१ थिस्‍सलोनिकी 4:17 - Sunuwar Bible

¹⁷ नोले ब्रोंइशा लीशो गोपुकी मेको नु गोस्‍सुमी क्‍युक्‍सीशा, मेकोपुकी नु लाइनय। मेकोपुकी नु सरीङमी देल्‍शा बाक्‍शा, प्रभु कली ग्रुम्‍नय। मोदेंशो पा गोपुकी गेना हना यो प्रभु नु काथा बाक्‍चा ताइनय। यूहन्‍ना १२:२६

१ थिस्‍सलोनिकी 4:17 ပူးပေါင်းရင်းမြစ်များ

१ राजा 18:12

गो इन कली प्रोनु चोटी परमप्रभु यावे आ सोक्‍तीम इन कली लाइक्‍ब। मिनु गो लशा आहाब कली मो देंङानु, मेकोमी इन कली मथित्‍तु हना, आं कली साइक्‍ब। मो हना यो, गो, इन गेय पाइब, आं आल रेन परमप्रभु यावे कली मान पा हिंशा, थमा सुइक्‍ब बाक्‍नुङ।

२ राजा 2:11

मिनु मेको निक्‍शी लोव़ पना पन गाक्‍सा बाक्‍त। मिनु रीब पा मी ब्रशो बग्‍गी नु शारापुकी ग्रूमा बाक्‍त। मिनु मेकोपुकीमी मेको निक्‍शी आस कली फ्रादमे बाक्‍त। मिनु एलीया फश गिवारम क्‍युक्‍शा इर सरीङ लाइक्‍चा पुंइसे बाक्‍त। उत्‍पत्ती ५:२४

२ राजा 2:16

मिनु मेकोपुकीम एलीशा कली “कोव़ङीन, गो इन गेय पाइबपुकी नु बोल्‍यो ५० जना मुर बाक्‍नीम। मेकोपुकी लशा, इन होव़प कली माल्‍चा गेने। परमप्रभु यावे आ सोक्‍तीम क्‍युक्‍शा लाइश्‍शा, मेको कली तेकोइ पहाड, बेंसीम वोइश्‍शो बाक्‍म माइ” देंमा बाक्‍त। तन्‍न एलीशाम “ममाइ, मेको आन कली मसोइक्‍तीन” देंमाक्‍त।

भजन संग्रह 16:11

गे आं कली ब्रोंइतीक लां कोंइनीनी। गो इन ङोंइती बाक्‍ङानु, आं थुं ग्‍येरतीकेम ब्रीब। इन ग्‍युरा गे बाक्‍ङानु, गेना हना यो थम रिम्‍शो दुम्‍नुङ” दे लोव़ पाता।

भजन संग्रह 17:15

गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती।

भजन संग्रह 49:15

तन्‍न परमप्रभुमी आं कली तुरस रे प्रोंइब। मेकोमी थमा पा आ बाक्‍तीकेम लाइक्‍ब। ठेयब सेंदा पा।होसे १३:१४; भजन संग्रह ७३:२४

भजन संग्रह 73:24

गे आं कली इन लोव़मी लां कोंइनीनी। मिनु नोले गे आं कली छेङछेङम ताक्‍नीनी। भजन संग्रह ४९:१६

यसैया 35:10

परमप्रभु यावेमी श्‍येत रे प्रोंइशो मुर ला लेश्‍शा जाक्‍नीम। मिनु सियोनमी कुम्‍सो पना पन ओव़नीम। मेकोपुकी गेना हना यो ग्‍येरसीशा बाक्‍नीम। ग्‍येरसीना सीन बाक्‍नीम। आन श्‍येत जशा, हुक‍यी पतीके लेश्‍शा मजाक्‍ब। यसैया ५१:११; प्रकाश २१:४

दानीएल 7:13

मिनु नोले गो नाक्‍दो ङा कोंइतीकेमी मुर खोदेंशो का ताता। मेको गोस्‍सुम गिल्‍सी‍शा पिना पिन पशो ताता। मिनु मेको कली शुश बर्स दुम्‍शो का आ ङोंइती राप्‍पाइश्‍शो ताता। लूका २१:२७; प्रकाश १:१३; प्रकाश १४:१४

मत्ती 26:64

येसुमी “गे आंमा देंतीनी। मुल ङा मेरे रागीम जरमेशो कली नेल्‍ल सक्ति पाइश्‍शो आ ग्‍युरामी बाक्‍शो ताइनीनी। गोस्‍स तारी बाक्‍शा, यिना यिन पशो ताइनीनी, दे गो इन कली देंनुङ” दे मदा बाक्‍त। भजन संग्रह ११०:१; मत्ती १६:२७; मत्ती २४:३०; दानीएल ७:१३

मर्कूस 14:62

येसुमी “गो नङ। गे रागीम जरमेशो कली नेल्‍ल सक्ति पाइश्‍शो आ ग्‍युरा गे बाक्‍शो ताइनीनी। गोस्‍सुमी गिल्‍सीशा जाक्‍ना जाक्‍न पशो ताइनीनी” दे मदा बाक्‍त। भजन संग्रह ११०:१; दानीएल ७:१३-१४

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

यूहन्‍ना 14:3

मिनु इन बाक्‍तीक ठीक पशा, लेंशा जाक्‍शा आं बाक्‍तीक लाइक्‍नन्‍नी। मिनु गो नु काथा बाक्‍नीनी। यूहन्‍ना १२:२६; यूहन्‍ना १७:२४

