१ थिस्‍सलोनिकी 4:4 - Sunuwar Bible

⁴ गे नेल्‍ल आंम मीश नु बाक्‍शा, हेंथे मगाक्‍थु, मान तचा कली शिरशो दुम्‍शा बाक्‍कीन।

१ थिस्‍सलोनिकी 4:4 ပူးပေါင်းရင်းမြစ်များ

प्रेरित 9:15

प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४

रोमी 1:24

मिनु परमप्रभु यावेमी मो पशो तशा, मेको आन कली प्रोंइतु। मिनु आन थुंमी मरिम्‍शो मिम्‍शा, ग्रांग्रा दिचा ङा गेय पशा बिग्रेपमुम्‍तेक्‍म। प्रेरित १४:१६

रोमी 12:1

आं लोक्‍बपुकी, इन कली मुल यो शुश शेंचा दाक्‍ताक्‍ङ। परमप्रभु यावेमी इन कली शिशी पा आ मुर सेल्‍तु। मोपतीके आ मुर दुम्‍शा, इन रां, थुं, गिंम नेल्‍ल, सेसीन परमप्रभु यावे आ दाक्‍शो चढ़ेतीक खोदेंशो पा जिम्‍मा गेंसीन। मेको इन परमप्रभु यावे कली रिम्‍शो पशो गेय बाक्‍ब। रोमी ६:१३

रोमी 6:19

इन कली रुप्‍पाइक्‍चा कली चिनु लेंशा शेंनन्‍नी। दोपा गेपुकीमी इन गुइ खोइल, मिक्‍च, शोव़, रां नेल्‍लेमी ग्रांग्रा दिशो गेय पशा, अरेशो लोव़ मटिनी, मोपा मुल इन थुं, रां नेल्‍ल ठीक पतीक आ वाइल दुम्‍चा कली परमप्रभु यावे आ गेय पाइब मुर दुमीन।

१ कोरिन्‍थी 6:15

इन रां ख्रीस्‍त आ रां बाक्‍ब दे मतुइक्‍नीनी? मिनु ख्रीस्‍त आ रां लाइश्‍शा, तेल्‍लेम आ रां सेल्‍चा ङा? मोदेंशो मपने।

१ कोरिन्‍थी 7:2

मो हना यो हेंथे मगाक्‍मल देंशा, ग्‍युंबे पा वोंइश मुर मीश का नु मीश मुर वोंइश का नु बाक्‍चा रिम्‍शो दुम्‍ब।

१ कोरिन्‍थी 7:9

सु सु चहिं आन का ला बाक्‍ने मचाप्‍नीमी, मेकोपुकी ग्‍युंबे पांइसमल। मारदे हना वोंइश नु मीश माल्‍शा, हेंथे गाक्‍चा क्‍येङा ग्‍युंबे पचा रिम्‍शो दुम्‍ब। १तिमोथी ५:१४

२ कोरिन्‍थी 4:7

मेको ठेयब सक्ति परमप्रभु यावे के बाक्‍ब, दे कोंइचा कली मेको छेङछेङ खप के गर गो आंइ रां आगाम बाक्‍ब। १कोरिन्‍थी ४:११-१३; २कोरिन्‍थी ११:२३-२७

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।

हिब्रू 13:4

गे नेल्‍लेमी “ग्युंबे पशो रिम्‍शो बाक्‍ब” दे मिम्‍तीने। मुर आ मीश नु मुरु आ वोंइश मइम्‍मल। मीश वोंइश आस नाता ख्रोइक्‍ब नु तेल्‍लेम आन कली परमप्रभु यावेमी निसाफ पाइब।

१ पत्रुस 3:7

गे वोंइश मुरपुकी, आंम मीश नु रिम्‍शो पा बाक्‍कीने। मीश मुरपुकी वोंइश मुर खोदेंशो पा बोल्‍यो मबाक्‍नीम, दे तुइक्‍नीनी। मेको मिम्‍शा, इन मीश कली मान पने। मारदे हना गे निम्‍फा परमप्रभु यावे आ शिशी ताइब बाक्‍नीसी। मो पाइतीनी हना, इन पुंइशो लोव़ परमप्रभु यावे आ ङोंइती मतेक्‍सीब। १कोरिन्‍थी ७:५; एफिसी ५:२५

१ सामुएल 21:5

मिनु दाऊदमी “गो इन कली थमा लोव़ पाइनुङ, गेना हना यो गो लां गाक्‍ची ना मीश मुर रे ङोन बाक्‍नीकी। एको वोंइश मुर ग्रांग्रा मदिशो बाक्‍नीम। मुल मेको क्‍येङा ग्रांग्रा मदिशो बाक्‍नीकी” देंमाक्‍त।