१ तिमोथी 1:12 - Sunuwar Bible

¹² एको लोव़ शेंचा कली बोल गेब इं प्रभु ख्रीस्‍त येसु कली “गे रिम्‍शो पाइब बाक्‍नीनी” देंनुङ। मारदे हना ख्रीस्‍त येसुमी आं पर्बम “थमा सुइक्‍चा ङा मुर बाक्‍ब” दे आ गेय पाइब सेल्‍ती। प्रेरित ९:१५; १कोरिन्‍थी १५:९-१०; गलाती १:१३-१६

१ तिमोथी 1:12 ပူးပေါင်းရင်းမြစ်များ

मत्ती 20:4

मेको आन कली ‘गे यो लशा, आं अङगुर रूमी गेय पने। इन गेय पशो ङा गाल्‍च गारपा गेनन्‍नी’ दे सोइक्‍तीमी बाक्‍त।

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३

प्रेरित 16:15

मिनु थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍व। आ खिं ङा मुर नेल्‍ले यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म। ब्‍वाक्‍कुम ख्रुम्‍शा ग्रुंइचा पुंइसीशा नोले लिडीयामी “गेपुकीमी प्रभु कली थमा सुइक्‍ब बाक्‍माक्‍त, दे मिम्‍ताक्‍यीनी हना, आं खिंमी बास बाक्‍थ जाक्‍कीन। आं खिंमी मजाक्‍थु मदुम्‍ब” दे माइक्‍तीकी। मिनु लिडीया आ खिं लशा बाक्‍तक।

प्रेरित 9:15

प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४

प्रेरित 9:22

सावलमी शेंना शेंन आ शेंचा सक्ति बारपाइक्‍ना पाइक्‍न “येसु परमप्रभु यावे आ सोइश्‍शो ख्रीस्‍त बाक्‍ब” दे दमस्‍कसम बाक्‍ब यहूदी आन कली शेंदीमी बाक्‍त। मिनु सुइमी लोव़ लेन्‍ने मचाप्‍मे बाक्‍त। प्रेरित १८:२८

१ कोरिन्‍थी 15:10

तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३

१ कोरिन्‍थी 3:5

आपोल्‍लोस माइश्‍शो सु में? गो पावल माइश्‍शो सु नङा? प्रभुमी आंस कली आ लोव़ शेंथ योव़शो नस्‍कु। गेपुकीमी आंस लोव़ नेंशा थमा सुइक्‍तीनी।

१ कोरिन्‍थी 7:25

ग्‍युंबे मपथु बाक्‍ब आन पर्बम प्रभुमी आं कली मारेइ मअरेव। तन्‍न गो प्रभु आ शिशी पतीकेमी थमा सुइक्‍ब मुर दुम्‍ती, गो आं मिम्‍शो देंनुङ।

२ कोरिन्‍थी 4:1

गोपुकी नु परमप्रभु यावे आ शिशी बाक्‍तीके मेको शेंब दुम्‍तक। मोपतीके गेनायो आइक्‍च थुं पाइश्‍शो मदुम्‍नीकी। २कोरिन्‍थी ३:६; १कोरिन्‍थी ७:२५

गलाती 3:26

ख्रीस्‍त येसु कली थमा सुइश्‍शा, गे नेल्‍ल परमप्रभु यावे आ तमी तौ दुम्‍तीनी। यूहन्‍ना १:१२; रोमी ८:१७

गलाती 3:28

मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३

फिलिप्‍पी 2:11

मिनु नेल्‍लेमी “येसु ख्रीस्‍त प्रभु बाक्‍ब” दे परमप्रभु यावे, इन आफ कली ठेयब सेल्‍चा माल्‍नीम। प्रकाश ५:१३

फिलिप्‍पी 4:13

आं कली सक्ति गेब आ नेंमी गो नेल्‍ल पने चाप्‍नुङ। २कोरिन्‍थी १२:१०

कलस्‍सी 1:25

परमप्रभु यावे आ पतीकेमी मेको आन कली शेंब दुम्‍ती। परमप्रभु यावेमी आ लोव़ नेल्‍ल मेको आन कली शेंतीक गेय गेती। मोपा आ लोव़ खाप्‍चा कली शेंब सेल्‍ती।

१ तिमोथी 1:1

ख्रीस्‍त आ सोइश्‍शो गो पावल नङ। इं कली पाप रे प्रोंइब परमप्रभु यावेमी “ख्रीस्‍त येसु आ सोइश्‍शो दुमो” दे माइक्‍ती। इं कली ब्रोंइचा गेनुङ, दे कबल पाइब ख्रीस्‍त येसुमी यो मोन माइक्‍ती। कलस्‍सी १:२७

१ तिमोथी 1:11

मेको थमा शेंतीके नु नेल्‍ल आसीक पाइश्‍शो परमप्रभु यावे आ ग्‍येरपाइक्‍ब लोव़ शेंब सेल्‍ती।

१ तिमोथी 1:2

गे थमा सुइक्‍ब, आं दाक्‍शो तौ खोदेंशो तिमोथी, इ कली चिठी ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍त आस दाक्‍चा गे नु बाक्‍ल। आस शिशीमी इ कली थुं नाइश्‍शा बाक्‍चा गेम्‍सेक्‍ल। प्रेरित १६:१-२; तीतस १:४

१ तिमोथी 6:13

नेल्‍ल आन कली ब्रोंइचा गेब परमप्रभु यावे नु ख्रीस्‍त येसु पन्‍तीयस पिलातस कली रिम्‍शो सांकछी गेब बाक्‍त। गो इ कली परमप्रभु यावे नु ख्रीस्‍त येसु आस ङोंइती अरेनुङ। यूहन्‍ना १८:३६-३७; प्रकाश १:५

२ तिमोथी 2:2

गो शुश मुर आन ङोंइती इ कली नेंपाइश्‍शो लोव़ रिम्‍शो थमा सुइक्‍ब आन कली शेंदीमी। मेकोपुकीमी यो अरु आन कली शेंने चाप्‍नीम।

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३

तीतस 1:4

तीतस, एको चिठी इ कली ब्रेक्‍ताक्‍ङ। गो निक्‍शी इस के थमा सुइक्‍तीक का दुम्‍शा, गे आं तौ खोदेंशो दुम्‍ते। इं आफ परमप्रभु यावे नु इं पाप रे प्रोंइब येसु ख्रीस्‍तमी इ कली शिशी नु थुं नाइक्‍चा गेम्‍सेक्‍ल। १तिमोथी १:२

फिलेमोन 1:9

तन्‍न गे मुर आन कली दाक्‍शा शिशी पाइनेवे, आं देंशो यो टीनेवे, दे तुइश्‍शा, अधिकार कोंइचा ममाल्‍दी। गो ख्रीस्‍त येसु आ पर्बम जेल्‍खानम चोक्‍चा पुंइसीशो खाल्‍पा पावलमी इ कली इम्‍चीली लोव़ का माइक्‍नन।