१ थिस्‍सलोनिकी 4:1 - Sunuwar Bible

¹ मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।

१ थिस्‍सलोनिकी 4:1 ပူးပေါင်းရင်းမြစ်များ

२ इतिहास 17:4

तन्‍न मेको परमप्रभु यावे, आ आफ आ परमप्रभु आ नोले खोदा बाक्‍त। मिनु मेको आ शेंशो पवा बाक्‍त। मेको इस्राएल ङा पिप आन लांम मगाक्‍माक्‍त।

अय्‍युब 17:9

मिनु ठीक पाइब मुर आंम लां रिम्‍शो पा गाक्‍नीम। मोदेंशो मुर बोल्‍यो क्‍येङा यो बोल्‍यो दुम्‍ना दुम्‍न लाइनीम।

भजन संग्रह 92:14

मिनु मेकोपुकी शुश बर्स दुम्‍मानु यो, फल सित्‍नीम। मेकोपुकी गिग नु नक ङा नक लीनीम।

हितोपदेस 4:18

तन्‍न ठीक पाइब आन लां सुनी ङा छेङछेङ खोदेंशो बाक्‍ब। मेको नाक्‍ती उइक्‍थ दुम सम्‍म बारना बारन शुश छेङछेङ दुम्‍ब। हितोपदेस २४:२०

यूहन्‍ना 15:2

आं आफोमी फल मसिप्‍ब राशी आन कली ख्रोइश्‍शा ताइक्‍ब। फल सिप्‍ब राशी कली मेको क्‍येङा शुश फल सिप्‍पाइक्‍चा, दे मुंइशा वोइक्‍ब। यूहन्‍ना १३:१०; १पत्रुस १:२३

प्रेरित 20:27

मारदे हना परमप्रभु यावेमी शेंपाइश्‍शो लोव़ का यो मख्रुइक्‍थु नेल्‍ल शेंताक्‍न्‍‍नी।

रोमी 8:8

रागी ङा मुर आन थुंमी मिम्‍बपुकीमी परमप्रभु यावे कली ग्‍येरपाइक्‍ने मचाप्‍नीम।

१ कोरिन्‍थी 11:23

मारदे हना प्रभुमी आं कली मार शेंदा, मेको इन कली शेंताक्‍ङ। मेको ग्‍याइक्‍चा पुंइसीशो नाक्‍दो प्रभु येसुम शोब्‍ले शे‍शा, मत्ती २६:२६-२८; मर्कूस १४:२२-२४; लूका २२:१९-२०

१ कोरिन्‍थी 15:1

आं लोक्‍बपुकी, इन कली ङोंइती येसु ख्रीस्‍त आ पर्बम शेंशो ग्‍येरपाइक्‍तीक लोव़ मिम्‍पाइक्‍नुङ। गेपुकीमी एको लोव़ नेंशा थमा सुइक्‍तीनी। मिनु मुल यो थमा सुइक्‍ना सुइक्‍न बाक्‍तीनी।

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

२ कोरिन्‍थी 10:1

गो, ख्रीस्‍त आ ब्रेम्‍शो नु रिम्‍शो पतीकेमी, इन कली शेंना शेंन बाक्‍नुङ। गो इन नेक्‍था बाक्‍शा, ब्रेम्‍शो लोव़ पाइनुङ। तन्‍न गो ङोन बाक्‍ती हना, हुइश्‍शा लोव़ पाइनुङ।

२ कोरिन्‍थी 13:11

आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३

२ कोरिन्‍थी 5:9

मोपतीके गो रांम बाक्‍शा हना यो, मबाक्‍शा हना यो, प्रभु कली ग्‍येरपाइक्‍चा दाक्‍नीकी।

२ कोरिन्‍थी 6:1

गो परमप्रभु यावे नु गेय पतीके इन कली “परमप्रभु यावे आ शिशी त‍शा, मप्रेंदीन” देंनीकी। २कोरिन्‍थी १:२४

गलाती 6:1

आं लोक्‍बपुकी, सुमी आ थुंमी मिम्‍शा, दला दाक्‍स पा प्रभु आ देंशो मटिथु मरिम्‍शो दुम्‍मे, गे मेको कली परमप्रभु यावे आ सोक्‍तीमी ब्रीशो थुं पाइश्‍शोपुकीमी, ठेयब मलेत्‍थु, रिम्‍शो लोव़ पा, आ थुं परमप्रभु यावे गे लेप्‍पतीने। मो पनीनु, थुं थाम्‍चा मपुंइसेक्‍ल, दे होस पा बाक्‍कीन। मत्ती १८:१५; याकूब ५:१९

एफिसी 4:1

गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।

एफिसी 4:20

गेपुकी चहिं ख्रीस्‍त कली तुइश्‍शा, मोदेंशो मशेंसीनी।

एफिसी 5:17

मोपतीके गेपुकी मूर्ख मदुमीन, प्रभु आ दाक्‍शो मार बाक्‍मे मेको रुपीन।

फिलिप्‍पी 1:27

गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

फिलिप्‍पी 1:9

आं प्रार्थना मार बाक्‍ब देंशा हना, इन दाक्‍चा शुश बारशा, रिम्‍शो नु मरिम्‍शो मार बाक्‍बा से रुप्‍‍ने चाप्‍नील, दे पुंइशा, परमप्रभु यावे नु लोव़ पचा बाक्‍ब। फिलेमोन ६

