१ थिस्‍सलोनिकी 4:9 - Sunuwar Bible

⁹ थमा सुइक्‍ब लोक्‍ब आन दाक्‍मुतीके आ पर्बम सुइ मुरुमी इन कली ब्रेक्‍चा ममाल्‍ब। मारदे हना परमप्रभु यावेमी इन कली दाक्‍मुचा माल्‍नीनी, दे आंमान शेंशो बाक्‍त। यूहन्‍ना १३:३४; लेवी १९:१८

१ थिस्‍सलोनिकी 4:9 ပူးပေါင်းရင်းမြစ်များ

भजन संग्रह 133:1

लोक्‍बपुकी गारशा बाक्‍चा शुश रिम्‍शो बाक्‍ब। उत्‍पत्ती १३:८

यसैया 51:13

गे इन कली सेल्‍ब परमप्रभु यावे कली प्रेंताक्‍नी। मेकोमी सरीङ प्राक्‍तु। रागी आ जग वोइक्‍तु। इन कली श्‍येत गेब मुर गाइक्‍तमेनु, गे नाक्‍त किंत किंत हिंनीनी। मेकोमी इन कली खतम सेल्‍चा चिक्‍शो बाक्‍त। तन्‍न मुल आ गाइश्‍शो ते लाक्‍गा? यसैया ४४:२४

येरमीया 31:33

तन्‍न इस्राएल आ खिं ङा मुर नोले ङा नाक्‍ती ङा कबल मार बाक्‍त देंशा हना, गो आं अरेशो मेको आन थुंम वोइक्‍नुङ। मिनु आन थुंम मेको ब्रेक्‍शा गेनुङमी। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:१९; हिब्रू १०:१६-१७; येरमीया ७:२३

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

लेवी 19:8

मेको ब्‍वाइब नेल्‍लेमी सजाइ ताइनीम। मारदे हना मेकोमी परमप्रभु यावे कली चढ़ेशो ग्रांग्रा दिशो सेल्‍शा, मेको कली मटीम। मिनु मोदेंशो मुर आन मुर रे तिल्‍चा पुंइसीनीम।

मत्ती 22:39

मिनु आ नोले ङा लोव़ ‘आंम इ कली दाक्‍शो खोदेंशो पा, इ नेक्‍था बाक्‍ब कली यो दाक्‍तो’ देंशो बाक्‍ब। लेवी १९:१८

यूहन्‍ना 14:26

आं नेंमी आं आफोमी इन कली वारच पाइब आ सोक्‍त सोइक्‍ब। मेको सोक्‍तीमी इन कली मारेइ मारेइ शेंब नु आं देंशो लोव़ नेल्‍ल फ्रुक्‍पाइक्‍ब।

प्रेरित 4:32

मिनु थमा सुइक्‍ब आन थुं नेल्‍ल कांइचीक दुम्‍शा, मेकोपुकी नु बाक्‍शो मारेइ मारेइ नेल्‍ल इं के मिम्‍बाक्‍मा बाक्‍त। सुइमी यो आं के, इं के मदेंबाक्‍मा बाक्‍त। प्रेरित २:४४

रोमी 12:10

लोक्‍बपुकीमी दाक्‍मुशो खोदेंशो पा दाक्‍मुशा बाक्‍कीन। आंम कली मान पचा मपुंइसीथु, अरु आन कली मान पने। यूहन्‍ना १३:४-१५; फिलिप्‍पी २:३

२ कोरिन्‍थी 9:1

मेको क्‍येट पोक्‍चा आ पर्बम इन कली लेंशा शेंचा ममाल्‍नुङ।

फिलिप्‍पी 3:15

इं दातेमी सु सु रुम्‍ने चाप्‍ब बाक्‍नी, मेकोमी आं खोदेंशो पा मिम्‍तीन। गेपुकीमी आं खोदेंशो पा ममिम्‍ताक्‍नी हना, परमप्रभु यावेमी इन कली तुइक्‍पदल।

१ थिस्‍सलोनिकी 5:1

आंइ लोक्‍बपुकी “गिश बर्स लीबा, गेना सम्‍म रिम्‍चा” दे इन कली ब्रेक्‍चा ममाल्‍नीकी। मत्ती २४:३६

हिब्रू 10:16

मेकोमी “नोले मेकोपुकी नु नक कबल का सेल्‍नुङ। आं लोव़ मेको आन कली आन कोव़जम वोइक्‍पाइश्‍शा, आन थुंमी ब्रेक्‍शा गेनायो मप्रेंब सेल्‍नुङमी। हिब्रू ८:१०

हिब्रू 13:1

लोक्‍ब खोदेंशो पा दाक्‍मुशा गारशा बाक्‍कीन। यूहन्‍ना १३:३४; २पत्रुस १:७

१ पत्रुस 3:8

मिनु नोले गे नेल्‍ल थुं का ङा दुम्‍शा, मुर आन कली दाक्‍शा, इन लोक्‍ब नु दाक्‍मुने। ब्रेम्‍शो थुं पाइश्‍शो मुर दुमीन।

१ पत्रुस 4:8

नेल्‍ल क्‍येङा ठेयब मार बाक्‍ब देंशा हना, शुश दाक्‍मुचा बाक्‍ब। मारदे हना दाक्‍मुतीकेमी शुश पाप यो ग्‍याम्‍ब। हितोपदेस १०:१२; याकूब ५:२०

२ पत्रुस 1:7

परमप्रभु यावे खोदेंशो पा गेय पशा, थमा सुइक्‍ब आन कली आंम इन लोक्‍ब खोदेंशो पचा माल्‍नीनी। लोक्‍ब खोदेंशो पा दाक्‍चा माल्‍नीनी। गलाती ६:१०

१ यूहन्‍ना 2:10

सु चहिं आ थमा सुइक्‍ब लोक्‍ब आन कली दाक्‍बा, मेको छेङछेङमी गाक्‍ना गाक्‍न बाक्‍ब। मोदेंशो दुम्‍शो मुरुमी मरिम्‍शो गेय मपाइब।

१ यूहन्‍ना 3:11

मिनु इन ङोंइती रे नेंशो लोव़ मार बाक्‍त देंशा हना, गोपुकी दाक्‍मुचा माल्‍नय। यूहन्‍ना १३:३४

१ यूहन्‍ना 3:23

मिनु आ अरेशो लोव़ मार बाक्‍ब देंशा हना, परमप्रभु यावे आ सोइश्‍शो येसु ख्रीस्‍त कली थमा सुइक्‍चा नु इं दातेमी दाक्‍मुचा इं कली अरेशो लोव़ बाक्‍ब। यूहन्‍ना ६:२९; यूहन्‍ना १५:१७

१ यूहन्‍ना 4:21

मिनु परमप्रभु यावेमी इं कली अरेशो लोव़ मार बाक्‍त देंशा हना “सुमी परमप्रभु यावे कली दाक्‍बा, मेकोमी थमा सुइक्‍ब आन कली यो दाक्‍चा माल्‍ब” दे शेंशो बाक्‍त। मर्कूस १२:२९-३१