१ थिस्‍सलोनिकी 2:7 - Sunuwar Bible

⁷ गोपुकी ख्रीस्‍त आ सोइश्‍शो दुम्‍शा, इन गुइ रे मार मार ताक्‍चा ठीक दुम वा। तन्‍न गो आल कली दूध तुंइब ममा खोदेंशो पा, इन कली कोव़तक।

१ थिस्‍सलोनिकी 2:7 ပူးပေါင်းရင်းမြစ်များ

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

यसैया 66:13

दोपा आल आ ममामी आल आ थुं बारपाइक्‍बा, मोपा गो इन कली इन थुं बारपाइक्‍नन्‍नी। गे यरूसलेम सहरमी इन थुं बारपाइक्‍चा पुंइसीनीनी। बजन संग्रह १३१:२

गन्‍ती 11:12

मार, एको इश ङा मुर आं आल नमी ङा? मार, गो मेको आन कली थिङमी ङा? गे आं कली ‘दूध तूब आल कली आ आममी कुरशा लाइश्‍शो खोदेंशो पा, आंइ किकी पिपी आन कली इन गेशो रागीमी कुरशा लावो’ देंनीनी।

प्रेरित 13:18

मिनु ४० बर्स सम्‍म गोरशो रागीमी लां कोंइना कोंइन लाइक्‍मीनु, मेकोपुकीमी आ लोव़ मटिम्‍तेक्‍म हना यो, फाल्‍शा रिम्‍शो पाइक्‍मी बाक्‍त। भजन संग्रह १०६:१३-३३

१ कोरिन्‍थी 2:3

मिनु इन कली शेंदन्‍नीनु, आं रांमी बल मबाक्‍थु, हिंना हिंन, ख्रिंख्रि पा शेंताक्‍न्‍नी। गलाती ४:१३; प्रेरित १८:९; २कोरिन्‍थी १०:३

१ कोरिन्‍थी 9:22

गो बोल मपाइश्‍शो मुर आन कली शेंशा, ख्रीस्‍त आ लोव़ रुप्‍पाइश्‍शा, आ मुर दुम्‍मल, दे गो बोल मपाइश्‍शो खोदेंशो दुम्‍ती। का निक्‍शी ख्रीस्‍त आ लोव़ रुप्‍‍शा, आ मुर दुम्‍मल, दे गो मेको नेल्‍ल आन खोदेंशो दुम्‍ती। रोमी ११:१४

२ कोरिन्‍थी 10:1

गो, ख्रीस्‍त आ ब्रेम्‍शो नु रिम्‍शो पतीकेमी, इन कली शेंना शेंन बाक्‍नुङ। गो इन नेक्‍था बाक्‍शा, ब्रेम्‍शो लोव़ पाइनुङ। तन्‍न गो ङोन बाक्‍ती हना, हुइश्‍शा लोव़ पाइनुङ।

२ कोरिन्‍थी 13:4

मारदे हना मेको मचाप्‍ब दुम्‍शा, शीम केप्‍शा कांटी थोक्‍शा क्‍याइश्‍शा साइक्‍चा पुंइसाक्‍व। तन्‍न परमप्रभु यावे आ सक्तिमी बेक्‍शो रे सेंचा पुंइसाक्‍व। मोदेंशो पा गो यो मेको नु मारेइ पने मचाप्‍ब दुम्‍नीकी। तन्‍न गेपुकी नु बाक्‍कानु, बेक्‍शो रे सेंचा पुंइसीशा, परमप्रभु यावे आ सक्ति तशो सक्ति पाइश्‍शो गेय कोंइनीकी।

गलाती 4:19

आं दाक्‍शो आलपुकी, मीश मुरुमी आल थिचामेनु, श्‍येत जाइनीमी। शुश खाइक्‍ब। आल थिचशो मीश मुरुमी श्‍येत जशा खाइश्‍शो खोदेंशो पा, गो इन कली मिम्‍शा, श्‍येत जाइनुङ। इन थुंमी ख्रीस्‍त बारल, दे मिम्‍शा, मोदेंशो पा आं थुं खाइक्‍ती। १कोरिन्‍थी ४:१५

१ थिस्‍सलोनिकी 2:11

मिनु गोपुकीमी आल आन कली रिम्‍शो अरेब आफ खोदेंशो पा इन कली अरेतक। इन थुं बारपाइश्‍शा

याकूब 3:17

परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।