१ थिस्‍सलोनिकी 2:13 - Sunuwar Bible

¹³ गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्‍ब, दे तुइक्‍ताक्‍नी। थमा सुइश्‍शा मेको लोव़मी इन थुंमी गेय पना पन बाक्‍ब। मो दुम्‍मेनु, गोपुकीमी परमप्रभु यावे कली “गे थिस्‍सलोनिकी ङा मुर आन कली रिम्‍शो पाइतीनी” देंना देंन बाक्‍नीकी। गलाती १:११-१२

१ थिस्‍सलोनिकी 2:13 ပူးပေါင်းရင်းမြစ်များ

येरमीया 44:16

“गे परमप्रभु यावे आ नेंमी आंइ कली पशो लोव़ गो मनेंनीकी।

हाग्‍गै 1:12

मिनु शाल्‍तीएल आ तौ जेरूब-बाबेल नु यहो-सादाक आ तौ, नेल्‍ल क्‍येङा ठेयब चढ़ेब यहोसु नु लीशो मुर नेल्‍‍लेमी परमप्रभु यावे आन परमप्रभु आ लोव़ टिम्‍तेक्‍म। मिनु परमप्रभु यावे आन परमप्रभु आ देंशो नु आ लोव़ पाइब हाग्‍गै आ देंशो लोव़ टिम्‍तेक्‍म। मिनु मुरपुकी परमप्रभु यावे कली मान पा हिंतेक्‍म।

मत्ती 10:20

मारदे हना गे इन थुं रे पिशो लोव़ मपाइनीनी, तन्‍न इन आफ आ सोक्‍तीमी इन शोव़ रे पा लोव़ पाइब। १कोरिन्‍थी २:४

मत्ती 10:40

इन कली ब्राइबमी आं कली ब्राइब। मिनु आं कली ब्राइबमी आं कली सोइक्‍ब कली यो ब्राइब।

लूका 11:28

मिनु येसुमी “आं ममा क्‍येङा परमप्रभु यावे आ लोव़ नेंशा, थुंमी वोइश्‍शा पाइबपुकी आसीक राइब नम” देंमाक्‍त। लूका ८:१५:२१

लूका 5:1

मिनु काबु येसुमी गेनेसरेथ समुन्‍द्र आ नेक्‍था जाक्‍दीश्‍शा, मुर आन कली परमप्रभु यावे आ लोव़ शेंदीमी बाक्‍त। मुरपुकीमी येसु कली डी डा चूमे बाक्‍त।

लूका 8:11

आं देंशो कथा आ अर्थ मार बाक्‍ब देंशा हना, मेको वांचेर परमप्रभु यावे आ लोव़ बाक्‍ब।

लूका 8:21

मिनु येसुमी “परमप्रभु यावे आ लोव़ नेंशा, टीबपुकी कका थमा ङा आं ममा नु लोक्‍ब नम” दे माइक्‍मी बाक्‍त।

यूहन्‍ना 15:3

गेपुकी आं देंशो लोव़ टितीके मुंइसीशो राशी खोदेंशो दुम्‍तीनी।

यूहन्‍ना 17:17

मेको आन कली इन थमा पतीकेमी ख्रुमीन। इन थमा पतीक चहिं इन लोव़ बाक्‍ब। भजन संग्रह ११०:१६०

यूहन्‍ना 17:19

मेको आन पर्बम गो इन कली जिम्‍मा गेसीनुङ। मेकोपुकी यो थमा पतीकेमी ख्रुम्‍शो मुर दुम्‍शा बाक्‍मल। हिब्रू १०:१०

प्रेरित 10:33

मोपतीके ब्रथ सोइक्‍ताक्न्‍‍नी। गे बिश्‍शा गिरिक‍कै जाक्‍शा, आंइ कली रिम्‍शो पाइतीनी। परमप्रभु गे नु बाक्‍ब। मिनु परमप्रभु यावेमी इन कली मार शेंपाइक्‍बा, मेको लोव़ नेल्‍ले नेंचा कली खुम्‍सीशा बाक्‍तक” देंमाक्‍त।

