१ थिस्‍सलोनिकी 5:21 - Sunuwar Bible

²¹ तन्‍न परमप्रभु यावे आ लोव़ नु गारबा देय मगारबा, दे नाक्‍शा कोव़ङीन। गारत हना, मप्रेंदीने।

१ थिस्‍सलोनिकी 5:21 ပူးပေါင်းရင်းမြစ်များ

हितोपदेस 23:23

थमा पतीक कली ग्यापो। मेको कली गेनायो मलेयङो। तुइक्‍तीक, शेंतीक नु रुप्‍तीक ग्यापो।

हितोपदेस 3:1

आं तौ, आं अरेशो मप्रेंदो। मिनु आं शेंशो लोव़ इ थुंमी वोतो। लेवी १८:५

हितोपदेस 4:13

अर्ती कली मिम्‍शा, मेको कली मप्रेंदो। मेको कली टिवो। मारदे हना मेको इ ब्रोंइतीक बाक्‍ब।

ठेयब कुम्सो 3:4

मिनु गो मेको आन कली प्रोंइ‍शा इच्‍का आइक्‍ची ला जाक्‍दीश्‍शो नङ। गो आं दाक्‍शो वोंइश मुर कली थित्‍ता। मिनु गो मेको कली आं ममा आ खिं, आं जरमेसीशो कोठा मचाक्‍गु सम्‍म मेको कली ग्‍याइश्‍शा मप्रोनु। ठेयब कुम्‍सो ८:२

यसैया 8:20

गे शेंतीक नु अरेशो लोव़ आ पर्बम परमप्रभु कली हिल्‍लो पचा माल्‍नीनी। अरु लोव़ पाइब मुर काइ मरुप्‍ब बाक्‍नीम।

लूका 12:57

तेको गेय पशोमी रिम्‍शो दुम्‍बा, तेको गेय पशोमी मरिम्‍शो दुम्‍बा, मेको मिम्‍ने मचाप्‍नीनी?

यूहन्‍ना 15:4

गेपुकी आं आगामी बाक्‍कीन। मिनु गो इन आगामी बाक्‍नुङ। राशी बोटमी मबाक्‍त हना, मेको राशी फल सिन्‍ने मचाप्‍ब। मोपतीके गेपुकी यो आं आगामी मबाक्‍तीनी हना, फल सिन्‍ने मचाप्‍नीनी।

यूहन्‍ना 8:31

मिनु येसुमी आ कली थमा सुइक्‍ब यहूदी आन कली “गेपुकी आं देंशो पना पन बाक्‍तीनी हना, थमा पा आं शेंसीब ननी। यूहन्‍ना १५:७

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

प्रेरित 14:22

मेको सांफा सहर ङा थमा सुइक्‍ब आन कली “मार दुम्‍त हना यो, थमा सुइक्‍चा मप्रोनीन। इन खोइल थेक्‍शा बाक्‍कीने। ख्रीस्‍त आ नेंमी शुश श्‍येत जचा पुंइसीशा ला परमप्रभु यावे आ राज्‍य ओव़चा ताइनय, दे रुपीने” दे आन थुं बारपदसे बाक्‍त। रोमी ५:३-५; १थिस्‍सलोनिकी ३:३

प्रेरित 17:11

बेरोइया सहर ङा यहूदीपुकीमी थिस्‍सलोनीकी ङा मुर आन पशो खोदेंशो मपामे बाक्‍त। तन्‍न नोफा दाइश्‍शा पावल नु सिलास आस लोव़ नेंशा परमप्रभुमी ब्रेक्‍पाइश्‍शो लोव़ नु मेको आस शेंशो लोव़ गारबा देय मगारबा कोव़चा कली नाक्‍त किंत किंत जाक्‍मा बाक्‍त। यूहन्‍ना ५:३९

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

रोमी 12:9

थमा पा दाक्‍मुशा बाक्‍कीन। मरिम्‍शो गेय रे ङोन बाक्‍कीन। रिम्‍शो पने। १तिमोथी १:५; आमोस ५:१५

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

१ कोरिन्‍थी 2:11

मुर आन थुंमी मार बाक्‍बा, सुमी तुइक्‍नीमी ङा? आंम आन थुं ङा लोव़ आंमा ला तुइक्‍नीम। परमप्रभु यावे आ सोक्‍त ङा लाक्‍शा सुइमी परमप्रभु यावे आ थुं ङा लोव़ मतुइक्‍नीम, आ सोक्‍तीम ला तुइक्‍ब।

