१ थिस्‍सलोनिकी 5:4 - Sunuwar Bible

⁴ गे लोक्‍बपुकी चहिं छिङछिङम मबाक्‍नीनी। मेको नाक्‍त खुइ जाक्‍शो खोदेंशो पा इन कली महिंपाइक्‍ब।

१ थिस्‍सलोनिकी 5:4 ပူးပေါင်းရင်းမြစ်များ

येरमीया 42:16

तेको तरवार रे पा गे हिंशा प्रोक्‍शो बाक्‍नी, मेको तरवारमी इन कली इजीप्‍तमी साइक्‍ब। मिनु तेको अन्‍काल रे पा, गे हिंशो बाक्‍नी, मेको इजीप्‍तमी इन नोनोले जाक्‍ब। मिनु गे मेकेर बेक्‍नीनी।

होसे 10:9

गे इस्राएलीपुकीमी गिबा आ नाक्‍त रे पाप पाइतीनी। मिनु मुल सम्‍म पाप पना पन बाक्‍नीनी। गिबा ङा मरिम्‍शो पाइब मुर आन कली मार, लडाइमी मसदमे ङा? होसे ९:९

जकरिया 1:6

तन्‍न गो आं गेय पाइब, आं लोव़ पाइब आन कली पशो लोव़ नु आं फुल्‍लुम मुशा ब्रेक्‍शो लोव़ इन किकी पिपी आन पाला रे मुल सम्‍म मबाक्‍म ङा?’ मिनु मेकोपुकी परमप्रभु यावे गे लेत्‍चा माल्‍‍शा, मेकोपुकीमी ‘मुर नेल्‍ल आन परमप्रभु यावेमी आंइ मरिम्‍शो लां नु आंइ मरिम्‍शो पशो आ पर्बम आ देंशो खोदेंशो पा पाप्‍तु’ देंतेक्‍म” दे मुर नेल्‍ल आन परमप्रभु यावेमी देंत।

मत्ती 10:15

नोफा दाइश्‍शा नेनीने, निसाफ पची नाक्‍त सोदोम नु गोमोररा सहर निक्‍शीमी बाक्‍ब मुर आन क्‍येङा इन लोव़ मनेंब मटीबपुकीमी शुश सजाइ ताइनीम। उत्‍पत्ती १९:१-२९

लूका 21:34

आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

ब्‍यवस्‍था 19:6

मेको सहर ङोन बाक्‍त हना बेक्‍ब मुर आ मुरपुकीम मेको कली क्‍येक्‍क लेत्‍चा कली लांमी खेदा पा साइक्‍ब। तन्‍न मेको मुर साइक्‍चा मपुंइसीब बाक्‍ब। मारदे हना मेको आ वारच बाक्‍त।

ब्‍यवस्‍था 28:15

मिनु गे परमप्रभु यावे, इन परमप्रभु आ देंशो मटीब दुम्‍तीनी हना, मुलाक्‍ती गो इन कली माइश्‍शो आ शेंशो नु आ फुल्‍लुम मुशा ब्रेक्‍शो लोव़ नेल्‍ल होस पा मपाइतीनी हना, एको सराप चीले नेल्‍ल राइनीनी। मिनु गेपुकी सराप रशो मुर दुम्‍नीनी। दानीएल ९:११

ब्‍यवस्‍था 28:45

मिनु मेको सराप चीले नेल्‍ल गे मबेक्‍नी सम्‍म राइनीनी। मारदे हना गेपुकीमी परमप्रभु यावे, इन परमप्रभु आ शेंशो लोव़ नु आ फुल्‍लुम मुशा ब्रेक्‍शो लोव़ नेल्‍ल होस पा मटिनी।

कलस्‍सी 1:13

मेकोमी इं कली छिङछिङ ङा राज्‍य ङा अधिकार रे ग्रुंइशा, आ दाक्‍शो तौ आ राज्‍यमी ओंइताक्‍व। कलस्‍सी २:१५

१ थिस्‍सलोनिकी 5:2

मारदे हना गेपुकी प्रभु आ नाक्‍त खुइ खोदेंशो पा जाक्‍ब, दे तुइक्‍नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५

२ पत्रुस 3:10

प्रभु जाक्‍मेनु, खुइ जाक्‍शो खोदेंशो पा जाक्‍ब। मेना सरीङ ठेयब रेयके पा जाम्‍ब। मारेइ मारेइ ग्रोइश्‍शा नुप्‍नीम। रागी नु रागीम बाक्‍शो मारेइ मारेइ मीम खतम दुम्‍नीम। १थिस्‍सलोनिकी ५:२-३; मत्ती २४:२९; प्रकाश २०:११; यसैया २४:१९

१ यूहन्‍ना 2:8

मिनु मेको ब्रेक्‍शा यो गो इन कली नक अरेशो लोव़ ब्रेक्‍नुङ। मारदे हना मेको नक अरेशो लोव़ येसु ख्रीस्‍तमी खाप्‍तु। मिनु गेपुकी यो पाइनीनी। गो मेको मारदे ब्रेक्‍ताक्‍ङ देंशा हना, मुल छिङछिङ जाम्‍ना जाम्‍न लाइब। मिनु थमा छेङछेङ बारना बारन बाक्‍ब। यूहन्‍ना ८:१२; रोमी १३:१२

प्रकाश 16:15

“नेनीन, गो खुइ खोदेंब पा जाक्‍नुङ। सु थमा सुइश्‍शा मइप्‍थु सेंशा, ठीक दुम्‍शा बाक्‍मे, मेको ग्‍येरसेक्‍ल। तन्‍न सु पाप पाइबा, मेको शिश्रा गाक्‍ब मुर खोदेंब पा मुने दोक्‍ब” दे येसुमी माइक्‍तीमी। १थिस्‍सलोनिकी ५:२

प्रकाश 3:3

मिनु इन तशो नु इन नेंशो मिम्‍तीन। मेको कली मप्रेंथु, इन थुं गो आं गे लेत्‍तीन। गे मो मपाइतीनी हना, गो खुइ खोदेंशो पा इन बाक्‍तीकेमी जाक्‍नुङ। मिनु गो गेना जाक्‍नुङा, गे मतुइक्‍नीनी। १थिस्‍सलोनिकी ५:२