१ तिमोथी 1:4 - Sunuwar Bible

⁴ मेकोपुकीमी मुरुमी सेल्‍शो लाइश्‍शो कथा नु किकी पिपी आन पर्बम शेंना शेंन बाक्‍नीम। मोदेंशो शेंतीके काम मलाप्‍चा ङा बाक्‍शा, परमप्रभु यावे आ शेंशो थमा सुइक्‍तीके मबारपाइक्‍ब। १तिमोथी ४:७

१ तिमोथी 1:4 ပူးပေါင်းရင်းမြစ်များ

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

एफिसी 3:2

परमप्रभु यावेमी “अर्को मुर आन कली आं शिशी आ पर्बम शेंदो” दे आं कली गेय पाइब सेल्‍ती। गेपुकीम एको लोव़ नेंशो बाक्‍नी माइ, दे मिम्‍नुङ। गलाती २:७

१ तिमोथी 3:16

इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१

१ तिमोथी 4:7

तन्‍न मुरुमी सेल्‍शो नु मरिम्‍शो कथापुकी मनेनो। परमप्रभु यावे कली मिम्‍शा दाक्‍शा बाक्‍को। १तिमोथी ६:२०; २तिमोथी २:१६,२३; २तिमोथी ४:४; तीतस १:१४; तीतस ३:९

१ तिमोथी 6:11

मोपतीके गे परमप्रभु यावे आ मुर दुम्‍शा, मेको नेल्‍ल रे ङोन बाक्‍को। ठीक पतीके, परमप्रभु यावे कली मिम्‍शा दाक्‍चा, थमा सुइक्‍चा, मुर आन कली दाक्‍चा, थमा सुइक्‍चा मप्रोंइचा नु ब्रेम्‍शो दुम्‍चा ला मिम्‍तो। २तिमोथी ३:१७; २तिमोथी २:२२

१ तिमोथी 6:20

तिमोथी, इ कली शेंशो लोव़ रिम्‍शो पा पावो। जाम्‍शा लाइब लोव़ नु जिचा पोक्‍तीक लोव़, तुइक्‍ब थुं रे पीब देंखु पाइनीम। मेको रे ङोन बाक्‍को। २तिमोथी १:१२-१४; १तिमोथी ४:७

२ तिमोथी 2:14

एको लोव़ मेको आन कली फ्रुक्‍पाइक्‍मी। परमप्रभु यावे आ ङोंइती मेको आन कली “लोव़ आ पर्बम मजिने” दे माइक्‍मी। मारदे हना मेको मरिम्‍शो दुम्‍ब, नेंबपुकी यो वाम ग्‍याम दुम्‍नीम। १तिमोथी ६:४; तीतस ३:९

२ तिमोथी 2:22

ठिटी ठिटा आन दला दाक्‍स रे ङोन बाक्‍को। रिम्‍शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्‍चा, दाक्‍चा नु थुं नाइक्‍चा ला मिम्‍तो। १तिमोथी ४:१२; १तिमोथी ६:११; हिब्रू १२:१४

२ तिमोथी 2:23

हिक्‍सी मङाम्‍शो लोव़ पाइब नु काम मलाप्‍चा ङा लोव़ पा जितीके रे ङोन बाक्‍को। मेको जिचा पोक्‍ब ला बाक्‍नीम दे तुइक्‍नेवे। १तिमोथी ४:७

२ तिमोथी 4:4

मेना थमा शेंतीक प्रोंइशा, मुर आन सेल्‍शो कथा नेंनीम। १तिमोथी ४:७; २थिस्‍सलोनिकी २:११

तीतस 1:1

गो परमप्रभु यावे आ वाइल नु येसु ख्रीस्‍त आ सोइश्‍शो, थमा सुइक्‍ब पावल नङ। परमप्रभु यावे आ योव़शो मुर आन कली थमा सुइक्‍चा आ पर्बम शेंतीक नु मेको तुइश्‍शो रे रिम्‍शो गेय पचा माल्‍ब, दे शेंब दुम्‍ती।

तीतस 1:14

मिनु थमा सुइक्‍बपुकीमी यहूदी आन कथा नु मुरुम सेल्‍शो अरेशो लोव़ नेंचा मदुम्‍ब। मेको थमा लां प्रोंइब बाक्‍नीम। १तिमोथी ४:७; २तिमोथी ४:४

तीतस 3:9

मिनु गे मूर्ख खोदेंशो पा हिल्‍लो पतीके, यहूदी आन बङसावली ङा शेंतीके नु अरेतीक लोव़ रे सेल्‍शो पतीके आ पर्बम गाइक्‍पाइक्‍ब नु जिचा पोक्‍ब रे ङोन बाक्‍को। मारदे हना मेको शोर गाक्‍शो नु जाम्‍शा लाइब बाक्‍नीम। १तिमोथी १:४; १तिमोथी ४:७; २तिमोथी २:१४

हिब्रू 13:9

मुल सम्‍म मनेंशो नु दूली शेंब लोव़मी इन थुं क्‍याल्‍चा मगेने। परमप्रभु यावे आ शिशीमी रिम्‍शो थुं पाइश्‍शो दुम्‍तय, दे गेनायो मप्रेंदीने। चोव़खो जशोमी ठीक थुं मसेल्‍ब, दे रुपीने। एफिसी ४:१४; २कोरिन्‍थी १:२१; रोमी १४:१७; १तिमोथी ४:८

२ पत्रुस 1:16

गोपुकीमी इन कली इं प्रभु येसु ख्रीस्‍त आ सक्ति नु आ रागीम जाक्‍शो आ पर्बम मुर आन सेल्‍शो कथा मशेंदक। तन्‍न गोपुकीमी “येसु ख्रीस्‍त नेल्‍ल क्‍येङा ठेयब बाक्‍ब” दे आंम आंइ मिक्‍चीम ताइतक।