फिलिप्‍पी 3:14

परमप्रभु यावेमी ख्रीस्‍त येसु आ नेंमी आ बाक्‍तीके रे इनाम गेचा कली मार देंमे, मेकोन शुश पाइनुङ। १कोरिन्‍थी ९:२४

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

कलस्‍सी 2:6

गेपुकी दोपा ङोंइती प्रभु ख्रीस्‍त येसु कली ओव़चा गेनी, मोपा मेको नु बाक्‍कीन।

१ थिस्‍सलोनिकी 3:12

गोपुकीमी इन कली शुश दाक्‍शो खोदेंशो पा प्रभुमी इन दाक्‍चा शुश बारपाइश्‍शा, दाक्‍मुचा नु अरु आन कली यो दाक्‍ब दुमीन।

१ थिस्‍सलोनिकी 4:2

गोपुकीमी प्रभु येसु आ नेंमी इन कली मार अरेतीक लोव़ गेका, मेको गे तुइक्‍नीनी।

१ थिस्‍सलोनिकी 5:12

आंइ लोक्‍बपुकी, इन कली शेंब नु लां कोंइशा, अरेब आन कली रिम्‍शो पने, दे माइक्‍नीकी। १कोरिन्‍थी १६:१८

२ थिस्‍सलोनिकी 1:3

आंइ लोक्‍बपुकी, इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंचा ठीक बाक्‍ब। मारदे हना इन थमा सुइक्‍तीके हु बारशा, इन दाक्‍मुतीक यो बारना बारन लाइब। १थिस्‍सलोनिकी १:२-३

२ थिस्‍सलोनिकी 2:1

आंइ लोक्‍बपुकी, इं प्रभु येसु ख्रीस्‍त यिशा, गोपुकी नु ग्रुम्‍चा आ पर्बमी १थिस्‍सलोनिकी ४:१३-१७

२ थिस्‍सलोनिकी 3:1

मिनु आंइ लोक्‍बपुकी, आंइ कली मिम्‍शा, प्रार्थना पने। आंइ पर्बम परमप्रभु यावे कली मार पुंइचा देंशा हना, इन दातेमी खोदेंशो पा, प्रभु आ लोव़ तेइ तेइ साव सुव ब्रशा लल। एफिसी ६:१८-१९; कलस्‍सी ४:३; १थिस्‍सलोनिकी ५:२५

२ थिस्‍सलोनिकी 3:13

आंइ लोक्‍बपुकी, रिम्‍शो गेय पचा कली गेनायो मदने। गलाती ६:९

१ तिमोथी 5:21

परमप्रभु यावे, ख्रीस्‍त येसु नु योव़शो परमप्रभु यावे आ स्‍वर्ग ङा गेय पाइब आन ङोंइती “मुर आन कुल मकोव़थु, आं देंशो नेल्‍ल पावो” दे इ कली अरेनुङ। मुर आन कुल कोव़शा, मारेइ मपावो।

२ तिमोथी 4:1

गो इ कली ख्रीस्‍त येसु नु परमप्रभु यावे आस ङोंइती मार देंनुङ देंशा हना, येसु ख्रीस्‍त आ राज्‍य जाची ना बेक्‍शो नु ब्रोंइशो मुर आन कली निसाफ पाइब बाक्‍ब। मेको आ जाक्‍चा नु राज्‍य पचा मिम्‍शा १पत्रुस ४:५

हिब्रू 11:6

थमा मसुइक्‍थु मेको आ थुं नुपाइक्‍ने मजाप्‍ब। परमप्रभु यावे आ नेक्‍था जाक्‍दीन्‍ने यो मजाप्‍ब। मेको बाक्‍ब, दे थमा सुइक्‍चा माल्‍ब। मिनु मेको बाक्‍‍ब, दे थमा सुइक्‍बपुकीम मेको कली माल्‍नीम। मिनु आ कली माल्‍ब आन कली तपांइसीब।

हिब्रू 13:16

अरु आन कली रिम्‍शो पने। मथीब मचाप्‍ब आन कली मार माल्‍दा, मेको गेचा मप्रेंदीने। मिनु परमप्रभु यावेमी इन कली मोदेंब रिम्‍शो पशो तशा ग्‍येरब।

हिब्रू 13:22

आं दाक्‍शो लोक्‍बपुकी, इन कली आं ब्रेक्‍शो थुं बारपाइक्‍तीक लोव़ शुश मब्रेक्‍तु। रिम्‍शो पा रु‍प्‍चा माल्‍नीनी।

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।

१ यूहन्‍ना 3:22

मिनु गो महिंथु पुंइतय हना, इं पुंइशो गेब। मारदे हना गोपुकी आ अरेशो लोव़ पशा, आ दाक्‍शो पाइनय। मर्कूस ११:२४