प्रेरित 13:48

मिनु अर्को रागी ङा मुरपुकीमी “मुल गो यो पाप रे ब्रोंइचा ताइबाक्‍तक” दे रुप्‍शा थाम्‍पा ग्‍येरसीशा, परमप्रभु यावे कली ठेयब सेल्‍मे बाक्‍त। परमप्रभु यावेमी ङोंइती रे योव़शोपुकीमी ख्रीस्‍त कली थमा सुइश्‍शा, गेना हना यो ब्रोंइशा बाक्‍चा ताइब दुम्‍मा बाक्‍त। रोमी ८:२९-३०

प्रेरित 16:14

मिनु मेको आन कली लोव़सी पना पन येसु आं लोव़ शेंताक्‍क। आंइ लोव़ नेंब का चहिं थिआटीरा सहर रे जाक्‍शो वा पसल दाइक्‍ब लिडीया नें पाइश्‍शो मीश मुर का बाक्‍त। मेको लिडीया परमप्रभु यावे कली मान पा ठेयब सेल्‍ब बाक्‍बाक्‍माक्‍त। मेकोमी पावल आ लोव़ थम नोफा दाइश्‍शा नेंतु। मिनु प्रभुमी रुप्‍चा थुं गेप्‍तु।

प्रेरित 17:11

बेरोइया सहर ङा यहूदीपुकीमी थिस्‍सलोनीकी ङा मुर आन पशो खोदेंशो मपामे बाक्‍त। तन्‍न नोफा दाइश्‍शा पावल नु सिलास आस लोव़ नेंशा परमप्रभुमी ब्रेक्‍पाइश्‍शो लोव़ नु मेको आस शेंशो लोव़ गारबा देय मगारबा कोव़चा कली नाक्‍त किंत किंत जाक्‍मा बाक्‍त। यूहन्‍ना ५:३९

प्रेरित 17:32

मिनु बेक्‍शो रे सेंचा पुंइसाक्‍व, मुर नेल्‍ल बेक्‍शो रे सेंचा पुंइसीनीम, दे शेंशो नेंशा, का निक्‍शीमी “एको फश लोव़ पाइक्‍बाक्‍त, है” दे रिस्‍समा बाक्‍त। का निक्‍शीमी चहिं “इन शेंशो रिम्‍शो लाक्‍तक, लेंशा नेंनीकी” दे गाक्‍मा बाक्‍त।

प्रेरित 2:41

मिनु शुश मुरुमी पत्रुस आ देंशो बिश्‍शा, ख्रीस्‍त कली थमा सुइश्‍शा, ब्‍वाक्‍कुम ख्रुम्‍शा ग्रुंइचा पुंइसमा बाक्‍त। मोपा ब्‍वाक्‍कुम ख्रुम्‍शा ग्रुंइचा पुंइसीबपुकी हजार सां खोइ दुम्‍मा बाक्‍त। मोपा थमा सुइक्‍ब नु तेम्‍समा बाक्‍त।

प्रेरित 8:14

मिनु नोले यरूसलेममी बाक्‍ब सोइश्‍शोपुकीमी “सामरीया ङा मुरपुकीमी परमप्रभु यावे आ लोव़ थमा सुइक्‍ब दुम्‍तेक्‍म” देंशो नेंशा, पत्रुस नु यूहन्‍ना आस कली सामरीया सोइक्‍तमे बाक्‍त।

रोमी 10:17

ङोंइती ख्रीस्‍त आ लोव़ नेंशा तुइक्‍पाइक्‍चा माल्‍नीम। मेको लोव़ नेंशा ला थमा सुइक्‍ने चाप्‍नीम।

२ कोरिन्‍थी 3:18

गो नेल्‍ल इं थुं गिल्‍शो वा हुक्‍शा, प्रभु आ छेङछेङ कोंइशा, प्रभु आ छेङछेङ पाइश्‍शो खोदेंशो दुम्‍शा फाइक्‍चा पुंइसाक्‍य। मेको फाइक्‍तीके बारना बारन लशा, इं कली छेङछेङ का रे अर्को छेङछेङम फाइक्‍ब। मेको नेल्‍ल प्रभु रे जाक्‍ब। मेको सोक्‍त बाक्‍ब। २कोरिन्‍थी ४:६

