१ तिमोथी 1:20 - Sunuwar Bible

²⁰ मेको आन दातेमी हीमेनेयस नु अलेक्‍जन्‍डर बाक्‍नीसी। परमप्रभु यावे आ पर्बम मरिम्‍शो लोव़ मपचा, दे शेंचा कली, गो मेको आस कली सैतान आ गुइमी जिम्‍मा गेतासी। २तिमोथी २:१७; १कोरिन्‍थी ५:५

१ तिमोथी 1:20 ပူးပေါင်းရင်းမြစ်များ

मत्ती 18:17

मेको आन लोव़ यो मबिस्‍साक्‍व हना, मुर पुक्‍शा लोव़ पावो। मिनु मेको आन लोव़ यो मबिस्‍साक्‍व हना, अर्को रागी ङा मुर खोदेंशो बाक्‍माक्‍त, दे तिल्‍शा सोइक्‍तो। १कोरिन्‍थी ५:१३; २ थिस्‍सलोनिकी ३:६; तीतस ३:१०

प्रेरित 13:45

मोपा शुश मुर देल्‍शो तशा, यहूदी आन थुं चोव़मे बाक्‍त। मिनु पावलमी लोव़ शेंदानु, मेकोपुकीमी आ लोव़ ख्रोइश्‍शा, जिचा पोक्‍ग्‍मे बाक्‍त।

प्रेरित 19:33

मिनु यहूदीपुकीमी पोक्‍शो अलेकजन्‍डर कली हुल आन ङोंइती राप्‍पाइश्‍शा “लो, लोव़ पावो” दे मदमेनु, मेकोमी आ गुइ हिम्‍शा “सिक्‍सी पा आं लोव़ नेनीने, नेल्‍ल रुप्‍पाइक्‍नन्‍नी” देंमाक्‍त।

१ कोरिन्‍थी 11:32

तन्‍न प्रभुमी आंइ कली नाक्‍शा सजाइ गेब। मेको शेंचा कली बाक्‍ब। मोपा रागी ङा मुर नु काथा बाक्‍शा, जाम्‍शा मलाइनीकी। हितोपदेस ३:११-१२

२ कोरिन्‍थी 10:6

मिनु इन ख्रीस्‍त कली टिशो रिम्‍शो दुम्‍त हना, सु सुमी मटीमे, गो मेको आन कली सजाइ गेनीकी।

२ कोरिन्‍थी 13:10

गो इन नेक्‍था मबाक्‍ङानु, एको चिठी ब्रेक्‍नुङ। मिनु आं जाक्‍ची ना गो इन कली हुइश्‍शा, प्रभुमी आं कली गेशो अधिकार कोंइचा ममाल्‍ङल। मेको अधिकार सेल्‍चा कली गेशो बाक्‍त, प्रेत्‍चा कली ममाइ। २कोरिन्‍थी १०:११; २कोरिन्‍थी १०:८

२ थिस्‍सलोनिकी 3:15

मोदेंशो पशा यो, मेको मुर कली जोरी सत्रु खोदेंशो पा ममिम्‍तीन। थमा सुइक्‍ब लोक्‍ब कली खोदेंशो अर्ती गेने। १थिस्‍सलोनिकी ५:१४

१ तिमोथी 5:15

का निक्‍शीमी सैतान कली खोइक्‍चा गोम्‍तेक्‍म।

२ तिमोथी 2:14

एको लोव़ मेको आन कली फ्रुक्‍पाइक्‍मी। परमप्रभु यावे आ ङोंइती मेको आन कली “लोव़ आ पर्बम मजिने” दे माइक्‍मी। मारदे हना मेको मरिम्‍शो दुम्‍ब, नेंबपुकी यो वाम ग्‍याम दुम्‍नीम। १तिमोथी ६:४; तीतस ३:९

२ तिमोथी 2:17

मेको आन लोव़ राक्‍शो गार खोदेंशो बाक्‍ब। हीमेनेयस नु फिलेतस मेको आन दातेमी बाक्‍नीस। १तिमोथी १:२०

२ तिमोथी 3:2

मारदे हना मुरपुकीमी आंम कली ला दाक्‍नीम। क्‍येट कली शुश दाक्‍नीम। ठेयब लेश्‍शा, अरु नेल्‍ल आन कली दिप्‍नीम। मरिम्‍शो लोव़ पाइनीम। आम आफ कली मटिथु “गे रिम्‍शो पाइतीनी” गेनायो मदेंथु, पापम ग्रुम्‍शा बाक्‍नीम।

हिब्रू 12:5

तमी तौ आन कली अर्ती गेशो खोदेंशो पा इन कली ङोंइती गेशो अर्ती प्रेंदीनी माइ, दे मिम्‍पाइक्‍नन्‍नी। ओदें ब्रेक्‍शो बाक्‍ब “आं तौ, परमप्रभुमी इ कली शेंदानु, शेंसो। इ कली श्‍येत जपदानु ‘फाल्‍ने मचबु’ मदेनो। मेको कली सोपी ममिम्‍तो।

प्रकाश 13:1

मिनु गो समुन्‍द्र रे ७ ओटा पिया नु १० ओटा ग्रोव़ पाइश्‍शो जन्‍तु का ग्रूशो ताता। मेको आ १० ओटा ग्रोव़मी १० ओटा मुकुट गुप्‍शो बाक्‍तेक्‍म। आ पियापुकीमी चहिं परमप्रभु कली शुक्‍शी पाइब नें ब्रेक्‍शो बाक्‍तेक्‍म। दानीएल ७:३-७

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६