१ थिस्‍सलोनिकी 1:7 - Sunuwar Bible

⁷ मोपा गेपुकी मासीडोनीया नु आकाया रागी ङा थमा सुइक्‍ब आन कली रिम्‍शो कोंइतीक दुम्‍तीनी।

१ थिस्‍सलोनिकी 1:7 ပူးပေါင်းရင်းမြစ်များ

प्रेरित 1:13

मिनु यरूसलेम सहरम जाक्‍शा ङा मीन, खिं का ङा तला तारी ओव़शा बाक्‍मा बाक्‍त। मोपा बाक्‍बपुकी सु सु बाक्‍मा बाक्‍त देंशा हना, पत्रुस, यूहन्‍ना, याकूब, अन्‍द्रीयास, फिलीप, थोमास, बारथोलोमाइ, मत्ती, अल्‍फयस आ तौ याकूब, सिमोन, मेको कली कनानी यो देंसीब नु याकूब आ तौ यहूदा बाक्‍मा बाक्‍त। लूका ६:१३-१६

प्रेरित 16:12

मेकेर जाक्‍दीश्‍शा जहाज रे तोंइ‍साक्‍क। मिनु गाक्‍शा फिलिप्‍पी सहरमी जाक्‍दीत्‍तक। फिलिप्‍पी मासीडोनीया रागी ङा ठेयब सहर का बाक्‍ब। मेको रागी रोमी आन गुइमी बाक्‍माक्‍त। गोपुकी फिलिप्‍पी सहरमी इच्‍का नाक्‍ती बाक्‍तक।

प्रेरित 18:1

मिनु नोले पावल एथेन्‍स रे लशा, कोरिन्‍थ सहरमी जाक्‍दीम्‍माक्‍त।

प्रेरित 18:12

आकाया रागीमी गाल्‍लीयो माइश्‍शो हुकुम पाइब बाक्‍मेनु, यहूदीपुकी खुम्‍सीशा, पावल कली ग्‍याइश्‍शा, हुकुम पाइब आ ङोंइती चाक्‍दीत्‍मे बाक्‍त।

प्रेरित 19:21

मेको नोले पावलमी “गो मासीडोनीया नु आकाया लां पा यरूसलेममी जाक्‍दीत्‍नुङ। मेकेर काबु निक्‍बु बाक्‍शा, रोम सहर मजाक्‍दीत्‍थु मप्रोंइनुङ” दे थुं पवा बाक्‍त। प्रेरित २३:११

रोमी 15:26

मासीडोनीया नु आकाया रागीमी बाक्‍ब थमा सुइक्‍बपुकीमी “यरूसलेमम बाक्‍ब थमा सुइक्‍बपुकीमी जचा मतामे” देंशो नेंशा, क्‍येट पोक्‍शा गेतीमी। मोपतीके मेको आन कली क्‍येट चोव़थ लाइनुङ। १कोरिन्‍थी १६:१; २कोरिन्‍थी ८:१-४

२ कोरिन्‍थी 1:1

परमप्रभु यावे आ दाक्‍शो पा ख्रीस्‍त येसु आ सोइश्‍शो गो पावल नङ। इं लोक्‍ब तिमोथी नु गोमी कोरिन्‍थ सहर ङा परमप्रभु यावे कली थमा सुइश्‍शा ग्रुम्‍ब इन कली नु आकाया रागीम बाक्‍ब थमा सुइक्‍ब नेल्‍ल आन कली एको चिठी ब्रेक्‍शा सोइक्‍ताक्‍स्‍कु। १कोरिन्‍थी १:१

२ कोरिन्‍थी 9:2

साइ थोचे क्‍येट पोक्‍चा माल्‍ब देंशो नेंशा “पोक्‍नीकी की पोक्‍नीकी” दे प्रेक्‍तीनी। मिनु इन कली मोपा प्रेक्‍शो तशा, मासीडोनीयाम बाक्‍ब आन कली “आकाया ङा मुरपुकीम ग्‍येरसीशा क्‍येट पोक्‍नीम” दे लोव़ नेंपाइक्‍तामी। मिनु शुशेमी “गो यो पोक्‍नीकी” देंतेक्‍मे। २कोरिन्‍थी ८:१९

१ थिस्‍सलोनिकी 1:8

ङोंइती गेपुकी प्रभु आ लोव़ मासीडोनीया नु आकाया रागी ङा मुर आन कली शेंताक्‍नी। मेको आन कली ला ममाइ, नेल्‍ल अर्को रागी ङा मुरपुकीमी यो इन परमप्रभु यावे थमा सुइक्‍तीके तुइक्‍ताक्‍म। मोपतीके गो मेकेर शेंचा ममाल्‍नीकी। रोमी १:८

१ थिस्‍सलोनिकी 4:10

मिनु गेपुकी थमा पा मासीडोनीया रागी ङा लोक्‍ब नेल्‍ल आन कली दाक्‍नीनी। गोपुकीमी मेको क्‍येङा यो दाक्‍तीन, दे इन कली अरेनीकी।

१ तिमोथी 4:12

गे ठिटा बाक्‍ते हना यो, लोव़ पतीकेमी, मुर नु गेय पतीकेमी, दाक्‍तीकेमी, थमा सुइक्‍तीकेमी नु ग्रांग्रा मदि‍शोमी थमा सुइक्‍ब नेल्‍ल आन कली कोंइतीक दुमो। मिनु तोक्‍शो लोव़ पचा मगेमी। तीतस २:१५; २तिमोथी २:२२

तीतस 2:7

मिनु नेल्‍ल क्‍येङा ठेयब मार बाक्‍ब देंशा हना, गे रिम्‍शो गेय पशा, थमा सुइक्‍बपुकी दोदेंशो मुर बाक्‍नीमी, दे कोंइचा माल्‍नेवे। मिनु मुर आन कली शेंदीनु, हेंथे लोव़ मपथु, रिम्‍शो शेंतीक शेंचा माल्‍नेवे। २तिमोथी २:१५; १पत्रुस २:१५; १तिमोथी ४:१२; १पत्रुस ५:२

१ पत्रुस 5:3

“गो परमप्रभु यावे आ योव़शो मुर आन कली हुकुम पाइब दुम्‍ती” दे ममाइ, तन्‍न मेको दोदेंब दुम्‍चा माल्‍नीमी, इन पशो गेयमी कोंइदीन। इजीकीएल ३४:२-४; २कोरिन्‍थी १:२४; तीतस २:७