:20

तिमोथी, इ कली शेंशो लोव़ रिम्‍शो पा पावो। जाम्‍शा लाइब लोव़ नु जिचा पोक्‍तीक लोव़, तुइक्‍ब थुं रे पीब देंखु पाइनीम। मेको रे ङोन बाक्‍को। २तिमोथी १:१२-१४; १तिमोथी ४:७

२ तिमोथी 2:16

जाम्‍शा लाइब लोव़ पाइब रे ङोन बाक्‍को। मारदे हना मेकोपुकीमी मुर आन कली परमप्रभु यावे रे ङोन दुम्‍पाइक्‍नीम। १तिमोथी ४:७

२ तिमोथी 3:2

मारदे हना मुरपुकीमी आंम कली ला दाक्‍नीम। क्‍येट कली शुश दाक्‍नीम। ठेयब लेश्‍शा, अरु नेल्‍ल आन कली दिप्‍नीम। मरिम्‍शो लोव़ पाइनीम। आम आफ कली मटिथु “गे रिम्‍शो पाइतीनी” गेनायो मदेंथु, पापम ग्रुम्‍शा बाक्‍नीम।

तीतस 1:10

परमप्रभु यावे आ शें‍शो लोव़ मटीबपुकी शुश बाक्‍नीमी। शोर गाक्‍‍शो लोव़ पाइब नु हेंथे लां शेंब बाक्‍नीम। मेको शुश ख्रोइक्‍तीक चिनु पाइश्‍शो इस्राएली बाक्‍नीम।

तीतस 1:16

मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५

तीतस 1:6

मिनु ग्रुम्‍तीक खिं ङा शेंब खाल्‍पापुकी सु सु दुम्‍ने चाप्‍नीमी देंशा हना, काइ दोस गेचा मपुंइसीब नु मीश का ला पाइश्‍शो वोंइश मुर बाक्‍चा माल्‍ब। मेको आ तमी तौ थमा सुइक्‍ब बाक्‍चा माल्‍नीम। हेंथे गाक्‍ब नु मटीब आल आन आफ ग्रुम्‍तीक खिं ङा शेंब खाल्‍पा दुम्‍ने मचाप्‍नीम। १तिमोथी ३:१-७

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३

हिब्रू 11:31

ङोंइती राहाब तेल्‍लेममी मोसाम सोइश्‍शो क्‍यारी पाइब आन कली जतीक बाक्‍तीक गेशा मान पशो बाक्‍माक्‍त। मिनु आन देंशो लोव़ थमा सुइक्‍तीके मटीब नेल्‍ल नु मबेक्‍थु, ब्रोंइचा तवा बाक्‍त। याकूब २:२५

हिब्रू 12:16

सुइ एसाव खोदेंशो मरिम्‍शो मदुम्‍ल। एसावमी काले आ कोव़ज प्रिंचा कली ङोंइती जरमेशो तौमी तचा ङा शोंप नु आसीक आ लोक्‍ब कली प्रोना बाक्‍त। उत्‍पत्ती २५:३३-३४

१ पत्रुस 2:7

मोपतीके थमा सुइक्‍बपुकीमी मेको कली दाक्‍नीम। तन्‍न थमा मसुइक्‍ब खिं सेल्‍बपुकीमी मेको फुल्‍लु कली ताइश्‍शो बाक्‍तेक्‍म। तन्‍न मेको सुर ङा फुल्‍लु दुम्‍त।

१ पत्रुस 3:20

मेको सु बाक्‍तेक्‍म देंशा हना, साइ ङोंइती नोआहमी ठेयब डोंगा सेलानु, परमप्रभु यावेमी रिम्‍ना रिम्‍न बाक्‍शो बाक्‍त। तन्‍न परमप्रभु यावे कली काइ मटीब, नोआह आ पाला ङा बेक्‍शो मुर बाक्‍तेक्‍म। ८ जना मुर चहिं नोआह आ सेल्‍शो डोंगामी बाक्‍शा, ब्‍वाक्‍कु रे ब्रोंइचा ताम्‍तेक्‍म। उत्‍पत्ती ७:७; २पत्रुस २:५

१ पत्रुस 4:18

मिनु ठीक पाइब मुरपुकी हेरा ब्रोंइचा मताइब दुम्‍तेक्‍म हना, थमा मसुइक्‍ब नु मरिम्‍शो पाइबपुकी दोदेंशो दुम्‍नीमी? हितोपदेस ११:३१

यहूदा 1:15

परमप्रभु यावे कली मटीब नेल्‍ल आन कली आन थमा मसुइक्‍तीकेमी पशो मटितीके तपाइक्‍नीम। परमप्रभु यावे रे ङोन बाक्‍ब पापीपुकीम परमप्रभु यावे कली मार मार मरिम्‍शो लोव़ पामे, मेको आन कली निसाफ पशा, सजाइ गेचा, दे जाक्‍तेक्‍म” दे लोव़ पवा बाक्‍त।

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०