१ तिमोथी 1:10 - Sunuwar Bible

¹⁰ तेल्‍लेम पाइब, ग्रांग्रा दिचा ङा गेय पाइब, मुर आन कली खुइ पा लेयब, जोल पाइब, जोल पा कसम जाइब नु आन गेय परमप्रभु यावे आ शेंशो नु मगारब मुर आन कली ब्रेक्‍शो बाक्‍ब।

१ तिमोथी 1:10 ပူးပေါင်းရင်းမြစ်များ

उत्पत्ती 19:5

मेकोपुकीमी लोत कली “नाक्‍नाक्‍दो इ खिंम जाक्‍शो वोंइश मुर ते बाक्‍सा। आंइ दाक्‍शो पचा कली लाङगाम सोइक्‍तो” देंमा बाक्‍त। लेवी १८:२२-२५; न्‍यायाधीस १९:२२-२४; रोमी १:२७

उत्पत्ती 37:27

नेनीन, इश्‍माएल आ मुर आन कली लेयशा सोइक्‍तय, मसाइय्‍य। मारदे हना इं लोक्‍ब, इं आंम मुर बाक्‍ब” देंमाक्‍त। मिनु आ लोक्‍बपुकी बिस्‍समा बाक्‍त।

उत्पत्ती 40:15

ङोंइती आं कली हिब्रू रागी रे खुइ पा चाक्‍तीमी। मुल जेल्‍खानम चोक्‍तीमी। गो मारेइ मरिम्‍शो मपङ” देंमाक्‍त। उत्‍पत्ती ३७:२८

प्रस्‍थान 20:7

गे परमप्रभु यावे, इन परमप्रभु आं नें, मो मथिने। मारदे हना सुम परमप्रभु यावे आं नें मो थीबा, मेको कली सजाइ मगेथु, मप्रोंइब। लेवी १९:१२; लेवी २४:१६

प्रस्‍थान 21:16

सुमी मुर कली लेयचा कली खुइ पाइबा, मिनु मेको आ खुइ पशो मुर कली आ खिंम थित्‍तेक्‍म हना, मेको मुर थमा पा साइक्‍चा पुंइसीब। ब्‍यवस्‍था २४:७; १तिमोथी १:१०

होसे 10:4

मेकोपुकीमी शुश फश लोव़ पाइनीम। मार फश लोव़ पाइनीम देंशा हना, जोल पा कसम जशा कबल पाइनीम। मोपतीके वाक्‍शो रूमी ओशेर पाइश्‍शो सुवा वाशो खोदेंशो पा मुददा बारनीम।

लेवी 18:22

मीश मुर नु इप्‍शो खोदेंशो पा वोंइश मुर नु मइपो। मेको थम ग्रांग्रा बाक्‍ब।

लेवी 20:13

सुइ मुर मीश मुर नु इप्‍शो खोदेंशो पा वोंइश मुर नु इप्‍त हना, मेको थम ग्रांग्रा दितीक बाक्‍ब। मेको आस कली साइक्‍चा माल्‍ब। मेको थमा पा साइक्‍चा पुंइसीनीस।

जकरिया 5:4

मिनु मुर नेल्‍ल आन परमप्रभु यावेमी “गो मेको ब्रेक्‍स सोइक्‍ताक्‍ङ। मिनु मेको खुइ नु आं नेंमी जोल पा सांकछी बाक्‍ब आन खिंमी ओव़ब। मेकेर बाक्‍शा, खिं खतम सेल्‍शा, शी फुल्‍लु का यो मलीपाइक्‍ब” देंत।

जकरिया 8:17

इन दातेमी थुंम मिम्‍शा, मरिम्‍शो मपमुने। जोल पा कसम मजने। मारदे हना मेको नेल्‍ल गो ग्रांग्रा दी‍नुङ” दे परमप्रभु यावेमी देंत। जकरिया ७:१०

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

यूहन्‍ना 8:44

इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

रोमी 1:26

मोपतीके परमप्रभु यावेमी मेको आन कली आन मिम्‍शो ग्रांग्रा दिचा ङा गेय पपाइक्‍चा कली प्रोंइतु। मेको आन मीशेमी यो मगारचा ङा ग्रांग्रा दिचा ङा गेय पाम्‍तेक्‍म।

