१ सामुएल 9:26 - Sunuwar Bible

²⁶ मिनु नां सोव़ची ना सामुएलम सावल कली “बोक्‍को। मुल गो इ कली चोव़दीनन” देंमाक्‍त। मिनु सावल नु आ गेय पाइब बोक्‍सा नोले सामुएल नु काथ काथा गाक्‍मा बाक्‍त।

१ सामुएल 9:26 ပူးပေါင်းရင်းမြစ်များ

उत्पत्ती 19:14

मिनु लोतमी आ तमी आस कली ग्‍युंबे पचशो वोंइश आल आस कली ग्रुम्‍शा “बोक्‍कीस, सहर रे लसे। मारदे हना परमप्रभु यावेमी सहर क्‍याम्‍ब” दे माइक्‍सी बाक्‍त। मेको निक्‍शीमी चहिं “रित्‍चा ङा लोव़ बाक्‍त” दे मिम्‍तसे बाक्‍त। गन्‍ती १६:२१

उत्पत्ती 44:4

मिनु सहर रे लमानु, योसेफम आ ठेयब गेय पाइब कली “बोक्‍को, मेको आन नोले खोतो। मिनु मेको आन कली थिश्‍शा ‘मारदे गे रिम्‍शो पाइब कली मरिम्‍शो पनी?

यहोसु 7:13

बोक्‍को। मुर आन कली आं ङोंइती ठीक सेल्‍पतो। मिनु मेको आन कली गे दीसा कली परमप्रभु यावे आ ङोंइती ठीक सेल्‍सीन। मारदे हना परमप्रभु यावे, इस्राएली आन परमप्रभुमी इन दातेमी खतम सेल्‍चा माल्‍शो थोव़क बाक्‍नीम। मेको मग्रुंइताक्‍वी हना, इन जोरी सत्रु क्‍येङा ग्राने मचाप्‍‍नीनी। यहोसु ३:५

न्‍यायाधीस 19:28

मिनु “बोक्‍को, गाक्‍य” देंमेनु, मारेइ लोव़ मलेत्‍ता बाक्‍त। मिनु आ मीश कली गधा तारी वोइश्‍शा खिं लदा बाक्‍त।

१ सामुएल 9:25

मिनु नोले मेकोपुकी डांडा रे सहर ब्रुम्‍मा बाक्‍त। मिनु सामुएलमी सावल कली खिं तला तारी लाइश्‍शा लोव़ पवा बाक्‍त।

१ सामुएल 9:27

मिनु मेकोपुकी सहर लाग्‍मे नोले सामुएलम सावल कली “इ गेय पाइब कली ङोंइती सोइक्‍तो” देंमाक्‍त। मिनु मेकोमी मो पवा बाक्‍त। मिनु सामुएलमी “गे एकेर रिम्‍दो। गो इ कली परमप्रभु आ लोव़ नेंपाइक्‍नन” देंमाक्‍त।