यूहन्‍ना 17:24

आं आफ, आं कली गेशो मुरपुकी गो नु काथा बाक्‍मल, दे पुंइनुङ। गे रागी सेल्‍चा ङोंइती आं कली दाक्‍शा, इन सक्ति आं कली गेतीनी। मिनु मेकोपुकीमी यो आं सक्ति तामेक्‍ल। यूहन्‍ना १२:२६; हितोपदेस ८:२२-३१

प्रेरित 1:9

मिनु मोदेंशो लोव़ पा, मेको आन तना तन ग्‍येत्‍थ ग्‍युक्‍शा, गोस्‍सुमी गिल्‍सीशा सरीङ ग्‍येत्‍थ लमाक्‍त। मिनु नोले मेकोपुकीमी मतामे बाक्‍त। मर्कूस १६:१९; लूका २४:५१

प्रेरित 8:39

मिनु ब्‍वाक्‍कु रे ग्रूशा कुसानु, परमप्रभु यावे आ सोक्‍तीमी फिलीप कली लदा बाक्‍त। मिनु ठेयब मुरुमी मेको मतवा बाक्‍त। मो हना यो थाम्‍पा ग्‍येरसीशा, आ लां खोइश्‍शा गाक्‍माक्‍त।

१ कोरिन्‍थी 15:52

मेको छिन काम दुम्‍ब। याम काम दुम्‍ब। नोले ङा नाक्‍त ङा तुराही ताप्‍ची ना मेको दुम्‍ब। मारदे हना मेको तुराही नेंसीब। बेक्‍शो मुर, मबेक्‍चा ङा पा सेंसीनीम। मिनु गो फाइक्‍चा पुंइसीनय। मत्ती २४:३१

२ कोरिन्‍थी 5:8

गो ठेयब थुं पाइश्‍शो बाक्‍नीकी। गो रां रे ङोन दुम्‍शा, प्रभु नु बाक्‍चा दाक्‍नीकी। फिलिप्‍पी १:२३

फिलिप्‍पी 1:23

गो निम्‍फा आस दातेमी बाक्‍नुङ। मेकेर रे लशा, ख्रीस्‍त नु बाक्‍चा आं दाक्‍शो बाक्‍ब। मारदे हना मेको शुश रिम्‍शो बाक्‍ब। २कोरिन्‍थी ५:८

१ थिस्‍सलोनिकी 3:13

मोपा प्रभु येसु आ मुर नु जाक्‍ची ना इन थमा सुइक्‍तीक थुं बारपाइश्‍शा, दोस गेचा मपुंइसीब, इं आफ परमप्रभु यावे आ ङोंइती रिम्‍शो सेलल। १कोरिन्‍थी १:८; फिलिप्‍पी १:१०

१ थिस्‍सलोनिकी 4:15

मिनु गोपुकीमी इन कली प्रभु आ लोव़ रे “प्रभु आ यिचा सम्‍म बाक्‍बपुकी बेक्‍शो वारच आन क्‍येङा ङोंइती प्रभु कली ग्रुम्‍चा मताइनय” दे तुइक्‍पाइक्‍नीकी। मत्ती १६:२८; मत्ती २४:३०-३१; १कोरिन्‍थी १५:५१-५२; यूहन्‍ना १७:२४

१ थिस्‍सलोनिकी 4:18

मोपतीके मेको लोव़ पा थुं बारपाइक्‍‍मुने।

१ थिस्‍सलोनिकी 5:10

मेको इं पर्बम साइक्‍चा पुंइसाक्‍व। मो दुम्‍तीके गोपुकी इप्‍तय हना यो, मइप्‍तय हना यो, मेको नु ब्रोंइचा ताइनय। रोमी १४:८-९

२ पत्रुस 3:13

तन्‍न आ ङोंइती देंशो “नक सरीङ नु नक रागी सेल्‍नुङ। मेकेर नेल्‍ल रिम्‍शो नु ठीक ला पाइनीम” देंशो लोव़ रिम्‍नय। यसैया ६५:१७; प्रकाश २१:१; प्रकाश २१:२७

प्रकाश 1:7

मिनु येसु ख्रीस्‍त लेश्‍शा, दोपा यीबा देंशा हना, सरीङ रे गोस्‍सुमी गिल्‍सीशा यीब। मिनु मुर नेल्‍लेमी मेको कली यिन यिन पशो ताइनीम। मेको कली साइक्‍पाइक्‍बपुकीमी यो ताइनीम। मिनु थर थर ङा मुरपुकीम मेको कली तशा, रोंका पा ङाक्‍नीम। एको थमा लोव़ बाक्‍ब। आमेन। मत्ती २४:३०; जकरिया १२:१०; यूहन्‍ना १९:३७

प्रकाश 11:12

मिनु सरीङ रे ठेयब सेंदामी मेको निक्‍शी आस कली “एक कुस” देंशो नेंताक्‍स। मिनु गोस्‍सुमी गिल्‍सीशा, इर सरीङ लाम्‍ताक्‍से। मेको आस जोरी सत्रुपुकीमी मेको आस कली सरीङ गे लशो ताम्‍तेक्‍म।

प्रकाश 12:5

मिनु मेको मीश मुरुमी वोंइश आल का थित। मेको वोंइश आल नोले रागी ङा मुर आन कली फलाम के कोक्‍केमी सासन पाइब दुम्‍ब। मिनु परमप्रभु यावे आ स्‍वर्ग ङा गेय पाइबपुकीमी मेको वोंइश आल कली परमप्रभु यावे आ ठेयब नित्‍तीकेम लाइश्‍शा वोइक्‍तेक्‍म। भजन संग्रह २:९