१ थिस्‍सलोनिकी 4:11 - Sunuwar Bible

¹¹ गेपुकी दुशा बाक्‍कीन। आंम खिं ङा गेय ला मिम्‍तीने। आंमान गेय पना पन बाक्‍कीन। मेको इन कली अरेतीक लोव़ पाइतक। १थिस्‍सलोनिकी २:९; एफिसी ४:२८; २थिस्‍सलोनिकी ३:८,१२

१ थिस्‍सलोनिकी 4:11 ပူးပေါင်းရင်းမြစ်များ

हितोपदेस 17:1

जिना जिन ब्रोव़शो जचा क्‍येङा सिक्‍सी पा थुं नाइश्‍शा पोकतो खमे जचा रिम्‍शो बाक्‍ब। हितोपदेस १५:१७

हितोपदेस 17:14

दोपा प्रोंइशो ब्‍वाक्‍कु बोल पा शाइक्‍बा, मोपा जिचा पोक्‍तीक बाक्‍ब। मोपतीके जिचा ठेयब दुम्‍चा क्‍येङा ङोंइती मेको कली तेक्‍कीन।

उपदेसक 4:6

फश कली खेदा पशो खोदेंशो पा, शुश श्‍येत पा शुश चेम्‍चा क्‍येङा, थुं नाइश्‍शा इच्‍का खोइ चेम्‍चा रिम्‍शो बाक्‍ब। हितोपदेस १५:१६

बिलाप 3:26

सिक्‍सी पा परमप्रभु यावे आ श्‍येत रे प्रोंइतीके रिम्‍चा रिम्‍शो दुम्‍ब। रोमी ८:२५

मर्कूस 13:34

दोदेंशो दुम्‍ब देंशा हना, मुर का तेइ तेइ हिरथ लमेनु, लचा ङोंइती आ गेय पाइब आन कली का का पा आन गेय योक्‍शा, लाप्‍चो खाल पाइब कली ‘गेना हना यो लां कोव़शा बाक्‍को’ दे माइश्‍शा लाइब।

प्रेरित 18:3

मिनु पावल अक्‍वीला नु प्रिस्कीला ग्रुम्‍शा, मेको नु काथा बाक्‍माक्‍त। मारदे हना ङोंइती पावल मेको आस खोदेंशो पा ताम्‍बु सेल्‍ब बाक्‍माक्‍त। मिनु सांफा दुम्‍शा गारशा, गेय पामे बाक्‍त। प्रेरित २०:३४; १कोरिन्‍थी ४:१२

प्रेरित 20:35

गो मार पाता हना यो, मचाप्‍ब आन कली वारच पाइक्‍चा नमी, दे गेय पा कोंइताक्‍न्‍न। प्रभु येसु आ शेंशो लोव़मी ‘ताक्‍चा क्‍येङा गेचा रिम्‍शो बाक्‍ब’ ” देंत।

रोमी 12:11

पचा माल्‍शो गेय अल्‍सी मपथु पने। परमप्रभु यावे आ सोक्‍तीम इन थुंम मी ब्रशो खोदेंशो आ प्रभु कली गेय पने। प्रकाश ३:१५; प्रेरित १८:२५; कलस्‍सी ३:२३

रोमी 15:20

ङोंइतीन ख्रीस्‍त आ लोव़ नेंने थुम्‍शो आन बाक्‍तीकेम, मलङ। मुल सम्‍म ख्रीस्‍त आ नें मनेंशो आन कली शेंनुङमी देंशा, शेंना शेंन गाक्‍ती। २कोरिन्‍थी १०:१५-१६

१ कोरिन्‍थी 4:12

गो आंम गुइमी श्‍येत पा गेय पा बाक्‍तक। मुरपुकीमी आंइ कली शुक्‍शी लोव़ पामेनु, मेको आन कली आसीक गेतक। गिश खेदा पाम्‍तेक्‍म हना यो, फाल्‍शा बाक्‍तक। १कोरिन्‍थी ९:१५; प्रेरित १८:३; मत्ती ५:४४; रोमी १२:१४

२ कोरिन्‍थी 5:9

मोपतीके गो रांम बाक्‍शा हना यो, मबाक्‍शा हना यो, प्रभु कली ग्‍येरपाइक्‍चा दाक्‍नीकी।

एफिसी 4:28

खुइ पाइबमी लेंशा खुइ मपथु, ठीक गेय पचा माल्‍ब। मिनु मेकोमी रिम्‍शो गेय पवानु, श्‍येत जाइब आन कली यो वारच पने चाप्‍ब। प्रस्‍थान २०:१५; १थिस्‍सलोनिकी ४:११

१ तिमोथी 2:2

पिप नु सरकार ङा ठेयब अधिकार पाइश्‍शो मुर आन पर्बम यो मोदेंशो पुंइतीक लोव़ पचा माल्‍नय। मो पा गो रिम्‍शो, थुं नाइश्‍शा, इं गेयमी परमप्रभु यावे कली मिम्‍चा, दाक्‍चा नु नेल्‍ल गेयमी ठीक दुम्‍शा बाक्‍य।

१ तिमोथी 5:13

मेकोपुकी मुर आन खिं खिं हिरथ लाइनीम। अल्‍सी ला ममाइ, मदेंचा ङा लोव़ यो शुश पाइनीम।

तीतस 3:14

मिनु इं मुरपुकीमी यो रिम्‍शो गेय पचा कली शेंसीचा माल्‍नीमी। मोपा शुश श्‍येत जाइब आन कली वारच पशा, फल सिप्‍ब रवा खोदेंशो दुम्‍नीम। तीतस २:१४; मत्ती ७:१९

१ पत्रुस 3:4

मुर आन थुंमी ख्रुइश्‍शो जाम्‍शा मलाइब पांइतीके बाक्‍ब। मेको मार बाक्‍ब देंशा हना, ब्रेम्‍शो नु सिक्‍सी पा बाक्‍तीक थुं बाक्‍ब। मेको परमप्रभु यावे आ ङोंइती शुश रिम्‍शो बाक्‍‍ब।

१ पत्रुस 4:15

गेपुकी मुर कली साइक्‍ब, खुइ पाइब, ग्रांग्रा दिचा ङा गेय पाइब नु अरु आन कली ग्‍येत्‍थ लुक्‍च सेल्‍शा, सजाइ तपाइक्‍ब खोदेंशो मदुमीन।