१ तिमोथी 1:7 - Sunuwar Bible

⁷ मेकोपुकीमी परमप्रभु यावे आ अरेशो लोव़ शेंब दुम्‍चा दाक्‍नीम, तन्‍न आंम देंशो लोव़ नु आंम शेंशो आंमान मरुप्‍ब बाक्‍नीम।

१ तिमोथी 1:7 ပူးပေါင်းရင်းမြစ်များ

मत्ती 15:14

मेकोपुकीमी मारेइ पामेक्‍ल। मिक्‍च मताइब लां कोंइब नम। मिक्‍च मताइबमी मिक्‍च मताइब कली कीशा लां कोंइताक्‍व हना, निम्‍फा खाल्‍टाम बिक्‍नीस” देंत। मत्ती २३:२४; लूका ६:३९; रोमी २:१९

मत्ती 21:27

मोपतीके “मतुइक्‍नीकी” देंतेक्‍म। मिनु येसुमी “मो हना तेको अधिकारमी एको गेय पङा, गो यो मशेंनन्‍नी।

लूका 2:46

नाक्‍दो नाक्‍ती सां सम्‍म माल्‍ना माल्‍न गाक्‍सा नोले परमप्रभु यावे आ खिंम थित्‍से बाक्‍त। मेको परमप्रभु यावे आ लोव़ शेंबपुकी नु बाक्‍शा, आन लोव़ नेंशा, मेको आन कली लोव़ हिल्‍लो पना पन बाक्‍शो ताम्‍से बाक्‍त।

प्रेरित 15:1

मिनु नोले यहूदीया रागी रे मुरपुकी यिशा, एन्‍टीओकमी जाक्‍मा बाक्‍त। मेकोपुकीमी “साइ मोसामी देंशो ख्रोइक्‍तीक चिनु ख्रोइक्‍चा माल्‍ब। मपाइतीनी हना, पाप रे ब्रोंइचा मताइनीनी” दे शेंबाक्‍मा बाक्‍त। गलाती ५:२

रोमी 1:22

मजोक्‍थु यो ठेयब लेश्‍शा बोरशा “गो शुश जोक्‍ब ठेयब नकी” देंतेक्‍म। मोपा मूर्ख दुम्‍तेक्‍म। १कोरिन्‍थी १:२०

गलाती 3:2

मुल लोव़ का निक्‍शी हिल्‍लो पाइक्‍नन्‍नी। परमप्रभु यावे आ सोक्‍त दोपा तनी? यहूदी आन पतीक पशोमी तनी देय ख्रीस्‍त आ लोव़ थमा सुइश्‍शोमी तनी? लो देनीन।

गलाती 3:5

परमप्रभु यावेमी इन कली आ सोक्‍त गेशा, छक लाक्‍चा ङा गेय कोंइताक्‍व। यहूदी आन पतीक पशो तशा, मोदेंशो छक लाक्‍चा ङा गेय कोंइदा ङा? ख्रीस्‍त कली थमा सुइश्‍शो तशा, कका छक लाक्‍चा ङा गेय कोंइताक्‍व।

गलाती 4:21

गे रिती थिती पचा दाक्‍बपुकी, अरेशो लोव़मी मार ब्रेक्‍शो बाक्‍बा, मेको तुइक्‍नीनी?

१ तिमोथी 6:4

मेको अरु लोव़ शेंब ठेयब लेश्‍शो मारेइ मजोक्‍ब बाक्‍नीम। आन लोव़ ला आ तार पशा, जिचा पोक्‍चा माल्‍नीम। मेकोपुकीमी गेहे पाइब, जीब, मरिम्‍शो लोव़ पाइब नु मरिम्‍शो मिम्‍ब सेल्‍नीम। २तिमोथी २:१४; तीतस ३:१०-११

२ तिमोथी 3:7

मेको मीश मुरपुकीमी सु आन लोव़ नेंतेक्‍म हना यो, थमा शेंतीक गेनायो रुम्‍ने मचाप्‍नीम।

याकूब 3:1

आं लोक्‍बपुकी, शुश शेंब मुर मदुमीन। मारदे हना परमप्रभुमी मेको शेंसीब आन क्‍येङा शेंब आन कली शुश कोव़शा, आन लोव़ नेंशा, निसाफ पाइब।

२ पत्रुस 2:12

मेको दूली शेंब ममिम्‍ब ग्‍याइक्‍चा नु साइक्‍चा पुंइसीचा कली जरमेशो बस्‍तु भाव खोदेंशो पा, आन तुइश्‍शो ला पाइनीम। मेकोपुकीम काइ मरुप्‍नीम। तन्‍न शुक्‍शी पाइनीम। मिनु बस्‍तु भाव खोदेंशो पा खतम दुम्‍नीम।