गलाती 6:10

सुइ कली रिम्‍शो पचा ताइतय हना, रिम्‍शो पय। नेल्‍ल क्‍येङा ङोंइती थमा सुइक्‍ब लोक्‍ब आन कली वारच पय। २पत्रुस १:७

एफिसी 5:10

मिनु गेपुकीमी प्रभु आ दाक्‍शो मार बाक्‍बा, मेको तुइक्‍चा माल्‍नीनी। रोमी १२:२; फिलिप्‍पी १:१०

फिलिप्‍पी 1:10

मोपा गे नेल्‍ल क्‍येङा रिम्‍शो मार में, दे तुइश्‍शा, ख्रीस्‍त आ नाक्‍ती पाप मपाइब नु दोस मताइब दुम्‍नीनी। रोमी १२:२; एफिसी ५:१०; १थिस्‍सलोनिकी ५:२३

फिलिप्‍पी 3:16

गोपुकीम मार रुब्‍या, मेकोन पय।

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।

१ थिस्‍सलोनिकी 5:15

मुरुमी इन कली मरिम्‍शो पाम्‍तेक्‍म हना, गेपुकी मेको आन कली मरिम्‍शो मपने। रिम्‍शो पमुचा माल्‍नीनी। अरु आन कली यो रिम्‍शो पने। हितोपदेस २०:२२; रोमी १२:१७,२१; १पत्रुस ३:९

१ थिस्‍सलोनिकी 5:22

नेल्‍ल ग्रांग्रा दिचा ङा गेय क्‍येङा ङोन बाक्‍कीन।

२ थिस्‍सलोनिकी 2:15

आंइ लोक्‍बपुकी, खोइल थेक्‍शा बाक्‍कीन। आंइ शेंशो मप्रोनीन। गो शोव़म शेंशो नु चिठीम ब्रेक्‍शा शेंशो मप्रोनीन। २थिस्‍सलोनिकी ३:६

२ तिमोथी 1:15

नेल्‍ल एसीया ङा मुरपुकीमी आं कली प्रोंइतीमी दे तुइक्‍नेवे। मेको आन दातेमी फीगेलस नु हेरमोगेनेस बाक्‍नीसी। २तिमोथी ४:१६

२ तिमोथी 3:6

मेको आन दातेमी का निक्‍शीमी आन दला दाक्‍स पा पापम ग्रुम्‍शो नु आंम कली चलेस मजोक्‍ब मीश मुर आन खिं ओव़शा, लोव़ नेंपाइक्‍नीम।

२ तिमोथी 4:14

अलेक्‍जन्‍डर तांबा तुप्‍तीलमी शुश श्‍येत गेती। प्रभुमी मेको आ गेय तशा, सजाइ गेब। १तिमोथी १:२०

हिब्रू 10:23

ठेयब थुं पशा आस पा बाक्‍य। मारदे हना लोव़ गेबमी मेको लोव़ दोपा यो खाप्‍ब, दे तुइक्‍नय। हिब्रू ४:१४

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५

प्रकाश 2:2

मेकोमी “गो इन पशो गेय, इन फाल्‍शो श्‍येत नेल्‍ल तुइक्‍नुङ। मिनु गे मरिम्‍शो मुर आन कली फाल्‍ने मचाप्‍नीनी। मिनु गे सोइश्‍शो, आं लोव़ शेंब दुम्‍खु पाइब मुर आन कली नाक्‍शा, जोल्‍फे बाक्‍नीम, दे तुइक्‍नीनी। १यूहन्‍ना ४:१

प्रकाश 2:25

गे इन तुइश्‍शो गो मजाक्‍ङा सम्‍म पना पन बाक्‍कीन। प्रकाश ३:११

प्रकाश 3:11

मिनु गो फ्रा लेश्‍शा यीनुङ। थमा सुइक्‍चा मप्रोनीन। मोपा बाक्‍तीनी हना, सुइमी इन सिरपेच रोइक्‍ने मचाप्‍नीम। प्रकाश २:१०

प्रकाश 3:3

मिनु इन तशो नु इन नेंशो मिम्‍तीन। मेको कली मप्रेंथु, इन थुं गो आं गे लेत्‍तीन। गे मो मपाइतीनी हना, गो खुइ खोदेंशो पा इन बाक्‍तीकेमी जाक्‍नुङ। मिनु गो गेना जाक्‍नुङा, गे मतुइक्‍नीनी। १थिस्‍सलोनिकी ५:२