गलाती 4:14

आं कली मोदेंशो रोइ पशो तशा ग्रांग्रा मदित्‍तीनी। मरिम्‍शो लोव़ यो मपाइय्‍यीनी। श्‍येत पा वारच पाइतीनी। परमप्रभु यावे आ स्‍वर्ग ङा गेय पाइब कली ब्रशो खोदेंशो पा मान पाइतीनी। ख्रीस्‍त येसु कली ब्रशो खोदेंशो पा ब्रतीनी।

कलस्‍सी 1:6

इन सहर नु नेल्‍ल अरु सहर ङा मुरपुकीमी यो मेको ग्‍येरपाइक्‍ब लोव़ नेंतेक्‍म। इन दातेमी दोदेंशो पा बारशा लमे, मोदेंशो पा रागी नेल्‍लेमी बारना बारन लत। गेपुकीमी मेको लोव़ नेंशा, परमप्रभु यावे आ शिशी थमा पा रुप्‍‍नी नाक्‍त रेन मेको लोव़ बारना बारन लत।

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९

हिब्रू 4:2

थमा पा, इं कली यो मेको आन कली खोदेंशो पा परमप्रभु यावे आ लोव़ नेंपाइश्‍शो बाक्‍त। तन्‍न इं किकी पिपी आन कली नेंपाइश्‍शो लोव़ शोर गाक्‍शो दुम्‍त। मारदे हना नेंबपुकीमी थमा मसुइक्‍थु मटिशो बाक्‍तेक्‍म।

याकूब 1:18

परमप्रभु यावेमी इं कली आ थमा लोव़ पतीकेमी नक जरमेशो मुर सेल्‍तु। मोदेंशो पा ङोंइती सिश्‍शो फल खोदेंशो पा आ मुर दुम्‍तय। यूहन्‍ना १:१३; १पत्रुस १:१:२३

१ पत्रुस 1:23

गे नक जरमेशो खोदेंशो बाक्‍नीनी। जाम्‍शा लाइब ममाइ। गेनायो मजाम्‍ब दुम्‍तीनी। मेकोन ब्रोंइचा गेब नु गेना हना यो लीब परमप्रभु यावे आ लोव़ बाक्‍ब। यूहन्‍ना १:१३; याकूब १:१-१८

१ पत्रुस 1:25

तन्‍न परमप्रभु यावे आ देंशो लोव़ गेना हना यो लीब। मेको आ ग्‍येरपाइक्‍ब लोव़ बाक्‍ब। मिनु शेंबपुकीमी मेको इन कली शेंताक्‍मे। यसैया ४०:६-८

१ पत्रुस 2:2

नक थिशो आलम दूध तूचा माल्‍शो खोदेंशो पा, गे यो परमप्रभु यावे आ लोव़ तुइक्‍चा मालीन। गे मोदेंशो पाइतीनी हना, इन पाप रे ब्रोंइशो थुं बारना बारन लाइब। हिब्रू ५:१२-१३; मत्ती १८:३

२ पत्रुस 3:2

इन कली मार फ्रुक्‍पाइक्‍चा दाक्‍ताक्‍ङ देंशा हना, परमप्रभु यावे आ साइ ङा लोव़ पाइब आन ब्रेक्‍शो लोव़ फ्रुक्‍पाइक्‍चा दाक्‍ताक्‍ङ। पाप रे प्रोंइब प्रभु आ अरेशो लोव़ इन कली मिम्‍पाइक्‍चा दाक्‍ताक्‍ङ। इन शेंबपुकीमी इन कली शेंताक्‍मे।

१ यूहन्‍ना 3:3

मिनु सु मेको आ मग्रूम सम्‍म रिम्‍शा बाक्‍बा, मेको येसु ख्रीस्‍त पाप रे ङोन बाक्‍शो खोदेंशो पा, मेको यो पाप रे ङोन बाक्‍ब।