१ थिस्‍सलोनिकी 2:12 - Sunuwar Bible

¹² “परमप्रभु यावे आ मुर दुम्‍शा, मेको आ ङोंइती शिरशो दुम्‍शा बाक्‍कीन” दे इन कली पन कि पन, दे शेंशा शुश अरेतक। परमप्रभु यावेमी इन कली आंम राज्‍य नु आ छेङछेङमी बाक्‍चा गेचा कली ब्रेप्‍ब। एफिसी ४:१-२; फिलिप्‍पी १:२७

१ थिस्‍सलोनिकी 2:12 ပူးပေါင်းရင်းမြစ်များ

उत्पत्ती 5:22

हनोक आ थुंमी परमप्रभु आ नेक्‍था बाक्‍शो बाक्‍माक्‍त। हनोक मेथुसेलाह थिशा नोले सहे सां बर्स ब्रोंइमाक्‍त। अरु तमी तौ यो थि‍माक्‍त। उत्‍पत्ती ६:९

२ इतिहास 17:4

तन्‍न मेको परमप्रभु यावे, आ आफ आ परमप्रभु आ नोले खोदा बाक्‍त। मिनु मेको आ शेंशो पवा बाक्‍त। मेको इस्राएल ङा पिप आन लांम मगाक्‍माक्‍त।

रोमी 8:28

गो परमप्रभु यावे आ योव़शो, मेको कली दाक्‍बपुकीमी दोदेंशो श्‍येत जाम्‍तेक्‍म हना यो, दोदेंशो ग्‍येरसाक्‍म हना यो, मार दुम्‍त हना यो, इं कली रिम्‍शो दुम्‍ब, दे तुइश्‍शो बाक्‍नय। एफिसी १:११

रोमी 8:30

आ तौ खोदेंशो दुम्‍मल, दे योव़चा पुंइसीब आन कली ब्रेत्‍ताक्‍व। मिनु ब्रेश्‍शो आन कली ठीक सेल्‍‍तु। मिनु ठीक दुम्‍शो आन कली बेक्‍चा रे प्रोंइशा, आ नु काथा बाक्‍चा गेब। १थिस्‍सलोनिकी २:१३,१४; रोमी ३:२६

१ कोरिन्‍थी 1:9

परमप्रभु यावेमी इन कली आ तौ इं प्रभु येसु ख्रीस्‍त नु गेना हना यो काथा बाक्‍चा कली योव़तु। मिनु आ देंशो लोव़ नेल्‍ल खाप्‍ब। १थिस्‍सलोनिकी ५:२४

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

गलाती 5:16

लोव़ थोक्‍शा, का निक्‍शी नु तेम्‍शा शेंनन्‍नी, परमप्रभु यावे आ सोक्‍त रे पा ब्रोंइशा गेय पने। मो पाइतीनी हना ला, इन दला दाक्‍स मपाइनीनी, इन थुंमी मिम्‍शा मरिम्‍शो मपाइनीनी।

एफिसी 4:1

गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

एफिसी 5:8

गेपुकी यो ङोंइती छिङछिङ ङा गेय पाइब बाक्‍तीनी। मुल चहिं प्रभु कली थमा सुइश्‍शा, छेङछेङ ङा गेय पाइब दुम्‍तीनी। मोपतीके गेपुकी छेङछेङ ङा तमी तौ खोदेंशो दुम्‍शा बाक्‍कीन। एफिसी २:१; १पत्रुस २:९; मत्ती ५:१४; यूहन्‍ना १२:३६; १थिस्‍सलोनिकी ५:५

फिलिप्‍पी 1:27

गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

कलस्‍सी 2:6

गेपुकी दोपा ङोंइती प्रभु ख्रीस्‍त येसु कली ओव़चा गेनी, मोपा मेको नु बाक्‍कीन।

१ थिस्‍सलोनिकी 4:1

मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।

१ थिस्‍सलोनिकी 4:12

मो पाइतीनी हना, अरु मुरपुकीमी इन कली ठेयब सेल्‍नीम। मिनु सुइ के मारेइ ममाल्‍नीनी। कलस्‍सी ४:५

१ थिस्‍सलोनिकी 5:24

इन कली ब्रेप्‍ब इन कली देंशो पाइब बाक्‍ब। मेकोमी थमा पाइब। १कोरिन्‍थी १:९; २थिस्‍सलोनिकी ३:३

२ थिस्‍सलोनिकी 1:10

थमा सुइक्‍बपुकी चहिं आ जाक्‍ची नाक्‍त आ नें ठेयब सेल्‍शा, थमा सुइक्‍ब नेल्‍लेमी आ छेङछेङ तशा छक लाक्‍नीम। मारदे हना गेपुकी आंइ शेंशो लोव़ थमा सुइक्‍तीनी।

२ तिमोथी 1:9

परमप्रभु यावेमी सैतान रे प्रोंइशा “आं मुर नम” दे ब्रेत्‍ताक्‍व। इं रिम्‍शो पतीके कोव़शा ममाइ, आ माल्‍शो नु शुश ङोंइती रे ख्रीस्‍त येसुमी इं कली गेशो दाक्‍तीके आ पर्बम ब्रेत्‍ताक्‍व। तीतस ३:५

१ पत्रुस 2:9

तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८

१ पत्रुस 3:9

इन कली मरिम्‍शो पाइब आन कली मरिम्‍शो मपने। इन कली शुक्‍शी लोव़ पाइब आन कली शुक्‍शी लोव़ मपने, आसीक गेने। मारदे हना गे आसीक ताइब दुम्‍चा कली योव़शो बाक्‍नीनी। १थिस्‍सलोनिकी ५:१५

१ पत्रुस 5:10

मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६

२ पत्रुस 1:3

परमप्रभु यावे आ सक्तिमी ब्रोंइचा नु परमप्रभु यावे आ ङोंइती बाक्‍चा कली मार मार माल्‍या, मेको नेल्‍ल इं कली मो गेप्‍तु। दोपा गेप्‍तु देंशा हना, मेको कली तुइक्‍तीके गेप्‍तु। आ छेङछेङमी बाक्‍चा नु आ पतीके नेल्‍ल पचा कली योव़तु। १पत्रुस २:४

१ यूहन्‍ना 2:6

मिनु सुमी “गो येसु ख्रीस्‍त नु बाक्‍नुङ” देंबा, मेको येसु ख्रीस्‍त खोदेंशो दुम्‍चा माल्‍ब। यूहन्‍ना १३:१५; १पत्रुस २:२१-२३

३ यूहन्‍ना 1:6

इ खिंमी जाक्‍शा बाक्‍शा, थमा सुइक्‍बपुकीमी “गायसमी थमा सुइक्‍ब आन कली शुश दाक्‍शा, खिंमी बाक्‍चा गेप्‍तु” दे आंइ ग्रुम्‍तीकेमी नेंपाइक्‍तेक्‍म। मिनु गे मोपा येसु ख्रीस्‍त कली थमा सुइक्‍ब आन कली खिंमी बाक्‍चा गेचा ला ममाइ, तन्‍न आन लची ना मेकोपुकीमी मार मार माल्‍नीमी, मेको नेल्‍ल परमप्रभु यावेमी खोदेंशो पा गेशा सोइक्‍ताक्‍नी हना, गे रिम्‍शो दुम्‍नीनी। तीतस ३:१३