ब्‍यवस्‍था 24:7

सुइ मुरुमी इस्राएली लोक्‍ब कली ग्‍याइश्‍शा खुइ पा आ वाइल सेल्‍तु हना, लेयतु हना, मेको खुइ कली साइक्‍चा माल्‍नीम। मोपा गेपुकीमी इन दाते रे मरिम्‍शो नेल्‍ले ग्रुंइचा माल्‍नीनी। प्रस्‍थान २१:१६

१ तिमोथी 4:6

गे एको लोव़ थमा सुइक्‍ब लोक्‍ब आन कली शेंताक्‍वी हना, ख्रीस्‍त येसु आ रिम्‍शो गेय पाइब दुम्‍नेवे। गे थमा सुइक्‍तीक ङा लोव़ नु रिम्‍शो शेंतीके तुइक्‍ना तुइक्‍न आ नोले खोइक्‍नेवे। २तिमोथी २:१५

१ तिमोथी 6:3

सुमी अरु शेंतीक शेंबा, मेकोमी इं प्रभु येसु ख्रीस्‍त आ थमा लोव़ नु आ शेंतीके नु मगारचा ङा शेंब। मेको आं देंशो थमा लोव़ चहिं परमप्रभु यावे कली मिम्‍ब नु दाक्‍ब थुं रे बाक्‍ब। २तिमोथी १:१३

२ तिमोथी 1:13

थमा लोव़ कली खोतो। मेको ख्रीस्‍त येसुमी बाक्‍शो थमा सुइक्‍तीके नु दाक्‍तीके बाक्‍ब। गे आं लोव़ रे तुइक्‍नेवे।

२ तिमोथी 4:3

मारदे हना इच्‍का नोले थमा शेंतीक नेंचा काइ मदाक्‍नीम। आंम दला दाक्‍स पा अर्को लोव़ कली नोफा दाइश्‍शा, आंम कली शेंबपुकी तेल्‍‍नीम। १तोमोथी ४:-

तीतस 1:13

मेको आ देंशो थमा बाक्‍ब। मोपतीके गे मेको आन कली शुश अरेवो। मोपा ला आन थमा सुइक्‍तीके ठीक दुम्‍ने चाप्‍ब। २तिमोथी ४:२

तीतस 1:9

मोदेंशो पाइब मुर परमप्रभु यावे आ लोव़ ङा शेंतीक तुइश्‍शा पचा माल्‍नीम। मोपा मेकोपुकीमी थमा सुइक्‍ब आन कली रिम्‍शो शेंशा, अरेने चाप्‍नीम। मिनु परमप्रभु यावे आ लोव़ दूली शेंब आन कली यो रिम्‍शो सेल्‍ने चाप्‍नीम।

हिब्रू 13:4

गे नेल्‍लेमी “ग्युंबे पशो रिम्‍शो बाक्‍ब” दे मिम्‍तीने। मुर आ मीश नु मुरु आ वोंइश मइम्‍मल। मीश वोंइश आस नाता ख्रोइक्‍ब नु तेल्‍लेम आन कली परमप्रभु यावेमी निसाफ पाइब।

यहूदा 1:7

सोदोम, गोमोररा नु आस एर ओंथ बाक्‍शो सहर ङा मुरपुकीमी आन खोदेंशो पा ग्रांग्रा दिचा ङा नु मपचा ङा दूली गेय पशो बाक्‍तेक्‍म। परमप्रभुमी मेको आन कली कोंइतीक दुम्‍पाइक्‍चा कली गेना हना यो ब्रशो मीमी सजाइ गेशो बाक्‍त। उत्‍पत्ती १९:१,४-११

प्रकाश 18:13

मिनु सिन्‍कौली, चां ख्रेक्‍तीक तेल, मस्‍ला, ब्रोव़शो रिना पाइब तेल, धूप, अङगुर शांबु, जचा तेल, थम रिम्‍शो फस, चेरब, बी ब्‍यफ, भेडा, शारा, बग्‍गी नु वाइलीम वाइल मेको मुर आन लेयतीक थोव़कपुकी बाक्‍तेक्‍म।

प्रकाश 21:27

मिनु जाम्‍शा लाइबपुकी, ग्रांग्रा दिचा ङा गेय पाइबपुकी नु जोल पाइबपुकी चहिं मेको सहरमी ओव़चा मताइनीम। पाठा आ ब्रोंइतीक किताबमी नें ब्रेक्‍शोपुकी ला ओव़चा ताइनीम।

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०